Yikri 15:16 - WẼNNAAM SEBRE 2014

¹⁶ Sẽn-Ka-Saabo, rabeem-kãseng ne yɛɛsg yõka bãmba, yãmb nugã pãn-kãseng yĩnga. Bãmb lebga mugs wa kugri, hal tɩ yãmb nebã looge, hal tɩ yãmb nebã yãmb sẽn da wã looge.

SEBR SÕNGO

¹⁶ B yɛɛsa b rabeem yɛɛsgo n tiig n lebg mugsi n tiig n lebg wa kugri, tɩ yãmb neba lood b loogre, Soaala, tɩ zooda kamb kẽnd ka mi tadgre.

Yikri 15:16 Iomraidhean Croise

Sɩngrẽ 35:5

Rẽ poore, bãmb loogame. La Wẽnnaam kɩtame tɩ rabeem yõk tẽms nins sẽn pẽ bãmbã nebã, la b ka babs a Zakoob kambã ye.

2 Sãmwɛlle 7:23

Rẽ yĩnga, buud bee dũni wã zugu, n yaa wa Israyɛll sẽn yaa yãmb nebã, tɩ b wẽnnaam-dãmbã fãag-b tɩ b lebg b nebã, la b kõ-b yʋʋre? Yãmb nebã taoore, yãmb maana bõn-kãsemse, ne bõn-yɛɛsds y tẽngã yĩnga, n fãag bãmb n yiis Ezɩpt tẽms toay-toay pʋse, ne b wẽnnaam-dãmbã nusẽ, tɩ b lebg yãmb mengã nebã.

Yɩɩn‑sõamyã 105:38

Israyɛll nebã loogr kõo Ezɩpt nebã sũ-noogo, bala, Israyɛll nebã rabeem rag n tar-b lame.

Yɩɩn‑sõamyã 74:2

Tẽeg-y y nebã yãmb sẽn da hal kʋdem-wẽndẽ n fãag-bã yelle. Bu-kãng yaa yãmb buudu, la y pʋɩɩre! Tẽeg-y Sɩyõ tãngã sẽn yaa zĩig ning yãmb sẽn dag n be wã yelle.

Yɩɩn‑sõamyã 89:14

Yãmb kangã yaa raood kanga. Yãmb nug tara pãn-kãsenga, y nug-rɩtg zẽkame.

Yikri 11:7

La sã n yaa ne Israyɛll nebã sẽn beẽ wã, baag meng ka na n wes ned wall rũng ye. Sẽn na n yɩlẽ tɩ yãmb bãng tɩ Sẽn-Ka-Saab welga Ezɩpt nebã ne Israyɛll nebã toore.› »

Yikri 15:13

Yãmb yãaga nin-bãmbã y sẽn fãagã ne y nonglmã. Yãmb pãngã tara bãmb n dabd yãmb yir sẽn welg toorã pʋga.

Yikri 15:5

Zĩ-zulums lima bãmba. Bãmb siga zĩ-zulumsẽ wa kugri.

Yikri 15:6

Sẽn-Ka-Saabo, yãmb nug rɩtg pãng yaa kãsenga. Sẽn-Ka-Saabo, yãmb nug rɩtgã wãa bɛɛbã.

Yikri 18:8

La a Moyiis togsa a rɛɛmbã bũmb nins fãa Sẽn-Ka-Saab sẽn maan Faarõ ne Ezɩpt rãmbã Israyɛll nebã yĩngã, la namsg nins fãa sẽn paam bãmb sorã zugã, la Sẽn-Ka-Saab sẽn fãag bãmb to-to.

Yikri 20:2

«Mam yaa Sẽn-Ka-Saab n yaa fo Wẽnnaam, la yaa maam n yiis foom Ezɩpt soolem yembdã pʋga.

Yikri 23:20

Ade, mam tʋmda malɛɛk t'a lʋɩ yãmb taoore, n gũ yãmb kẽndã fãa pʋgẽ, la a tall yãmb n taas zĩig ning mam sẽn seglã.

Yikri 23:22

Fo sã n sak yẽnda koɛɛgã neere, n sak bũmb nins fãa mam sẽn yeelã, mam na n lebga fo bɛɛbã bɛ, la mam na n namsa neb nins sẽn namsd foomã.

Yikri 23:27

Mam na n tʋma mam yɛɛsg tɩ reng yãmb taoore, la m na n kɩtame tɩ rabeem kẽ neb nins fãa yãmb sẽn na n kẽng b sʋkã, la m kɩt tɩ y rig y bɛɛbã fãa tɩ b zoe.

Yikri 6:7

Mam na n deega yãmb tɩ y yɩ mam neba, la mam na n yɩɩ yãmb Wẽnnaam. La yãmb na n bãngame tɩ yaa Sẽn-Ka-Saab n yaa yãmb Wẽnnaam, soab ning sẽn fãag-a yãmb ne tʋʋm-wɛgl nins Ezɩpt nebã sẽn modg yãmb tɩ y maanã.

A Ezayi 51:10

Ka yãmb n dag n kɩt tɩ ko-kãsengã koom kʋɩ sɩda? Ka yãmb n kɩt tɩ zĩ-zulumsẽ koom kʋɩ la? Ka yãmb n pãrg sor zĩ-zulumsẽ wã, n tuk sor tɩ yãmb sẽn fãag-b rãmbã loog sɩda?

A Ezayi 63:12

Soab ning sẽn dag n be a Moyiis sɛɛgẽ, n tẽegd b nug sẽn tar pãng n kɩtdẽ tɩ ko-kãsengã welgd bãmb taoore, tɩ bãmb yʋʋrã paamd waoogr wakat fãa wã bee yɛɛnẽ?

Zeremi 31:11

Bala, Sẽn-Ka-Saab n fãagd a Zakoob yagensã, n deegd bãmb neb sẽn tar pãng n yɩɩd bãmbã nugẽ.

Ezekiyɛl 16:8

Mam wa n loogda fo sɛɛgẽ, la m gesa foom n mik tɩ f wakatã taame, yaa nonglmã wakate. Mam tẽega m fuugã noor n lud fo yãndã, n wẽen ne foom, la m maan kaool ne foom. Woto, fo lebga maam n so. Maam a Zu-soab a Sẽn-Ka-Saab n yeele.»

Tʋʋma 20:28

Dẽ wã, gũus-y y mense, la y ges piis nins fãa Sɩɩg-sõng sẽn kõ-y tɩ y gũ wã yelle. Rɩlg-y Zu-soabã tẽedbã b sẽn da ne b biigã zɩɩmã.

Yaoolem 11:25

Ned baa a yembr ka na n tõog n yals n zab ne yãmb ye. Sẽn-Ka-Saab sẽn yaa yãmb Wẽnnaamã na n kɩtame tɩ zĩig ning fãa yãmb sẽn kẽngã pʋgẽ, bɩ rabeem la rigb yõk tẽngã nebã fãa wa bãmb sẽn dag n yeel yãmbã.

Yaoolem 2:25

Sẽn sɩng ne rũndã, mam na n kɩtame tɩ neb nins fãa sẽn be tẽngã zugã zoe yãmba. Bãmb sã n wʋm yãmb kibare, rabeem na n yõk-b lame tɩ b pelens yɩke.

Yaoolem 2:4

Yeel nebã woto: «Yãmb na n pɩʋʋga y saam-biisã sẽn yaa a Ezayu yagensã tẽngã sẽn yaa Seyɩɩrã. Bãmb na n zoee yãmba, la maan-y gũusg neere.

Yaoolem 32:6

Yaa woto la yãmb lebsd Sẽn-Ka-Saabo? Buud sẽn yaa yalemb n ka tar yam, ka bãmb n yaa y ba n naan yãmb la? Ka bãmb n naan yãmb la b zĩndg yãmb tẽng zug la?

Yaoolem 32:9

Bala, Sẽn-Ka-Saab nebã yaa bãmb pʋɩɩre. Bãmb dɩka a Zakoob yagensã n kõ b menga.

A Titi 2:14

A Zeezi Kiris kõo b meng tõnd yĩnga, tɩ fãag tõnd ne yel-wẽn fãa n kɩt tɩ tõnd lebg bãmb neb b sẽn yɩlge, la sẽn wɩngd ne tʋʋm-sõamyã maanego.

Zozuwe 2:9

n yeel-b yaa: «Mam miime tɩ Sẽn-Ka-Saab rɩka tẽngã n ning yãmb nugẽ, la yãmb rabeem tara tõndo, la tẽngã nebã fãa rigdame.

Zozuwe 4:24

Woto fãa yaa sẽn na n yɩlẽ tɩ dũniyã rãmb fãa bãng tɩ Sẽn-Ka-Saab tara pãnga, la yaa tɩ yãmb me tõe n zoe Sẽn-Ka-Saab sẽn yaa yãmb Wẽnnaamã daar fãa.»

1 Pɩyɛɛr 2:9

La yãmb yẽ, yãmb yaa buud b sẽn tũusi, la naam maan-kʋʋdba, la buud sẽn welg toor Wẽnnaam yĩnga, neb Wẽnnaam sẽn da tɩ y moon n wilg sẽn bool-a yãmb n yiis likã pʋgẽ, n kẽes-y vẽenem sẽn be ziirã pʋgã tʋʋm sõama wã.

2 Pɩyɛɛr 2:1

Zĩrẽ-bãngdb n dag n zĩnd Wẽnnaam nebã sʋka. Woto me, zĩrẽ karen-saam-dãmb n be yãmb sʋkã. B na n maana sɩlem n wa ne zãmsg sẽn menesd nebã, la b na n kɩɩsa Zu-soab ning sẽn fãag-a bãmbã, la b na n taka sãoong tao‑tao n wa b mens zutu.

1 Sãmwɛlle 2:9

Bãmb gũuda neb nins sẽn sakd bãmbã nao-yakmã, la nin-wẽnsã na n menema lik pʋgẽ. Bala, ninsaal ka tõe n tõog ne a meng pãng ye.

1 Sãmwɛlle 25:37

La beoogã sẽn vẽeg tɩ reezẽ rãamã yi n bas a Naballã, a pagã togs-a-la bũmb nins fãa sẽn maanã. La a Naball pɛlengã yɩkame t'a sobg n gãe.