Yikri 13:14 - WẼNNAAM SEBRE 2014

¹⁴ Dẽ, yãmb kambã sã n wa sok yãmb nindaar n dat n bãng bõn-kãng võore, bɩ y yeel-ba: Yaa ne nug sẽn tar pãng la Sẽn-Ka-Saab yiis tõnd Ezɩpt yembdã pʋgẽ.

SEBR SÕNGO

¹⁴ La beoog raarã, f biiga sã n wa sok fo: ‹Rog-n-mik kãnga võor yaa bõe?› F na yeel-a: ‹Yaa Wẽnnaam pãnga sẽn tõe bũmb fãa wã n yiis tõnd Ezipt tẽnga yembdẽ.

Yikri 13:14 Iomraidhean Croise

Sɩngrẽ 30:33

Wakat sẽn wate, mam pʋ-peelmã n na n wilg mam sẽn yaa ned ninga. Yãmb sã n wa n wa mam nengẽ, n na n ges mam yaoodã, n mik tɩ bʋʋg bɩ peosg n be mam rũmsã sʋk n ka pẽrem-pẽrem, la a ka wad-wada, tɩ peosg be beenẽ n ka sablga, rẽnd mam zuu rũm-bãmba.»

1 Kibayã 16:12

Yãmb sẽn yaa b tʋmtʋmd a Israyɛll yagensã, yãmb sẽn yaa a Zakoob yagense, n yaa bãmb nin-tũusdsã! Tẽeg-y bõn-yɛɛsds nins bãmb sẽn maanã yelle, tẽeg-y bõn-kãsemsã ne b bʋ-kaoorã yelle!

A Neemi 1:10

Zu-soaba, bãmb yaa yãmb tʋmtʋmdba, la b yaa yãmb nebã. Yaa bãmb la yãmb sẽn fãag ne y pãn-kãsengã, la yaa ne y nug sẽn tar pãngã la y fãag-ba.

Yɩɩn‑sõamyã 136:11

Bãmb n yiis Israyɛll nebã Ezɩpt tẽnga, bala, bãmb nonglmã paada wakat fãa!

Yɩɩn‑sõamyã 145:4

Bɩ zamaan woo zamaan nebã pẽg yãmb tʋʋmã, bɩ b moon yãmb tʋʋm-kãsemsã.

Yɩɩn‑sõamyã 78:4

tõnd ka na n solg b yagensã bõn-kãens ye. D na n wilga d yagensã Sẽn-Ka-Saab ziirã, la d togs bãmb b pãngã, ne bõn-bãnã b sẽn maanã.

Yikri 10:2

Leb n yaa sẽn na n yɩlẽ tɩ fo togs f kambã ne f yagensã mam sẽn maan Ezɩpt nebã bũmb ninga, la bõn-yɛɛsds nins mam sẽn maan bãmb sʋkã. Woto, yãmb na bãng tɩ mam yaa Sẽn-Ka-Saabo.»

Yikri 12:41

La yʋʋm kobs-naas la pis-tã wã zugẽ, Sẽn-Ka-Saab nebã fãa yii Ezɩpt tẽngã.

Yikri 13:3

Dẽ, a Moyiis yeela nebã yaa: «Tẽeg-y daar ning yãmb sẽn yi Ezɩptã, daar ning yãmb sẽn yi yembd pʋgẽ wã yelle. Bala, yaa ne Sẽn-Ka-Saab nug sẽn tar pãngã la b yiis yãmb beenẽ. Bɩ ned da rɩ bũmb sẽn ning rã-bɩll ye.

Yikri 13:8

Badaare, bɩ y yeel y kambã a woto: «Yaa bũmb ning Sẽn-Ka-Saab sẽn maan tõnd yĩng wakat ning tõnd sẽn yi Ezɩpt tẽngã yĩnga, la d maand woto.»

Yikri 13:9

Bõn-kãng na n yɩɩ bãnd yãmb nusẽ, la a yɩ bãnd yãmb rĩirẽ, n yaa tẽegr yãmb yĩnga, tɩ yãmb tõe n togsd Sẽn-Ka-Saab tõogã. Bala, yaa ne nug sẽn tar pãng la Sẽn-Ka-Saab yiis yãmb Ezɩpt tẽnga.

Yikri 20:2

«Mam yaa Sẽn-Ka-Saab n yaa fo Wẽnnaam, la yaa maam n yiis foom Ezɩpt soolem yembdã pʋga.

Yikri 6:1

Sẽn-Ka-Saab yeela a Moyiis yaa: «Moasã, fo na n yãnda bũmb ning mam sẽn na n maan Faarõ. Yaa nug sẽn tar pãng n na n kɩt tɩ yẽnda bas nebã tɩ b looge. N-yẽe, nug sẽn tar pãng n na n kɩt tɩ Faarõ rig bãmb tɩ b yi n bas a tẽngã.»

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Yikri 6:7

Mam na n deega yãmb tɩ y yɩ mam neba, la mam na n yɩɩ yãmb Wẽnnaam. La yãmb na n bãngame tɩ yaa Sẽn-Ka-Saab n yaa yãmb Wẽnnaam, soab ning sẽn fãag-a yãmb ne tʋʋm-wɛgl nins Ezɩpt nebã sẽn modg yãmb tɩ y maanã.

Zeremi 34:13

«Maam a Sẽn-Ka-Saab sẽn yaa Israyɛll Wẽnnaamã yetame: ‹Mam maana kaool ne yãmb yaab-rãmbã daar ning mam sẽn yiis bãmb yembdã pʋg Ezɩpt tẽngã, n yeel-b yaa:

A Dãniyɛlle 9:15

La moasã, Sẽn-Ka-Saab sẽn yaa tõnd Wẽnnaam, yaa yãmb n yiis y nebã Ezɩpt tẽngã ne y nugã sẽn tar pãngã, tɩ yãmb yʋʋrã yi hal tɩ ta rũndã. La tõnd kongame, tõnd beega yãmba.

Tʋʋma 13:17

Wẽnnaam ning sẽn yaa Israyɛll nin-kãensã Wẽnnaam tũusa tõnd yaab-rãmbã n kɩt tɩ bu-kãng bɩ a sẽn wa n be sãand weoog Ezɩpt tẽngã wakate. La Wẽnnaam yiisa bãmb be ne pãn-kãsenga.

Yaoolem 5:15

Tẽeg-y tɩ yãmb me rag n yaa yembs Ezɩpt tẽnga. La Sẽn-Ka-Saab sẽn yaa yãmb Wẽnnaamã zẽka b nug sẽn tar pãngã n yiis yãmb beenẽ. Yaa rẽ n kɩt tɩ Sẽn-Ka-Saab sẽn yaa yãmb Wẽnnaamã yetẽ tɩ yãmb maan vʋʋsg daare.

Yaoolem 5:6

«Mam yaa Sẽn-Ka-Saabo, n yaa fo Wẽnnaam, la yaa maam n yiis foom Ezɩpt soolem yembdã pʋga.

Yaoolem 6:12

bɩ y gũus y mens n da wa yĩm Sẽn-Ka-Saab sẽn yiis yãmb Ezɩpt tẽngã y sẽn wa n be yembd pʋgẽ wã yell ye.

Zozuwe 22:24

La yellã ka woto ye. Sɩdã, tõnd sẽn maan woto wã yaa tɩ rabeem n yõk-do. Tõnd tagsame tɩ yãmb kambã na n wa yeela tõnd kambã nindaar sẽn wate: Bõe lagem-n-taar n be yãmb ne Sẽn-Ka-Saab sẽn yaa Israyɛll Wẽnnaamã sʋka?

Zozuwe 24:17

Bala, Sẽn-Ka-Saab n yaa tõnd Wẽnnaam. Yaa bãmb n yiis tõnd ne d yaab-rãmbã Ezɩpt tẽng yembdã pʋga. Yaa bãmb n maan bõn-bãn-kãsemsã tõnd nifẽ, la yaa bãmb n gũ tõnd sorã zug d kẽndã wakate, la b gũ tõnd tɩ d pɩʋʋg buud a taabã fãa tẽms n looge.

Zozuwe 4:6

Woto, bõn-kãng na n yɩɩ bãnd sẽn be yãmb sʋka, tɩ yãmb kambã sã n wa sok yãmb tɩ kug-kãensã võor yaa bõe,

Bʋ-kaoodba 2:12

Bãmb basa Sẽn-Ka-Saab sẽn yaa b yaab-rãmbã Wẽnnaamã sẽn yiis bãmb Ezɩpt tẽngã, n kẽng n tɩ tũud buud nins sẽn gũbg bãmbã wẽn-naandse. Bãmb wõgemda wẽn-naandsã taoor n pʋʋs-ba, n kɩt tɩ Sẽn-Ka-Saab sũur puugi.

Bʋ-kaoodba 6:8

Sẽn-Ka-Saab tʋma b no-rɛɛs t'a tɩ yeel Israyɛll nebã yaa: «Sẽn-Ka-Saab sẽn yaa Israyɛll Wẽnnaamã yetame: Mam kɩtame tɩ yãmb yi Ezɩpt tẽngã, mam yiisa yãmb y yembdã pʋga.