Yikri 14:25 - WẼNNAAM SEBRE 2014

²⁵ Bãmb kɩtame tɩ Ezɩpt rãmbã saar-dãmbã nao sud hal tɩ Ezɩpt nebã kẽnd lebg toogo. La bãmb yeelame: «Wa-y tɩ d zoe la d bas Israyɛll nebã, bala, Sẽn-Ka-Saab zabda ne Ezɩpt nebã n sõngd-ba.»

SEBR SÕNGO

²⁵ B gɩmba b bilim-bilma karse tɩ kẽnd lebg nimbãanega; Ezipt rãmb kelmame: «D zoe la d bas Israyɛl kamba tɩ Soaala sõngd-b lame n bas Ezipt rãmba.»

Yikri 14:25 Iomraidhean Croise

2 Kibayã 20:29

Soolem-dãmb a taabã sẽn wʋm tɩ Sẽn-Ka-Saab sõnga Israyɛll n zab ne b bɛɛbã, Wẽnnaam dabeem zoees yõka bãmba.

A Neemi 4:14

Rẽ wã, yãmb sã n wa n wʋm baorgã peebgo, bɩ y yi yãmb sẽn beẽ wã, n zoe n wa mam nengẽ, n wa tigim taaba, la tõnd Wẽnnaamã na n zab n sõnga tõndo.

A Neemi 6:16

Dẽ, tõnd bɛɛbã fãa sẽn wʋm tɩ tõnd mee lalgã n sɛ, la bu-zẽms nins sẽn gũbg tõndã sẽn yã bõn-kãnga, rabeem yõk-b lame, la yãnd yõk-b-la wʋsgo. Dẽ, bãmb bãngame tɩ tõnd sẽn tõog n maan tʋʋm-kãngã yaa ne tõnd Wẽnnaamã tʋlsem.

A Neemi 9:11

Yãmb kɩtame tɩ ko-kãsengã pãrg bãmb taoore, tɩ b tab tẽn-koɛɛng n pɩʋʋge. La yãmb loba sẽn dag n digd-b bãmbã ko-zulumsã pʋsẽ, bãmb lisa bõra, wa b sẽn lob kugr ko-kãseng pʋga.

A. Zoobe 11:20

Nin-wẽns nin na n yiigame, la bãmb ka na n tol n yãnd zĩ-soalgdg ye. Bãmb sẽn gũud yaa kũum bala!»

A. Zoobe 20:24

Yẽnda sã n zoe n na n põs kut zab-teoogo, zũud peemd n na n kõs-a n sãage.

A. Zoobe 27:22

B tãooda yẽnda ne pɛɛm n ka zoet a nimbãaneg ye. La rẽndame tɩ yẽnda mao n zoe n põse.

Yɩɩn‑sõamyã 35:1

A Davɩɩd yɩɩlle. Sẽn-Ka-Saabo, yɩ-y mam bɛɛbã bɛ, Zab-y ne sẽn zabd-b ne maamã!

Yɩɩn‑sõamyã 46:9

Wa-y n ges-y Sẽn-Ka-Saab tʋʋmã, wa-y n ges-y sãoong ning bãmb sẽn wa ne dũniyã zugã.

Yɩɩn‑sõamyã 68:12

Zu-soabã kõo noore, la pagb nins sẽn moond koe-noogã yaa tãb-bi-kʋʋngo.

Yɩɩn‑sõamyã 76:6

B reesa tãb-bi-gãndaadã teed n bas-ba, bãmb gũsa b yaoolem gõeem, Gãnda-kãensã fãa ka tõog n zab n sõng b meng ye.

Yikri 14:14

Sẽn-Ka-Saab na n zaba yãmb yĩnga. Yãmb tɛka, yaa y sĩnd sɩddd...»

Yikri 14:18

La mam sã n paam waoogr Faarõ ne a saar-dãmbã la a wed-rʋʋdbã fãa yĩnga, Ezɩpt rãmbã na bãng tɩ mam yaa Sẽn-Ka-Saabo.»

Yikri 14:4

Mam na n kenga Faarõ sũuri, t'a yik n pʋgl yãmba. Mam na n paama waoogr Faarõ ne a tãb-biisã fãa yĩnga, la Ezɩpt nebã na n bãngame tɩ mam yaa Sẽn-Ka-Saabo.» Dẽ, Israyɛll nebã maana a woto.

Yikri 15:3

Sẽn-Ka-Saab yaa zabr gãndaoogo. Bãmb yʋʋr la a Sẽn-Ka-Saabo.

A Ezayi 31:4

Bala, Sẽn-Ka-Saab yeela maam yaa: «Wa gɩgemde, la wa gɩgem-poll sẽn yõkd rũng n gãe n wũundẽ, tɩ baa pe-kɩɩmbã sã n boond taab la b kelemd n dat n zab ne-a bɩ a ka yɛɛsdẽ wã, la baa bãmb wʋsg sã n bugsd-a bɩ rabeem ka tar-a wã, woto me, Saasẽ-Pãng-Soabã na n siga Sɩyõ tãngã ne kunkubrã zug n zabe.»

Zeremi 51:21

Foom la m tall n beds weefã ne a rʋʋdã, la a saarã ne a soabã.

A Amoose 1:14

Woto yĩnga, mam na n kɩtame tɩ bugum sig Raba zugu, n dɩ a pãng zĩisã. Nebã sẽn na n wa kelem zabrã daarã, la sebgã fugb daare,

A Amoose 5:19

Badaar na n yɩɩ wa ned sẽn zoet n na n põs gɩgemd n tɩ seg ãbga, n ta a yir n tik a lalg tɩ waaf kɛ-a.

A Amoose 9:1

Mam yãnda Zu-soabã sẽn yas tẽn-kugrã taoor n yetẽ: Wẽ ra-lugdsã tɩ roogã miime, n lʋɩ n zãb nebã fãa! Mam na n kʋʋ bãmb yagensã ne zabr sʋʋga. Bãmb sʋkã ned ba a yembr ka na n paam n zoe, la sẽn zoet-bã ba a yembr ka na n tõog n põs ye.

Yaoolem 1:30

Bala, Sẽn-Ka-Saab sẽn yaa yãmb Wẽnnaamã sẽn lʋɩ yãmb taoor n kẽndã na n zab n kõo yãmb wa b sẽn dag n maan Ezɩpt to-to yãmb fãa nifẽ wã.

Yaoolem 3:22

Bɩ y ra zoe bãmb ye: bala, yaa Sẽn-Ka-Saab sẽn yaa yãmb Wẽnnaamã n na n zab n kõ yãmba.»

Yaoolem 32:31

Bala, bãmb fãagr kugrã ka wẽnd tõnd fãagr pĩigã ye. Tõnd bɛɛbã mens mii bõn-kãnga.

Zozuwe 10:14

Daar sẽn wẽnd woto dag n nan zɩ n zĩnd ye. A buud ka zĩnd sẽn deng rẽndã, wall rẽ loogr poore, tɩ Sẽn-Ka-Saab sak ninsaal noor a woto ye. Bala, yaa Sẽn-Ka-Saab n dag n zabd n sõngd Israyɛll nebã.

Bʋ-kaoodba 4:15

Sẽn-Ka-Saab kɩtame tɩ rabeem-kãseng kẽ a Sizera ne a kut saar-dãmbã fãa ne a tãb-biisã fãa. La a Barak kʋ-b-la ne zabr sʋʋga. A Sizera sig n basa a kut saarã n zoe ne nao.