Yikri 13:3 - WẼNNAAM SEBRE 2014

³ Dẽ, a Moyiis yeela nebã yaa: «Tẽeg-y daar ning yãmb sẽn yi Ezɩptã, daar ning yãmb sẽn yi yembd pʋgẽ wã yelle. Bala, yaa ne Sẽn-Ka-Saab nug sẽn tar pãngã la b yiis yãmb beenẽ. Bɩ ned da rɩ bũmb sẽn ning rã-bɩll ye.

SEBR SÕNGO

³ A Moyiiz yeela nebã: «Tẽeg-y daar ninga yãmb sẽn yi Ezipt, y yembd tẽnga. Wẽnd pãng n sõng-y tɩ y paam n yi; daara tẽegr daare, bɩ y da rɩ bur sẽn ning bɩll ye.

Yikri 13:3 Iomraidhean Croise

Sɩngrẽ 15:16

La zamaan a naas loogr zugẽ, bãmb na n lebg n waa zĩ-kãngã. Bala, Amoor-dãmbã wẽngã maaneg nan ka lebg wʋsg n loog nug ye.»

1 Rĩm-dãmbã 8:42

b sẽn wʋm tɩ yãmb yʋʋrã yaa kãseng n tar pãngã, la y maanda tʋʋm-kãsemsã yĩnga, b sã n kẽ ro-kãngã pʋg n pʋʋs yãmba,

1 Kibayã 16:12

Yãmb sẽn yaa b tʋmtʋmd a Israyɛll yagensã, yãmb sẽn yaa a Zakoob yagense, n yaa bãmb nin-tũusdsã! Tẽeg-y bõn-yɛɛsds nins bãmb sẽn maanã yelle, tẽeg-y bõn-kãsemsã ne b bʋ-kaoorã yelle!

A Neemi 1:10

Zu-soaba, bãmb yaa yãmb tʋmtʋmdba, la b yaa yãmb nebã. Yaa bãmb la yãmb sẽn fãag ne y pãn-kãsengã, la yaa ne y nug sẽn tar pãngã la y fãag-ba.

A Neemi 9:10

Yãmb maana bãna, la bõn-yɛɛsds n sɩbg Ezɩpt rĩm a Faarõ, la y sɩbg neb nins sẽn dag n be ne yẽnda wã, ne a tẽngã nebã fãa. Bala, yãmb dag n miime tɩ b wukda b mens n namsd tõnd yaab-rãmbã, la yãmb kɩtame tɩ y yʋʋrã yi, wa a sẽn ket n yaa to-to rũndã wã.

Yɩɩn‑sõamyã 105:5

Yãmb sẽn yaa bãmb tʋmtʋmd a Abrahaam yagensã, yãmb sẽn yaa a Zakoob yagense, n yaa bãmb nin-tũusdsã! Tẽeg-y bõn-yɛɛsds nins bãmb sẽn maanã yelle, tẽeg-y bõn-kãsemsã ne b bʋ-kaoorã yelle!

Yɩɩn‑sõamyã 114:1

Israyɛll nebã sẽn yaa a Zakoob yagensã sẽn wa n yit Ezɩpt tẽngã sẽn yaa buud sẽn gomd gom-zẽngã.

Yɩɩn‑sõamyã 136:11

Bãmb n yiis Israyɛll nebã Ezɩpt tẽnga, bala, bãmb nonglmã paada wakat fãa!

Yɩɩn‑sõamyã 136:12

Bãmb tẽega b nugã n yiis bãmb ne kang sẽn tar pãnga, bala, bãmb nonglmã paada wakat fãa!

Yɩɩn‑sõamyã 89:14

Yãmb kangã yaa raood kanga. Yãmb nug tara pãn-kãsenga, y nug-rɩtg zẽkame.

Yikri 12:15

Yãmb na n dɩɩ bur sẽn ka ning rã-bɩll dasem a yopoe tõre. La sẽn sɩng ne rasem a yopoe wã pipi daarã, bɩ y yiis rã-bɩllã y rotẽ wã. Ned ning sẽn na n dɩ-a bũmb sẽn ning rã-bɩlle, pipi daarã n tãag rasem a yopoe daarã, b na n yiis-a-la Israyɛll buudã neb sʋka.

Yikri 12:17

Maand-y bur sẽn ka ning rã-bɩll tigrã, bala, yaa ra-kãng la mam yiis yãmb tãb-biisã Ezɩpt tẽnga. Bɩ y tẽegd da-kãng yelle, t'a yɩ no-tũudg sẽn ka sɛta, yãmb zamaan-dãmbã fãa yĩnga.

Yikri 12:19

Rasem a yopoe tõre, b ka tog n yãnd rã-bɩll yãmb dotẽ wã ye. Bala, ned ning fãa sẽn na n dɩ-a bur sẽn ning rã-bɩlle, b na n yiisa a soab Israyɛll buudã neb sʋk n kʋ, sã n yaa sãana, wall tẽng-n-neda.

Yikri 12:2

«Ki-kãngã na n yɩɩ pipi kiuug kiisã fãa sʋk yãmb yĩnga. A na n yɩɩ yʋʋmdã pipi kiuug yãmb yĩnga.

Yikri 12:41

La yʋʋm kobs-naas la pis-tã wã zugẽ, Sẽn-Ka-Saab nebã fãa yii Ezɩpt tẽngã.

Yikri 12:42

Badaar yʋngo, Sẽn-Ka-Saab gesa bãmb yell tɩ b tõog n yi Ezɩpte. Woto me, Israyɛll nebã tog n dɩka ra-kãng tɩ yɩ tẽegr daare, zamaan woo zamaane.

Yikri 12:8

Badaar yʋngo, bɩ y sẽ rũngã, la y wãb a nemdã ne bur sẽn ka ning rã-bɩlle, la ne mood sẽn yaa toogo.

Yikri 13:14

Dẽ, yãmb kambã sã n wa sok yãmb nindaar n dat n bãng bõn-kãng võore, bɩ y yeel-ba: Yaa ne nug sẽn tar pãng la Sẽn-Ka-Saab yiis tõnd Ezɩpt yembdã pʋgẽ.

Yikri 13:9

Bõn-kãng na n yɩɩ bãnd yãmb nusẽ, la a yɩ bãnd yãmb rĩirẽ, n yaa tẽegr yãmb yĩnga, tɩ yãmb tõe n togsd Sẽn-Ka-Saab tõogã. Bala, yaa ne nug sẽn tar pãng la Sẽn-Ka-Saab yiis yãmb Ezɩpt tẽnga.

Yikri 20:2

«Mam yaa Sẽn-Ka-Saab n yaa fo Wẽnnaam, la yaa maam n yiis foom Ezɩpt soolem yembdã pʋga.

Yikri 20:8

Tẽeg vʋʋsg daarã yelle, n kɩt t'a yɩ daar sẽn welg toore.

Yikri 23:15

Maan bur sẽn ka rã-bɩll tigr rasem a yopoe, n dɩ bur sẽn ka rã-bɩll wa mam sẽn yeel foom wakat ning mam sẽn yãk bõn-bɩʋʋng kiuugã pʋgẽ wã, bala, yaa ki-kãng pʋgẽ la fo yi Ezɩpte. Ned ka tog n wa mam taoor nug-zaal ye.

Yikri 3:20

La mam na n tẽega m nug n wẽ Ezɩpt ne bõn-bãn nins fãa mam sẽn na n maan bãmb sʋkã. Dẽ poore, a na n basa yãmb tɩ y looge.

Yikri 34:18

Maan bur sẽn ka rã-bɩll tigrã. Rɩ bur sẽn ka rã-bɩll dasem a yopoe b sẽn yãk bõn-bɩʋʋng kiuugã pʋgẽ wã, wa mam sẽn yeel foomã. Bala, yaa bõn-bɩʋʋng kiuugã pʋgẽ la fo yi Ezɩpt tẽngã.

Yikri 6:1

Sẽn-Ka-Saab yeela a Moyiis yaa: «Moasã, fo na n yãnda bũmb ning mam sẽn na n maan Faarõ. Yaa nug sẽn tar pãng n na n kɩt tɩ yẽnda bas nebã tɩ b looge. N-yẽe, nug sẽn tar pãng n na n kɩt tɩ Faarõ rig bãmb tɩ b yi n bas a tẽngã.»

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Yikri 6:7

Mam na n deega yãmb tɩ y yɩ mam neba, la mam na n yɩɩ yãmb Wẽnnaam. La yãmb na n bãngame tɩ yaa Sẽn-Ka-Saab n yaa yãmb Wẽnnaam, soab ning sẽn fãag-a yãmb ne tʋʋm-wɛgl nins Ezɩpt nebã sẽn modg yãmb tɩ y maanã.

Yikri 7:4

La Faarõ ka na n kelg yãmb ye. Dẽ, mam na n tẽega m nug Ezɩpt soolmã zug n sɩbg bãmb ne sɩbgr sẽn yaa kãsenga, la m na n yiisa Israyɛll nebã sẽn yaa m tãb-biisã Ezɩpt soolmã pʋgẽ.

Zeremi 34:13

«Maam a Sẽn-Ka-Saab sẽn yaa Israyɛll Wẽnnaamã yetame: ‹Mam maana kaool ne yãmb yaab-rãmbã daar ning mam sẽn yiis bãmb yembdã pʋg Ezɩpt tẽngã, n yeel-b yaa:

A Dãniyɛlle 9:15

La moasã, Sẽn-Ka-Saab sẽn yaa tõnd Wẽnnaam, yaa yãmb n yiis y nebã Ezɩpt tẽngã ne y nugã sẽn tar pãngã, tɩ yãmb yʋʋrã yi hal tɩ ta rũndã. La tõnd kongame, tõnd beega yãmba.

A Matiye Sõng 10:12

Y sã n wa kẽed zakẽ wã, bɩ y yeel tɩ laafɩ zĩnd ne zakã rãmba.

A Luk Sõng 22:19

Dẽ poore, a Zeezi rɩka bur n ning bark n yaool n kao-a n kõ karen-biisã n yeele: Ad‑a yaa mam yĩnga, b sẽn kõ yãmb yĩnga. [Bɩ y maand bõn-kãngã n tẽegd mam yelle.

1 Korẽnt rãmba 11:24

n pʋʋs Wẽnnaam barka, n yaool n kao-a n yeele: Yõwã yaa mam yĩng mam sẽn kõt yãmba. Maand-y woto n tẽegd mam yelle.

1 Korẽnt rãmba 5:8

Woto yĩnga, bɩ d maan tigrã, la da yɩ ne rã-bɩl-kʋdgo, wall ne zãmb la pʋ-toog rã-bɩll ye. Bɩ yɩ ne pʋ-peelem la sɩd bur sẽn ka rã-bɩlle.

Efɛɛz Rãmba 1:19

Mam pʋʋsdame tɩ yãmb na bãng bãmb pãn kãsengã sẽn zem to-to, la a sẽn tʋmd tõnd sẽn yaa Kiris tẽedbã pʋsẽ, wa sẽn zems bãmb naamã pãng sẽn tʋmdã.

Yaoolem 13:10

Kʋ a soabã. Foom n tog n yɩ pipi n lobg-a ne kugr tɩ neb a taabã wa sõng foom tɩ y kʋ-a.

Yaoolem 13:11

Fo na n loba a soabã ne kug n kʋ, yẽnda sẽn dat n kɩt tɩ fo bas Sẽn-Ka-Saab sẽn yaa yãmb Wẽnnaamã sẽn yiis yãmb Ezɩpt yembd pʋgẽ wã yĩnga.

Yaoolem 13:5

Bɩ y tũ Sẽn-Ka-Saab sẽn yaa yãmb Wẽnnaamã la y zoe bãmba. Sak-y bãmb tõodã n kelg b koɛɛgã, la y waoog bãmb n gãd-b kãenkãe.

Yaoolem 13:6

No-rɛɛs-kãng wall zãmsdã soab tog n kiime. Bala, yẽnda zãmsa neb tɩ b zãgs Sẽn-Ka-Saab sẽn yaa yãmb Wẽnnaamã sẽn yiis yãmb Ezɩpt yembd pʋgẽ wã, n dat n kɩt tɩ y bʋdg n bas sor ning Sẽn-Ka-Saab sẽn yaa yãmb Wẽnnaamã sẽn yeel yãmb tɩ y tũ wã. Yaa woto la y na n yiis bũmb ning sẽn yaa wẽngã yãmb sʋka.

Yaoolem 15:15

Tẽeg-y tɩ yãmb me rag n yaa yembs Ezɩpt tɩ Sẽn-Ka-Saab sẽn yaa yãmb Wẽnnaamã fãag yãmba. Yaa rẽndã yĩng la m kõt yãmb no-kãngã rũndã.

Yaoolem 16:1

Maan-y Pak tigrã bõn-bɩʋʋng kiuugã pʋgẽ Sẽn-Ka-Saab sẽn yaa yãmb Wẽnnaamã yĩnga. Bala, Sẽn-Ka-Saab sẽn yaa yãmb Wẽnnaamã yiisa yãmb Ezɩpt tẽngã pʋgẽ ne yʋngo, bõn-bɩʋʋng kiuugã pʋgẽ.

Yaoolem 16:12

Tẽeg-y tɩ yãmb me yɩɩ yembs Ezɩpt tẽnga, dẽ, sak-y no-tũud-kãensã fãa, la y ning-b b nao-kẽndr zugu.

Yaoolem 16:3

Tigrã rasem a yopoe wã fãa pʋga, yãmb ka tog n dɩ bũmb sẽn ning rãbɩll ye. Yãmb tog n dɩta bur sẽn ka ning rãbɩll rasem a yopoe wã fãa. Yaa namsg buri, bala, yãmb yii Ezɩpt ne yãgbo. Yaa sẽn na n tẽegd yãmb daar ning yãmb sẽn yi Ezɩpt tẽngã y yõor tɛka.

Yaoolem 24:18

Tẽeg-y tɩ yãmb me rag n yɩɩ yembs Ezɩpt tẽnga, tɩ Sẽn-Ka-Saab sẽn yaa yãmb Wẽnnaamã tɩ fãag yãmb be. Yaa rẽ yĩnga, tɩ mam yet yãmb tɩ y sak n tũ noor ning mam sẽn kõ yãmbã.

Yaoolem 24:22

Tẽeg-y tɩ yãmb dag n yaa yembs Ezɩpt soolmẽ. Yaa rẽ yĩnga, tɩ mam yet yãmb tɩ y sak n tũ noor ning mam sẽn kõ yãmbã.

Yaoolem 26:8

Bãmb tẽega b nug sẽn tar pãngã, la sẽn wat ne yɛɛsg wʋsgã, ne bãnã, la bõn-bãnã, n yiis tõnd Ezɩpt tẽnga.

Yaoolem 4:34

Wẽnnaam bʋg n zoe n mak tɩ reeg buud buud a to nugẽ ne bõn-makre, la bãn ne bõn-yɛɛsds la zabre, ne a nugã pãng n maan tʋʋm-kãsems sẽn kẽesd rabeem? Yaa bõn-kãens la Sẽn-Ka-Saab sẽn yaa yãmb Wẽnnaamã maan n kõ yãmb Ezɩpt tẽng tɩ y nin yãndã.

Yaoolem 5:15

Tẽeg-y tɩ yãmb me rag n yaa yembs Ezɩpt tẽnga. La Sẽn-Ka-Saab sẽn yaa yãmb Wẽnnaamã zẽka b nug sẽn tar pãngã n yiis yãmb beenẽ. Yaa rẽ n kɩt tɩ Sẽn-Ka-Saab sẽn yaa yãmb Wẽnnaamã yetẽ tɩ yãmb maan vʋʋsg daare.

Yaoolem 5:6

«Mam yaa Sẽn-Ka-Saabo, n yaa fo Wẽnnaam, la yaa maam n yiis foom Ezɩpt soolem yembdã pʋga.

Yaoolem 6:12

bɩ y gũus y mens n da wa yĩm Sẽn-Ka-Saab sẽn yiis yãmb Ezɩpt tẽngã y sẽn wa n be yembd pʋgẽ wã yell ye.

Yaoolem 6:21

bɩ y yeel-ba: «Tõnd dag n yaa Faarõ yembs Ezɩpte, la Sẽn-Ka-Saab yiisa tõnd be ne pãn-kãsenga.

Yaoolem 7:8

Yaa Sẽn-Ka-Saab sẽn nong yãmbã yĩnga, la yaa bãmb sẽn dag n dat n pids b pʋlengã ne y yaab-rãmbã yĩng la Sẽn-Ka-Saab sẽn yiis yãmb yembdã pʋgẽ ne nug sẽn tar pãngã, n fãag yãmb Faarõ sẽn yaa Ezɩpt rĩmã nugẽ wã.

Yaoolem 8:14

bɩ y gũus n da wa wuk y mens n yĩm Sẽn-Ka-Saab sẽn yaa yãmb Wẽnnaamã sẽn yiis yãmb Ezɩpt yembdã pʋgẽ wã yell ye.

Yaoolem 9:12

Sẽn-Ka-Saab yeela maam yaa: «Yik n yi tãngã zug n sig tao-tao, tɩ fo nebã fo sẽn yiis Ezɩpt tẽngã maana wẽnga. Bãmb bʋdga tao-tao n bas sor ning mam sẽn wilg bãmb tɩ b tũ wã. Bãmb yẽnega kut n maan bõn-naandg b mensã yĩnga.»

Zozuwe 24:17

Bala, Sẽn-Ka-Saab n yaa tõnd Wẽnnaam. Yaa bãmb n yiis tõnd ne d yaab-rãmbã Ezɩpt tẽng yembdã pʋga. Yaa bãmb n maan bõn-bãn-kãsemsã tõnd nifẽ, la yaa bãmb n gũ tõnd sorã zug d kẽndã wakate, la b gũ tõnd tɩ d pɩʋʋg buud a taabã fãa tẽms n looge.

Bʋ-kaoodba 2:12

Bãmb basa Sẽn-Ka-Saab sẽn yaa b yaab-rãmbã Wẽnnaamã sẽn yiis bãmb Ezɩpt tẽngã, n kẽng n tɩ tũud buud nins sẽn gũbg bãmbã wẽn-naandse. Bãmb wõgemda wẽn-naandsã taoor n pʋʋs-ba, n kɩt tɩ Sẽn-Ka-Saab sũur puugi.

Bʋ-kaoodba 6:8

Sẽn-Ka-Saab tʋma b no-rɛɛs t'a tɩ yeel Israyɛll nebã yaa: «Sẽn-Ka-Saab sẽn yaa Israyɛll Wẽnnaamã yetame: Mam kɩtame tɩ yãmb yi Ezɩpt tẽngã, mam yiisa yãmb y yembdã pʋga.