Yikri 14:16 - WẼNNAAM SEBRE 2014

¹⁶ La bɩ fo zẽk f rasaarã n tẽeg f nugã ko-kãsengã zug n welg-a, tɩ Israyɛll nebã kẽ koomã sʋka, n kẽn tẽn-koɛɛng zug n looge.

SEBR SÕNGO

¹⁶ Fo yee n zẽk f dasaarã, zẽk f nug mogra zug, wẽ-a ne rasaarã t'a welg a yiibu, tɩ Israyɛl kamba loog sʋka tɩ b naoor meng ka madg ye.

Yikri 14:16 Iomraidhean Croise

2 Rĩm-dãmba 4:29

A Eliize yeela a Geyaazi yaa: «Yik n sẽbg f sɛɛga, n deeg mam dasaarã n zoe n kẽnge. Fo sã n seg neda, bɩ f ra pʋʋs-a ye, la ned sã n pʋʋs foom, bɩ f ra reeg a pʋʋsmã ye. Fo sã n ta, bɩ f rɩk mam dasaarã n sɩɩs biigã nenga.»

Yikri 14:15

La Sẽn-Ka-Saab soka a Moyiis yaa: «Bõe yĩng tɩ fo zẽkd f koɛɛg n boond maam? Yeel Israyɛll nebã tɩ b yik n dɩk sore.

Yikri 14:26

Sẽn-Ka-Saab yeela a Moyiis yaa: «Tẽeg f nug ko-kãsengã zug tɩ koomã lebs n lim Ezɩpt rãmbã ne b saar-dãmbã la b wed-rʋʋdbã.»

Yikri 17:5

Dẽ, Sẽn-Ka-Saab yeela a Moyiis yaa: «Lʋɩ nebã taoore, yãk Israyɛll kãsem-dãmb kẽer tɩ b tũ foom. Rɩk dasaar ning fo sẽn dag n tall n wẽ Nill kʋɩlgã koomã n kẽnge.

Yikri 17:6

La sã n yaa ne maam, mam na n yalsa fo taoor beenẽ, pĩig ning sẽn be Horɛɛbã zugu. La fo na n wẽe pĩigã tɩ koom yi a pʋgẽ tɩ nebã yũ.» A Moyiis maana woto Israyɛll nebã kãsem-dãmbã nifẽ.

Yikri 4:17

La bɩ f zã dasaarã f nugẽ, tɩ yaa yẽnda la fo na n tall n maan bõn-bãna.»

Yikri 4:2

La Sẽn-Ka-Saab soka yẽnda yaa: «Yaa bõe n be fo nugẽ wã?» Yẽnda leokame: «Yaa dasaare.»

Yikri 4:20

Dẽ, a Moyiis kɩtame t'a pagã ne a kom-dibli wã zomb bõense. La yẽnda leba Ezɩpt tẽnga. A Moyiis rag n zãada Wẽnnaam dasaarã a nugẽ.

Yikri 7:19

La Sẽn-Ka-Saab yeela a Moyiis t'a yeel a Aarõ yaa: «Rɩk f dasaarã n tẽeg f nug Ezɩpt soolmã koom zugu. La bãmb kʋɩlsã ne b Nill kʋɩlgã ko-soayã, la b bãgsã, ne bãmb zĩis nins fãa b sẽn bĩngd b koomã, koom na n lebga zɩɩm. Zɩɩmã na n zĩnda ko-yũus nins fãa sẽn be Ezɩpt soolmã fãa pʋgẽ wã pʋse, baa ne b sẽn maan-b rãmb ne raad la kugã.»

Yikri 7:9

«Faarõ sã n yeel yãmb tɩ y maan bõn-bãnde, bɩ f yeel a Aarõ t'a rɩk a rasaarã n lob tẽng Faarõ taoore, la rasaarã na n lebga waafo.»

A Ezayi 10:26

Saasẽ-Pãng-Soabã na n zẽka b kalwaas n pãb bãmb wa b sẽn dag n pãb Madiyã nebã Orɛɛb pĩigã kugr zĩigẽ wã. Sẽn-Ka-Saab zẽka b dasaarã ko-kãsengã zug wa b sẽn dag n zẽk-a Ezɩpt tẽngã.

Abakuk 3:8

Sẽn-Ka-Saabo, yaa ne kʋɩlsã la y yik y sũurã la? Rẽ yĩnga, yaa kʋɩlsã n kɩt tɩ y sũurã yik la? Yãmb sũurã sẽn puugã yaa ne ko-kãsengã la? Yãmb zombda y wiidi, yãmb zombda y tõogr saar-dãmba.

Sõadga 20:11

Dẽ, a Moyiis zẽka a rasaarã n wẽ pĩigã naoor a yiibu, la wakat-kãng bala, koom pusga pĩigã zug n yi wʋsgo, tɩ Israyɛll nebã ne b rũmsã yũ.

Zozuwe 8:18

Sẽn-Ka-Saab yeela a Zozoe yaa: «Rɩk f kãn-dibgã sẽn be fo nugẽ wã n tees Ayi. Bala, mam kɩtame tɩ f na n tõog tẽngã.» A Zozoe tẽega kãnda sẽn dag n be yẽnda nugẽ wã, n tees Ayi tẽngã.