Yikri 13:17 - WẼNNAAM SEBRE 2014

¹⁷ Faarõ sẽn bas nebã tɩ b loogã, Wẽnnaam ka tall bãmb n dɩk sor ning sẽn tũud Filistẽ-dãmbã soolmẽ wã ye. Baa ne so-kãng sẽn pẽ n yɩɩdã. Bala, Wẽnnaam yeelame tɩ nebã sã n yãnd zabrã, b tõe n wa maana b bãngẽ, n tek yam n lebg n leb Ezɩpt tẽnga.

SEBR SÕNGO

¹⁷ Ezipt dĩma basa Israyɛl kamb tɩ b looge. Wẽnd yaool n ka sak tɩ b rɩk Kanaã tẽnga sor ye; yẽnda n yaool n da ya tɩrga. Wẽnnaam da yeela b menga: B sã n yãg n sɩng zaba ne b bɛɛbã sẽn ka tɛkã, b wat n basa raood n leb Ezipt tẽnga.

Yikri 13:17 Iomraidhean Croise

1 Rĩm-dãmbã 8:47

bãmb sã n zĩnd b yembdã tẽng pʋgẽ, n tek yam n wẽnemd n bao yãmba, n yõk yãmb sɛɛg n yeele: ‹Tõnd beegame, tõnd maana sẽn ka zemse, tõnd maana sẽn yaa wẽnga!›

A Neemi 9:17

Bãmb zãgsame n ka kelg yãmb ye. La b ka tẽeg bõn-bãnã yãmb sẽn maan n kõ bãmbã yell ye. Bãmb kɩɩsgã pʋga, b kenga b sũyã, n yãk taoor soab n dat n lebg n leb b yembdã pʋg Ezɩpt tẽnga. La baa ne rẽ fãa, yãmb yaa Wẽnnaam sẽn kõt sugri, la y yaa nimbãan-zoɛta, la y yaa maan-neer soaba, la y sũur ka yikd tao-tao ye, la yãmb nonglmã sẽn yaa kãsengã yĩnga, yãmb ka bas-b ye.

Yikri 14:10

Faarõ sẽn kolgd Israyɛll nebã, bãmb zẽka b neng n yãnd Ezɩpt rãmbã sẽn pʋgd bãmb n watẽ. La rabeem wʋsg yõka bãmba. Dẽ, Israyɛll nebã zẽka b koees n bool Sẽn-Ka-Saabo.

Tʋʋma 15:38

La a Poll tagsame tɩ yaa neer tɩ b ra peeg a Zã-Mark ye. Tɩ bala, a rag n lebg n basa bãmb Paamfili soolem n ka leb n yãag-b n maan tʋʋmdã ye.

Tʋʋma 7:39

Tõnd yaab-rãmbã rag n ka tʋlg n na n sak a Moyiis ye. Bãmb basa a Moyiis kɛɛnga n baood n lebg n leb Ezɩpte.

Yaoolem 17:16

Yẽnda ka tog n tall wiid wʋsg ye, sẽn na n yɩlẽ t'a ra wa tall nebã n leb Ezɩpt soolmẽ, a sẽn tar wiid wʋsgã yĩng ye. Bala, Sẽn-Ka-Saab yeela yãmb tɩ y ra leb n tũ so-kãng yɛs ye.

Yaoolem 20:8

Seb-gʋndbã na n kell n goma ne nebã n yeel-ba: «Rabeem sẽn tar a soab t'a sũur ka keeme, bɩ a lebg n kuili, n da wa kɩt tɩ rabeem yõk a saam-biis a taabã ye.

Yaoolem 28:68

Sẽn-Ka-Saab na n kɩtame tɩ y kẽ koom kogend n leb n leb Ezɩpt tẽnga, tɩ y tũ sor ning mam sẽn dag n yeel yãmb tɩ y ka na n leb n yãnd-a wã. Yãmb na n dat n koosa y meng ne y bɛɛbã beenẽ, n lebg bãmb yembse. La bãmb ned ba a yembr ka na n da yãmb ye.

Ebre rãmba 11:27

Yɩɩ ne tẽeb la a yi Ezɩpt n ka zoe rĩmã sũ-puugr ye. A yalsa kãenkãe, wa ned sẽn ne bũmb nins neb sẽn ka tõe n yã.

Bʋ-kaoodba 7:3

Rẽ wã, bɩ f moon n yeel tãb-biisã fãa, tɩ ned ning sẽn yɛɛsd n digda, bɩ a yi Galaad tãngã zug ka moas-moasã bal n lebg n kuili.» Zĩig pʋgẽ bala, raop tus pisi la a yiib n yi tãb-biisã sʋk n lebg n kuili, n bas neb tus-piiga.