Yikri 14:21 - WẼNNAAM SEBRE 2014

²¹ Dẽ, a Moyiis tẽega a nug ko-kãsengã zugu, la yʋngã tɛka, Sẽn-Ka-Saab kɩtame tɩ sob-kãseng yi yaang n pãrg koomã, la ko-kãsengã pʋgẽ lebga koɛɛnga.

SEBR SÕNGO

²¹ A Moyiiz tẽega a nug mogra zugu. Yʋnga tõre Soaala-Wẽnd kɩtame tɩ yaang sob-raoog fʋʋs mogrã n kʋɩɩs a kooma; kooma yalsa goabg la rɩtgo, n bas sʋka koɛɛnga.

Yikri 14:21 Iomraidhean Croise

Sɩngrẽ 8:1

Wẽnnaam tẽega a Nowe ne we-rũmsã ne yir dũmsã fãa sẽn dag n be ne yẽnda koglgã pʋgẽ wã yelle, dẽ, b kɩtame tɩ sobg fʋʋs dũniyã zugu, la koomã boogame.

2 Rĩm-dãmba 2:8

La a Eli yeega a fuugã n wẽ koomã, la koomã welga goabg la rɩtgo, la bãmb b yiibã fãa tũu taab n pɩʋʋg tẽn-koɛɛngã n looge.

A Neemi 9:11

Yãmb kɩtame tɩ ko-kãsengã pãrg bãmb taoore, tɩ b tab tẽn-koɛɛng n pɩʋʋge. La yãmb loba sẽn dag n digd-b bãmbã ko-zulumsã pʋsẽ, bãmb lisa bõra, wa b sẽn lob kugr ko-kãseng pʋga.

A. Zoobe 26:12

Bãmb pãngã gudga ko-kãsengã. Bãmb pogla wag-bɛɛgã ne b yamã.

A. Zoobe 38:24

Vẽenem tũuda so-bʋg n yãgda? Yaang sobg yita yɛɛnẽ n buiid dũniyã?

Yɩɩn‑sõamyã 136:13

Bãmb n kɩt tɩ rudum ko-kãsengã koom pasg zĩis a yiibu, bala, bãmb nonglmã paada wakat fãa!

Yɩɩn‑sõamyã 148:8

Bugum ne sapɩlem, la neez ne wulgu, foom a sobg sẽn sakd bãmb noore,

Yɩɩn‑sõamyã 66:6

Wẽnnaam teka ko-kãsengã t'a lebg tẽn-koɛɛnga, b pɩʋʋga kʋɩlsã ne nao n looge. Bõn-kãng kɩtame tɩ tõnd maan sũ-noog bãmb pʋgẽ.

Yɩɩn‑sõamyã 74:13

Yãmb n welg ko-kãsengã ne y pãngã. Yãmb n bõgs piryãndã sẽn be koomã pʋgẽ wã zutu.

Yɩɩn‑sõamyã 78:13

Wẽnnaam welga ko-kãsengã n kɩt tɩ b pɩʋʋg n looge. Wẽnnaam kɩtame tɩ koomã yals wa lalga.

Yikri 14:16

La bɩ fo zẽk f rasaarã n tẽeg f nugã ko-kãsengã zug n welg-a, tɩ Israyɛll nebã kẽ koomã sʋka, n kẽn tẽn-koɛɛng zug n looge.

Yikri 14:20

la a yalsa Ezɩpt nebã ne Israyɛll nebã sʋka. Sawaodgã lebga libsg yʋngã tɛka. La yʋngã tɛka, Ezɩpt rãmbã ne Israyɛll dãmbã ka tõe n kolg taab ye.

Yikri 15:8

Yãmb yõ-bogdã pemsem kɩtame tɩ koomã yiki. Koomã wa n sama taaba. Ko-zoetem yalsa yĩngr wa lalga. Ko-kãsengã zĩ-zulums koom gĩsa ko-kãsengã sʋka.»

Yikri 7:19

La Sẽn-Ka-Saab yeela a Moyiis t'a yeel a Aarõ yaa: «Rɩk f dasaarã n tẽeg f nug Ezɩpt soolmã koom zugu. La bãmb kʋɩlsã ne b Nill kʋɩlgã ko-soayã, la b bãgsã, ne bãmb zĩis nins fãa b sẽn bĩngd b koomã, koom na n lebga zɩɩm. Zɩɩmã na n zĩnda ko-yũus nins fãa sẽn be Ezɩpt soolmã fãa pʋgẽ wã pʋse, baa ne b sẽn maan-b rãmb ne raad la kugã.»

A Ezayi 23:11

Sẽn-Ka-Saab tẽega b nugã ko-kãsengã zugu. Bãmb kɩtame tɩ soolem-dãmb rigimdi. Bãmb kõo noor tɩ b sãam Kana pãng zĩisã.

A Ezayi 43:16

Ade, Sẽn-Ka-Saab yetame: «Bãmb n tukd sor ko-kãsengã pʋgã, bãmb n tukd so-buk koom sẽn tar pãngã zugu,

A Ezayi 44:27

Mam yeela ko-zulumsã yaa: ‹kʋɩ-y-yã!› Mam na n kʋɩɩsa yãmb kʋɩlsã koom.

A Ezayi 50:2

Bõe yĩng tɩ mam wa n ka mik neda? Bõe yĩng tɩ mam bool tɩ ned ka leoke? Dẽ yĩnga, mam nugã yaa koɛɛg n ka tõe n fãag yãmb la? Mam ka tar pãng n tõe n fãag yãmb la? Mam sã n tãs ko-kãsengã, a kʋɩtame. Mam tõe n kɩtame tɩ kʋɩls lebg we-raoogo. Koomã kaalem yĩnga, bãmb zĩmã na n põogame, ko-yũud na n kʋʋ bãmba.

A Ezayi 51:10

Ka yãmb n dag n kɩt tɩ ko-kãsengã koom kʋɩ sɩda? Ka yãmb n kɩt tɩ zĩ-zulumsẽ koom kʋɩ la? Ka yãmb n pãrg sor zĩ-zulumsẽ wã, n tuk sor tɩ yãmb sẽn fãag-b rãmbã loog sɩda?

A Ezayi 51:15

Maam a Sẽn-Ka-Saab n yaa fo Wẽnnaam, maam n dãmbd ko-kãsengã n kɩt t'a ko-wĩisã guglumdẽ. Bãmb yʋʋr boondame tɩ Saasẽ-Pãng-Soaba.

A Ezayi 63:12

Soab ning sẽn dag n be a Moyiis sɛɛgẽ, n tẽegd b nug sẽn tar pãng n kɩtdẽ tɩ ko-kãsengã welgd bãmb taoore, tɩ bãmb yʋʋrã paamd waoogr wakat fãa wã bee yɛɛnẽ?

A Ezayi 63:13

Soab ning sẽn dag n kɩt-a tɩ bãmb pɩʋʋg zĩ-zulumsẽ n loogã, wa weef sẽn pɩʋʋgd we-raoog n ka lagsdẽ wã bee yɛɛnẽ?

Abakuk 3:8

Sẽn-Ka-Saabo, yaa ne kʋɩlsã la y yik y sũurã la? Rẽ yĩnga, yaa kʋɩlsã n kɩt tɩ y sũurã yik la? Yãmb sũurã sẽn puugã yaa ne ko-kãsengã la? Yãmb zombda y wiidi, yãmb zombda y tõogr saar-dãmba.

Tʋʋma 7:36

Yaa a Moyiis n maan bõn-yɛɛsds la bãn Ezɩpt tẽngã n yiis Israyɛll kambã Ezɩpt soolmã pʋgẽ la mog-miuugã ne weoogã pʋgẽ yʋʋm pis-naasã.

Zozuwe 2:10

Bala, tõnd wʋmame tɩ wakat ning yãmb sẽn wa n yi Ezɩpt tẽngã, Sẽn-Ka-Saab kɩtame tɩ tãnwĩis ko-kãsengã lebg koɛɛng tɩ yãmb tõog n pɩʋʋg-a. Tõnd leb n wʋma bũmb ning yãmb sẽn maan Amoor-dãmbã rĩm-dãmb a yiibã, a Sihon ne a Oog sẽn dag n be Zʋrdẽ kʋɩlgã rʋʋndã. Yãmb sãam-b-la zãnga.

Zozuwe 3:17

Maan-kʋʋdb nins sẽn dag n tʋk Sẽn-Ka-Saab kaoolã koglgã yalsa Zʋrdẽ kʋɩl-koɛɛngã tẽn-sʋk n ka serg ye, hal tɩ Israyɛll nebã fãa pɩʋʋg kʋɩlgã koɛɛng n looge.

Zozuwe 4:23

Bala, Sẽn-Ka-Saab sẽn yaa yãmb Wẽnnaamã kʋɩɩsa Zʋrdẽ koomã yãmb yĩnga, sẽn na n yɩl tɩ yãmb tõog n pɩʋʋg wa b sẽn dag n kʋɩɩs mogr miuugã tõnd taoor tɩ tõnd tõog n pɩʋʋgã.