Yikri 13:22 - WẼNNAAM SEBRE 2014

²² La sawad-taokã rag n ka sergd n bas nebã wĩntoogo, la bugmã me ka basd bãmb yʋng me ye.

SEBR SÕNGO

²² Sawadga ka viigd wĩntoog bada, la yʋngo vẽenema n deegd a zĩiga. Wĩntoog wala yʋngo, sora ra vẽnega b taoore n dɩga.

Yikri 13:22 Iomraidhean Croise

A Neemi 9:12

La wĩndga, yãmb tɛta y nebã ne sawaodgo, la yʋngo, yãmb tɛt-b-la ne bug-witim sẽn vẽnegd bãmb sorã.

A Neemi 9:19

Yãmb nonglmã sẽn yaa wʋsgã yĩnga, yãmb ka bas bãmb we-raoogã pʋg ye. La sawaodgã ka bas bãmb yãagr wĩndg ye, la yʋngo, bug-witmã kell n yãaga bãmb sorã zug tɩ b kẽnda.

Yikri 14:1

Sẽn-Ka-Saab goma ne a Moyiis n yeele:

Yikri 14:19

Dẽ, Wẽnnaam malɛɛkã sẽn dag n be Israyɛll nebã taoorã lebgame n leb bãmb poorẽ. La sawad-taokã yii bãmb taoorã n tɩ yals bãmb poorẽ,

Yikri 40:38

Bala, Sẽn-Ka-Saab sawaodgã paada sɛk roogã zug wĩntoog ne yʋngo. La yʋngo, sawaodgã tara bugum tɩ Israyɛll buudã fãa neẽ, hal n tãag b yalsgã zĩis fãa.

A Ezayi 4:5

Sẽn-Ka-Saab na n maana sawaodg ne bug-zõos t'a yɛdg n pid Sɩyõ tãngã zĩig fãa, n zĩnd b nebã tigind zut wĩndga, n yɩ bugum sẽn wit n kõt vẽenem yʋngo. Bala, Sẽn-Ka-Saab belmã na n yɩɩ wa zãnd n zĩnd bũmbã fãa zugu.

Sõadga 9:15

Daar ning b sẽn ti sɛk roogã n sɛ wã, sawad-taok n wa n lud sɛk roogã zĩig ning kaoolã koglgã sẽn be a pʋgẽ wã. La zĩigã sã n sobge, sawaodgã lebgda vẽenem hal tɩ beoogã vẽege.

Vẽnegre 10:1

Mam yãnda malɛɛk a to sẽn tar pãng n yer sawadgo, t'a yi arzãn n sigda, la saag-gomtɩʋʋg n dag n be yẽnda zugẽ wã. A nengã rag n yaa wa wĩntoogo, la a naoã rag n yaa wa bugum.