Yikri 14:22 - WẼNNAAM SEBRE 2014

²² Israyɛll nebã kẽna tẽn-koɛɛngã zug ko-kãsengã pʋga. La koomã lebga wa lalg n be bãmb goabg la b rɩtgo.

SEBR SÕNGO

²² Israyɛl kamba dʋʋga mogra nao-koɛɛnga, b kẽna sʋka, tɩ koom yɛs wa lalga, b rɩtgo la b goabga.

Yikri 14:22 Iomraidhean Croise

2 Rĩm-dãmba 2:14

A Eliize rɩka fuugã a Eli sẽn bas tɩ lʋɩ wã n wẽ koomã n yeele: «Sẽn-Ka-Saab sẽn yaa a Eli Wẽnnaamã bee yɛɛnẽ?» Dẽ, yẽnda me wẽe koomã, t'a welg zĩis a yiibu, goabg la rɩtgo, la yẽnda pɩʋʋgame n looge.

2 Rĩm-dãmba 2:8

La a Eli yeega a fuugã n wẽ koomã, la koomã welga goabg la rɩtgo, la bãmb b yiibã fãa tũu taab n pɩʋʋg tẽn-koɛɛngã n looge.

A Neemi 9:11

Yãmb kɩtame tɩ ko-kãsengã pãrg bãmb taoore, tɩ b tab tẽn-koɛɛng n pɩʋʋge. La yãmb loba sẽn dag n digd-b bãmbã ko-zulumsã pʋsẽ, bãmb lisa bõra, wa b sẽn lob kugr ko-kãseng pʋga.

Yɩɩn‑sõamyã 106:9

Sẽn-Ka-Saab tãsa rudum ko-kãsengã, la a kʋɩɩme, n kɩt tɩ d yaab-rãmbã pɩʋʋg kʋɩl-waokã koɛɛng wa we-raoogo.

Yɩɩn‑sõamyã 136:13

Bãmb n kɩt tɩ rudum ko-kãsengã koom pasg zĩis a yiibu, bala, bãmb nonglmã paada wakat fãa!

Yɩɩn‑sõamyã 136:14

Bãmb n kɩt tɩ Israyɛll kambã pɩʋʋg koomã n looge, bala, bãmb nonglmã paada wakat fãa!

Yɩɩn‑sõamyã 66:6

Wẽnnaam teka ko-kãsengã t'a lebg tẽn-koɛɛnga, b pɩʋʋga kʋɩlsã ne nao n looge. Bõn-kãng kɩtame tɩ tõnd maan sũ-noog bãmb pʋgẽ.

Yɩɩn‑sõamyã 74:15

Yãmb n kɩt tɩ ko-bunds ne kʋɩls pus n yi. Yãmb n kɩt tɩ kʋɩls nins koom sẽn ka sɛtã kʋɩ.

Yɩɩn‑sõamyã 78:13

Wẽnnaam welga ko-kãsengã n kɩt tɩ b pɩʋʋg n looge. Wẽnnaam kɩtame tɩ koomã yals wa lalga.

Yikri 14:29

Israyɛll nebã kẽna tẽn-koɛɛngã zug ko-kãsengã pʋga. La koomã yɩɩ wa lalg n be bãmb goabg la b rɩtgo.

Yikri 15:19

Bala, Faarõ wiidã ne a saar-dãmbã la a wed-rʋʋdbã sẽn kẽ ko-kãsengã pʋgẽ wã, Sẽn-Ka-Saab kɩtame tɩ ko-kãsengã koom lebg n lim bãmba. La Israyɛll nebã kẽna tẽn-koɛɛng zug n pɩʋʋg ko-kãsengã.

Yikri 15:8

Yãmb yõ-bogdã pemsem kɩtame tɩ koomã yiki. Koomã wa n sama taaba. Ko-zoetem yalsa yĩngr wa lalga. Ko-kãsengã zĩ-zulums koom gĩsa ko-kãsengã sʋka.»

A Ezayi 11:15

Sẽn-Ka-Saab na n kʋɩɩsa Ezɩpt ko-kãsengã. Bãmb na n tẽega b nug Efrat kʋɩlgã zugu, n fʋʋs-a ne pãng n kɩt t'a welg ko-soay a yopoe, tɩ b tõe n pid neooda n pɩʋʋg-a.

A Ezayi 11:16

B na n tuka sor bãmb neb nins sẽn ketã yĩnga, yaa bãmb neb nins sẽn pa Asiiri wã yĩnga. Wa b sẽn dag n tuk sor Israyɛll nebã yĩnga, daar ning bãmb sẽn yi Ezɩpt tẽngã.

A Ezayi 43:16

Ade, Sẽn-Ka-Saab yetame: «Bãmb n tukd sor ko-kãsengã pʋgã, bãmb n tukd so-buk koom sẽn tar pãngã zugu,

A Ezayi 51:10

Ka yãmb n dag n kɩt tɩ ko-kãsengã koom kʋɩ sɩda? Ka yãmb n kɩt tɩ zĩ-zulumsẽ koom kʋɩ la? Ka yãmb n pãrg sor zĩ-zulumsẽ wã, n tuk sor tɩ yãmb sẽn fãag-b rãmbã loog sɩda?

A Ezayi 63:12

Soab ning sẽn dag n be a Moyiis sɛɛgẽ, n tẽegd b nug sẽn tar pãng n kɩtdẽ tɩ ko-kãsengã welgd bãmb taoore, tɩ bãmb yʋʋrã paamd waoogr wakat fãa wã bee yɛɛnẽ?

A Ezayi 63:13

Soab ning sẽn dag n kɩt-a tɩ bãmb pɩʋʋg zĩ-zulumsẽ n loogã, wa weef sẽn pɩʋʋgd we-raoog n ka lagsdẽ wã bee yɛɛnẽ?

Zakari 2:5

Vẽnegrã pʋga, mam sẽn zẽk m neng n gese, mam yãnda rao sẽn zãad wĩir sẽn tar n magd a nugẽ.

Sõadga 33:8

Bãmb yika Pi-Ayɩrot n pɩʋʋg ko-kãsengã n tees weoogã sẽnẽ, bãmb kẽna dasm a tãab kẽnd Etam weoogã pʋgẽ, la bãmb tɩ siga Maara.

1 Korẽnt rãmba 10:1

M ba-biisi, mam ka rat tɩ yãmb zɩ yel-kãngã ye. Tõnd ba-rãmba fãa zĩnda sawadgã tẽngre, b fãa pɩʋʋga ko-kãsengã pʋga,

Ebre rãmba 11:29

Yɩɩ ne tẽeb la b pɩʋʋg mog-miuugã wa tẽn-koɛɛnga, la Ezɩpt nebã sẽn mak n na n pɩʋʋgã, koomã rɩ-b lame.

Zozuwe 3:16

koomã sẽn yit zugẽ n watẽ wã sẽn ta Ãdem sẽn pẽ Sartanã wã yalsame n tãoos n kuil yĩngr n lebg wa lalga. La koom ning sẽn zoet n sigd n dabd Araba ne yamsem ko-kãsengã sẽnẽ wã welg n looga zãnga. La nebã pɩʋʋga kʋɩlgã Zeeriko sẽnẽ n kẽng rʋʋndã.

Zozuwe 3:17

Maan-kʋʋdb nins sẽn dag n tʋk Sẽn-Ka-Saab kaoolã koglgã yalsa Zʋrdẽ kʋɩl-koɛɛngã tẽn-sʋk n ka serg ye, hal tɩ Israyɛll nebã fãa pɩʋʋg kʋɩlgã koɛɛng n looge.

Zozuwe 4:22

ad yãmb sẽn na n leok-ba: Zʋrdẽ kʋɩlgã lebga koɛɛng tɩ Israyɛll nebã pɩʋʋg n looge.

1 Sãmwɛlle 25:16

Wakat ning fãa tõnd sẽn zĩnd ne bãmb n gũ d rũmsã, b yɩɩ wa yãgr tõnd yĩng wĩndg la yʋngo.