Yikri 15:13 - WẼNNAAM SEBRE 2014

¹³ Yãmb yãaga nin-bãmbã y sẽn fãagã ne y nonglmã. Yãmb pãngã tara bãmb n dabd yãmb yir sẽn welg toorã pʋga.

SEBR SÕNGO

¹³ Y pidsa y kãoobgo y sẽn da kãab y buudu; y tall-a-la ne pãnga n tɩ kẽes y zag sõngẽ.

Yikri 15:13 Iomraidhean Croise

Sɩngrẽ 19:16

La a Lot dag n ka maand tao-tao ye. La Sẽn-Ka-Saab sẽn dag n dat n fãag bãmbã yĩnga, b gãda a Lot nugã, la b gãd a pagã ne a kom-pugli a yiibã nusi, n tɛ-b n yiis tẽngã.

2 Sãmwɛlle 15:25

Rĩmã yeela a Sadok yaa: «Lebg n leb ne kaoolã koglgã tẽngã pʋgẽ. La Sẽn-Ka-Saab sã n dat n maan maam neere, b na n kɩtame tɩ mam tõog n lebg n wa yã kaoolã koglgã ne bãmb doogã.

A Neemi 9:12

La wĩndga, yãmb tɛta y nebã ne sawaodgo, la yʋngo, yãmb tɛt-b-la ne bug-witim sẽn vẽnegd bãmb sorã.

Yɩɩn‑sõamyã 106:9

Sẽn-Ka-Saab tãsa rudum ko-kãsengã, la a kʋɩɩme, n kɩt tɩ d yaab-rãmbã pɩʋʋg kʋɩl-waokã koɛɛng wa we-raoogo.

Yɩɩn‑sõamyã 74:2

Tẽeg-y y nebã yãmb sẽn da hal kʋdem-wẽndẽ n fãag-bã yelle. Bu-kãng yaa yãmb buudu, la y pʋɩɩre! Tẽeg-y Sɩyõ tãngã sẽn yaa zĩig ning yãmb sẽn dag n be wã yelle.

Yɩɩn‑sõamyã 77:20

Yãmb sorã ra bee ko-kãsengã pʋga, yãmb so-bukã bee ko-zulumsã pʋse, la ned ka yã yãmb nao-bogd ye.

Yɩɩn‑sõamyã 78:35

Bãmb tẽegame tɩ yaa Wẽnnaam n dag n yaa bãmb pĩig kugri, tɩ Wẽnnaam Sẽn-Ka-To n yaa b fãagda.

Yɩɩn‑sõamyã 80:1

A Azaf yɩɩlle, yɩɩlã naab yĩnga. Yaa kaset yɩɩlle, b sẽn yɩɩnd wa yɩɩll sẽn boond tɩ ‹rulg lɛlma.›

Yikri 15:16

Sẽn-Ka-Saabo, rabeem-kãseng ne yɛɛsg yõka bãmba, yãmb nugã pãn-kãseng yĩnga. Bãmb lebga mugs wa kugri, hal tɩ yãmb nebã looge, hal tɩ yãmb nebã yãmb sẽn da wã looge.

Yikri 15:17

Sẽn-Ka-Saabo, yãmb na n talla bãmb n wa sel yãmb tãngã zugu, zĩig ning yãmb sẽn segl n na n zĩnd a pʋgẽ wã, yaa zĩig ning sẽn welg toorã, yaa zĩig yãmb sẽn yẽbg ne y meng nusi.

Yikri 20:2

«Mam yaa Sẽn-Ka-Saab n yaa fo Wẽnnaam, la yaa maam n yiis foom Ezɩpt soolem yembdã pʋga.

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

A Ezayi 51:10

Ka yãmb n dag n kɩt tɩ ko-kãsengã koom kʋɩ sɩda? Ka yãmb n kɩt tɩ zĩ-zulumsẽ koom kʋɩ la? Ka yãmb n pãrg sor zĩ-zulumsẽ wã, n tuk sor tɩ yãmb sẽn fãag-b rãmbã loog sɩda?

A Ezayi 57:15

Bala, soab ning sẽn yɩɩd fãa wã, la sẽn paad wakat sẽn kõn sa wã, tɩ b yʋʋrã welg toorã yetame: «Mam bee hal yĩngr zĩig sẽn welg toor pʋgẽ, la m bee ne ned ning sũur sẽn sãame, soab ning sẽn be paoogr pʋgã, mam bee ne soab ning sɩɩgã sẽn yɛ, n na n bels sũ-pa-noaang soabã.

A Ezayi 63:9

Bãmb yel-pakrã fãa pʋga, rag n yaa yel-pakr yẽnda me yĩnga. Dẽ, bãmb ka tʋm koe-toagsd wall malɛɛk ye. Sẽn-Ka-Saab mengã n wa n fãag bãmba. Sẽn-Ka-Saab nonglmã ne b nimbãan-zoeerã pʋga, b meng n leb n fãag bãmba, bãmb tebla bãmba, la b zã bãmb daar fãa hal kʋdem-wẽndẽ.

Zeremi 2:6

Bãmb ka soke: Sẽn-Ka-Saab ning sẽn dag n yiis-a tõnd Ezɩpt tẽngã bee yɛɛnẽ? Sẽn-Ka-Saab ning sẽn dag n lʋɩ-a tõnd taoor we-raoogã sẽn tar londo, ne ware, la lik bida tɩ ned yir ka be beenẽ wã bee yɛɛnẽ ye.

Efɛɛz Rãmba 2:4

La Wẽnnaam sẽn tar nimbãan-zoeer wʋsgã, la bãmb sẽn nong tõnd ne nonglem kãsengã yĩnga,

1 Pɩyɛɛr 1:5

yãmb tẽebã yĩnga, Wẽnnaam pãngã zãada yãmba, tɩ yãmb na paam fãagr ning sẽn segl n sɛ, n na n puk yaoolem wakatã.