Yikri 14:4 - WẼNNAAM SEBRE 2014

⁴ Mam na n kenga Faarõ sũuri, t'a yik n pʋgl yãmba. Mam na n paama waoogr Faarõ ne a tãb-biisã fãa yĩnga, la Ezɩpt nebã na n bãngame tɩ mam yaa Sẽn-Ka-Saabo.» Dẽ, Israyɛll nebã maana a woto.

SEBR SÕNGO

⁴ M na n kidba dĩma sũuri t'a yik n pʋg yãmba la m na tʋm tʋʋmd sẽn na n wa ne m yʋʋra kilsgu. Dĩma ne a tãb-biisa na bãng tɩ maam la y Wẽnde.» Israyɛl deega Soaala-Wẽnd noore.

Yikri 14:4 Iomraidhean Croise

A Neemi 9:10

Yãmb maana bãna, la bõn-yɛɛsds n sɩbg Ezɩpt rĩm a Faarõ, la y sɩbg neb nins sẽn dag n be ne yẽnda wã, ne a tẽngã nebã fãa. Bala, yãmb dag n miime tɩ b wukda b mens n namsd tõnd yaab-rãmbã, la yãmb kɩtame tɩ y yʋʋrã yi, wa a sẽn ket n yaa to-to rũndã wã.

Yikri 10:2

Leb n yaa sẽn na n yɩlẽ tɩ fo togs f kambã ne f yagensã mam sẽn maan Ezɩpt nebã bũmb ninga, la bõn-yɛɛsds nins mam sẽn maan bãmb sʋkã. Woto, yãmb na bãng tɩ mam yaa Sẽn-Ka-Saabo.»

Yikri 10:27

Sẽn-Ka-Saab kɩtame tɩ Faarõ keng a sũuri, n ka sak n bas bãmb tɩ b loog ye.

Yikri 12:28

Dẽ, Israyɛll nebã kẽngame n tɩ maan wa Sẽn-Ka-Saab sẽn dag n yeel a Moyiis ne a Aarõ wã.

Yikri 14:23

La Ezɩpt nebã pʋgla Israyɛll nebã n kẽ ko-kãsengã pʋgẽ, yaa Faarõ wiidã ne a saar-dãmbã la a wed-rʋʋdbã fãa.

Yikri 14:25

Bãmb kɩtame tɩ Ezɩpt rãmbã saar-dãmbã nao sud hal tɩ Ezɩpt nebã kẽnd lebg toogo. La bãmb yeelame: «Wa-y tɩ d zoe la d bas Israyɛll nebã, bala, Sẽn-Ka-Saab zabda ne Ezɩpt nebã n sõngd-ba.»

Yikri 14:3

Faarõ na n goma Israyɛll nebã wɛɛngẽ n yeele: ‹Bãmb saadame n gilimd we-raoogã pʋgẽ, n ka mi b sẽn dabdẽ ye. Bãmb gɩmba we-raoogã pʋga.›

Yikri 14:5

B togsa Ezɩpt rĩmã tɩ nebã zoeeme. Dẽ, Faarõ ne a tʋmtʋmdbã teka yam Israyɛll nebã yell poorẽ, la b yeelame: «Yaa bõe la tõnd sẽn maan woto wã, n bas Israyɛll nebã tɩ b loog n bas tõndo, tɩ b yaool n dag n tʋmd n kõta tõndo?»

Yikri 14:8

La Sẽn-Ka-Saab kɩtame tɩ Faarõ sẽn yaa Ezɩpt rĩmã sũur keng t'a yik n babs Israyɛll nebã. La Israyɛll nebã yaool n dag n yii ne lohorem.

Yikri 18:11

Moasã, mam miime tɩ Sẽn-Ka-Saab yaa kãseng n yɩɩd wẽnnaam-dãmbã fãa, bala, bãmb fãaga b nebã Ezɩpt nebã nusẽ, wakat ning Ezɩpt nebã sẽn dag n maand bãmb pãngã.»

Yikri 6:7

Mam na n deega yãmb tɩ y yɩ mam neba, la mam na n yɩɩ yãmb Wẽnnaam. La yãmb na n bãngame tɩ yaa Sẽn-Ka-Saab n yaa yãmb Wẽnnaam, soab ning sẽn fãag-a yãmb ne tʋʋm-wɛgl nins Ezɩpt nebã sẽn modg yãmb tɩ y maanã.

Yikri 7:17

Dẽ, ad Sẽn-Ka-Saab sẽn yeta: Yaa ne bõn-kãngã la fo na n bãng tɩ mam yaa Sẽn-Ka-Saabo: Ade, mam na n wẽe Nill kʋɩlgã koom ne dasaar ning sẽn be mam nugẽ wã, la koomã na n lebga zɩɩm.

Yikri 7:3

La maam, mam na n kɩtame tɩ Faarõ keng a sũuri, la Ezɩpt soolmã pʋgẽ, mam na n maana bãn ne bõn-bãn n yɩlme.

Yikri 7:5

Wakat ning mam sẽn na n tẽeg m nugã Ezɩpt tẽngã n yiis Israyɛll nebã bãmb sʋkã, Ezɩpt rãmbã na n bãngame tɩ mam yaa Sẽn-Ka-Saabo.»

Yikri 9:16

La mam basa foom tɩ f vɩɩmde, sẽn na n yɩlẽ tɩ fo yãnd mam pãngã, la tɩ mam yʋʋr saag dũniyã fãa pʋgẽ.

Ezekiyɛl 20:9

La baoosgo, mam maana a woto mam yʋʋrã yĩnga, sẽn na yɩl tɩ mam yʋʋrã ra paam paoogr buud nins Israyɛll nebã sẽn dag n beẽ wã ye. Mam dag n vẽnega m meng ne bu-kãens n kɩt tɩ Israyɛll nebã yi Ezɩpt tẽnga.

Ezekiyɛl 28:22

Yeel bãmb tɩ maam a Zu-soab a Sẽn-Ka-Saab yetame yaa: ‹Sɩdõ, mam zabda ne foom! Mam na n wilga m ziirã fo pʋgẽ.› Mam sã n wa na n sɩbg yẽnda, b na bãng tɩ mam yaa Zu-soab a Sẽn-Ka-Saabo. Mam na n wilga m pʋ-peelmã yẽnda pʋgẽ.

Ezekiyɛl 32:15

Mam sã n wa kɩt tɩ Ezɩpt lebg zĩ-vɩʋʋgo, la m kɩt tɩ b vaag bũmb nins fãa sẽn be tẽngã pʋgẽ wã n looge, mam sã n wa kʋ tẽngã neb fãa zãnga, bãmb na bãng tɩ mam yaa Zu-soab a Sẽn-Ka-Saabo.»

Ezekiyɛl 38:16

Fo na n wa zaba ne Israyɛll sẽn yaa mam nebã, wa sawat sẽn lud tẽngã. Bõn-kãng na n zĩnda wakat sẽn wate. Googe, mam sã n wa wilg m pʋ-peelmã ne foom buud toay-toayã nifẽ, mam na n kɩtame tɩ fo wa zab ne m tẽngã, sẽn na n yɩlẽ tɩ b bãng maam.»

Ezekiyɛl 38:23

Mam na wilga m kãosengã ne m pʋ-peelmã, la m kɩt tɩ buud wʋsg bãng maam. Woto, bãmb na n bãngame tɩ mam yaa Sẽn-Ka-Saabo.»

Ezekiyɛl 39:13

Tẽngã nebã fãa na n muma bãmba, la daar ning mam sẽn na n puk m ziirã, bõn-kãng na n yɩɩ bãmb zu-zẽkre. Maam a Zu-soab a Sẽn-Ka-Saab n yeele.

Maan‑kʋʋre 10:3

A Moyiis yeela a Aarõ yaa: «Sẽn-Ka-Saab rag n yeelame: ‹Neb nins sẽn kolgd maamã tog bãngame tɩ mam welga toore, la tɩ nebã fãa tõe n waoog maam.› » La a Aarõ ka leb n yeel tɩ bũmb yɛs ye.

Rom Dãmba 11:8

wa b sẽn gʋlsã: Hal tɩ ta dũndã daare, Wẽnnaam kõo bãmb gõeem sɩɩga, nin sẽn ka ne, tʋb sẽn ka wʋmda. La a Davɩɩd yeelame yaa:

Rom Dãmba 9:17

Bala, Wẽnnaam gʋls-sõamyã yeela Farawõ yaa: Mam zẽka foom ne m raabo, n na n tall foom n wilg m pãngã, tɩ b na moon mam yʋʋrã tẽng zug tɛk fãa.

Rom Dãmba 9:18

Woto, bãmb zoeta ned ning b sẽn dat n zoe a nimbãanegã nimbãanega, la bãmb sẽn dat t'a soab sũur yɩ kɛgenga, b kengda a soabã sũurã.

Zozuwe 11:20

Bala, yaa Sẽn-Ka-Saab n kɩt tɩ b riglim b sũyã n na n zab ne Israyɛlle, sẽn na n yɩlẽ tɩ Israyɛll nebã sãam-b zãng n ka zoe b nimbãanega, n menes-b wa Sẽn-Ka-Saab sẽn dag n yeel a Moyiisã.

Bʋ-kaoodba 4:7

Mam na n kɩtame tɩ rĩm a Yabẽ tãb-biisã naab a Sizera ne a kut saar-dãmbã, la a tãb-bi-kʋʋngã wa seg foom Kisõ ko-soogã noore, la m na n kɩtame tɩ f tõog-ba.»