Yikri 13:21 - WẼNNAAM SEBRE 2014

²¹ Sẽn-Ka-Saab rag lʋɩta bãmb taoor sawad-taok pʋgẽ wĩntoogo, n yãagd bãmb sorã zugu. La yʋngo, sawad-taokã lebgda bugum n kõt bãmb vẽenem, tɩ b tõe n kẽnd wĩntoog ne yʋngo.

SEBR SÕNGO

²¹ Naaba-Wẽnd ra lʋɩta b taoore. Wĩntoogo, da yaa sawadgo, n wilgd-b sore, la yʋngo yaa vẽenem n tilgdi, n vẽnegd b sore la woto, wĩntoog bɩ yʋngo, yaa kẽnd bala.

Yikri 13:21 Iomraidhean Croise

A Neemi 9:12

La wĩndga, yãmb tɛta y nebã ne sawaodgo, la yʋngo, yãmb tɛt-b-la ne bug-witim sẽn vẽnegd bãmb sorã.

A Neemi 9:19

Yãmb nonglmã sẽn yaa wʋsgã yĩnga, yãmb ka bas bãmb we-raoogã pʋg ye. La sawaodgã ka bas bãmb yãagr wĩndg ye, la yʋngo, bug-witmã kell n yãaga bãmb sorã zug tɩ b kẽnda.

Yɩɩn‑sõamyã 105:39

Sẽn-Ka-Saab yɛdga sawadg n lud Israyɛll nebã, la yʋngo, sawadgã wita bugum n kõt vẽenem.

Yɩɩn‑sõamyã 68:7

Wẽnnaam n kɩtd tɩ sẽn ka tar-a ned paam buudu, la b tõe tɩ bi-bees paam lohorem sũ-noogo. La b kɩtdame tɩ kɩɩsdbã zĩnd tẽn-koɛɛng pʋga.

Yɩɩn‑sõamyã 77:20

Yãmb sorã ra bee ko-kãsengã pʋga, yãmb so-bukã bee ko-zulumsã pʋse, la ned ka yã yãmb nao-bogd ye.

Yɩɩn‑sõamyã 78:14

Wĩndga, Wẽnnaam dag n yãagda bãmb ne sawaodgo, la yʋngã tõre, b rag n yãagd-b-la ne bugum vẽenem.

Yɩɩn‑sõamyã 99:7

Sẽn-Ka-Saab rag n bee sawad-taokã pʋg n gomd ne bãmba. Bãmb saka Sẽn-Ka-Saab tʋlsmã ne noor ning Sẽn-Ka-Saab sẽn dag n kõ bãmbã.

Yikri 10:10

Dẽ, Faarõ yeela bãmb yaa: «Sã n yaa woto, mam sã n wa bas yãmb ne y zagsã rãmb tɩ y na n looge, bɩ Sẽn-Ka-Saab zĩnd ne yãmba. La mam miime tɩ yãmb sẽn dat n maan bũmb ningã yaa wẽnga.

Yikri 16:10

La a Aarõ sẽn wa n ket n gomd ne Israyɛll zama wã, bãmb wẽnemda b nens n tees we-raoogã sẽnẽ. La ade, Sẽn-Ka-Saab ziirã puka sawaodg pʋgẽ.

Yikri 32:1

Nebã sẽn yãnd t'a Moyiis kaoosda tãngã zug n ka sigdã, bãmb tigma taab a Aarõ nengẽ n yeel yẽnda yaa: «Maan wẽnnaam n kõ tõnd t'a lʋɩ tõnd taoor n tɛ tõndo. Bala, Moyiis-kãngã, rao ning sẽn yiis-a tõnd Ezɩpt tẽngã, tõnd ka mi bũmb ning sẽn paam-a ye.»

A Salmo yɩɩla 3:6

Yaa ãnda n yit we-raoogẽ wa miir ne parfẽ la wisd buud wʋsg bug-zõos sẽn nusdã n watẽ?

Sõadga 10:34

La wĩndga, bãmb sã wa yik n loogdẽ, Sẽn-Ka-Saab sawad-taokã lut-b-la ne a maasmã.

Sõadga 14:14

La bãmb dɩka bõn-kãng n togs tẽn-kãngã nebã, tɩ bãmb miẽ tɩ yãmb a Sẽn-Ka-Saab bee y nebã sʋka. La yãmb pukda y meng ne y nebã vẽeneg-vẽenega. La b wʋmame me tɩ yãmb gũuda y nebã, la y lʋɩta bãmb taoor n kẽnda. Wĩndga, yaa sawad-taok pʋg la y be. La yʋngo, y bee bug-witim pʋgẽ.

Yaoolem 1:33

Yaool n yaa bãmb n dag n lʋɩt yãmb taoor sorã zugu, n na n bao sik zĩig n kõ-yã. La yʋngo, bãmb bee vẽenem pʋga, n na n wilg yãmb sor ning y sẽn tog n dɩkã, la wĩntoogo, bãmb bee sawad-taok pʋga.

Yaoolem 31:8

Yaa Sẽn-Ka-Saab meng n na n lʋɩ fo taoore. Bãmb bee ne foom. Bãmb sõngrã ka na n vaal ye. Bãmb ka na n bas foom ye. Ra zoe rabeem ye, la f ra sak tɩ f pɛleng yɩk ye.»