Yikri 13:2 - WẼNNAAM SEBRE 2014

² Welg nebã ne rũmsã kom-dẽemsã fãa toor mam yĩnga, bala, Israyɛll bi-ribl-rẽeng ne rũng bi-rẽeng fãa yaa maam n so.

SEBR SÕNGO

² «Kõ maam pag pipi biig fãa sẽn ya raoa, n dog Israyɛl tẽn-peelmẽ, tɩ m sooge. Kom-dibli wã, maam n na n sooge; na n yɩɩ boto me ne rũmsã kom-dẽemse.»

Yikri 13:2 Iomraidhean Croise

A Neemi 10:36

Sẽn paas me, tõnd pʋlmame tɩ yʋʋmd fãa, tõnd na n yãka d tẽn-gãongã bõn-koaadlã dẽenem biisi, ne d tɩɩsã dẽenem biisi, n tall n wa kɩs Sẽn-Ka-Saab roogẽ wã.

A Neemi 10:37

Tõnd na n talla d kom-dibli wã kom-dẽemsã sẽn yaa raopã, ne d rũmsã kom-dẽemsã n wa kɩs tõnd Wẽnnaam doogẽ wã, la d wa kɩs maan-kʋʋdbã sẽn be beenẽ n maand tõnd Wẽnnaam tʋʋmdã, wa sẽn gʋls tõogã sebr pʋgẽ n yeel tɩ d tog n talla tõnd niigã, ne d piisã, la d bʋʋsã kom-dẽemsã n wa Wẽnnaam doogẽ wã.

Yikri 13:1

Sẽn-Ka-Saab goma ne a Moyiis n yeele:

Yikri 22:28

Ra kaoos n yãk f bõn-koaadl dẽenem biisi, wall fo reezẽ rãam sẽn na n deng n yi reezẽ wẽkr koglg pʋgẽ wã ye. La bɩ f rɩk f bi-rẽeng n kõ maam.

Yikri 23:19

Tall fo dẽenem biisã n wa Sẽn-Ka-Saab sẽn yaa fo Wẽnnaamã roogẽ. Da rʋg-y bull a ma bĩisim pʋg ye.»

Yikri 4:22

Fo na n yeela Faarõ yaa: «Ade, Sẽn-Ka-Saab yetame: ‹Israyɛll yaa mam bi-ribl-kãsenga.›

Ezekiyɛl 16:20

Fo rɩka f kom-dibli wã ne f kom-pugli wã fo sẽn dag n kõ maamã n maan maoong n kõ wẽn-naandsã tɩ b rɩ! Fo yoobã rag n ka sek-fo?

Ezekiyɛl 16:21

Fo rɩka mam kambã n maan maoong n yõog bugum n kõ wẽn-naandsã.

Maan‑kʋʋre 27:26

Ned ka tõe n dɩk a rũng bi-rẽeng n kõ Sẽn-Ka-Saabo, sã n yaa naafo wall pesgo, wall bʋʋg ye. Bala, bi-rẽeng fãa zoe n yaa Sẽn-Ka-Saab rẽnda.

Sõadga 18:15

Sẽn paase, ninsaalbã ne rũmsã kom-dẽemsã fãa b sẽn kõ maamã na n yɩɩ yãmb dẽnda. La baoosgo, fo na n deega yaoodo, n ledg ninsaalbã kom-dẽemsã, la rũms nins sẽn yaa-b rẽgdã kom-dẽems zĩigẽ.

Sõadga 3:12

«Ade, yaa mam mengã n yãk Leevi buudã Israyɛll nebã sʋka, tɩ b tõe n led Israyɛll nebã kom-dẽemsã. La Leevi buudã na n yɩɩ mam dẽnda.

Sõadga 3:13

Sɩd me, daar ning mam sẽn kʋ Ezɩpt kom-dẽemsã fãa wã, mam welga Israyɛll nebã kom-dẽems toor m mengã yĩnga, la bãmb rũmsã kom-dẽemsã fãa me yaa maam n so. Mam yaa Sẽn-Ka-Saabo.»

A Luk Sõng 2:23

Bãmb maana wa sẽn gʋls Zu-soabã tõog pʋgẽ wã. A yetame: «Bi-ribl fãa sẽn yaa a ma bi‑rẽenga, b tog n dɩk‑a lame n kõ Zu-soabã.»

Yaoolem 15:19

Bɩ f rɩk f rũm-bɛdã ne f rũm-bãoonegã kom-dẽems nins sẽn yaa raadã fãa n kõ Sẽn-Ka-Saab sẽn yaa yãmb Wẽnnaamã. Da rɩk f niig kom-dẽems n maan nag-koods ye. La f ra wõrs f piis kom-dẽems kõbd ye.

Ebre rãmba 12:23

La tigingã ne kom-dẽemsã b sẽn gʋls b yʋy arzãna sullã pʋgã, la Wẽnnaam sẽn yaa nebã fãa bʋ-kaoodã, la nin-tɩrs sẽn paam n zems zãngã sɩɩse.