Yikri 12:7 - WẼNNAAM SEBRE 2014

⁷ Bɩ b yãk a zɩɩmã n mes y rot nins yãmb sẽn na n zĩnd-b pʋs n dɩ-a wã lug a yiibã zutu, la y mes rignoorã zugẽ.

SEBR SÕNGO

⁷ B na yãk a zɩɩm n taag roog ning rɩɩba sẽn na dɩẽ wã. Rũnga zɩɩm yãkdame n taag kʋɩlenga ne a ra-lugs a yiibã la a rignoorã rĩiri.

Yikri 12:7 Iomraidhean Croise

1 Rĩm-dãmbã 6:31

La a baoo oliiv tɩɩs raad n maan kʋɩlems a yiib sẽn bogl taab n ning zĩig sẽn welg toor n yɩɩdã roog noore. Rignoorã raadã ne a teedsã taa bãmb b nu.

Yikri 12:13

Zɩɩmã sẽn be rot nins yãmb sẽn be b pʋsẽ wã zutã na n yɩɩ bãnd yãmb yĩnga. La mam sã n yãnd zɩɩmã, mam na n zʋʋg n basa yãmba, la toog sẽn sãamdã ka na n paam yãmb wakat ning mam sẽn na n sɩbg Ezɩptã ye.

Ezekiyɛl 9:4

Sẽn-Ka-Saab yeela yẽnda yaa: «Saag tẽngã pʋga, saag Zeruzalɛm tẽnga pʋga, n ning neb nins fãa sẽn wẽed sir la b wõosd tʋʋm-beed nins fãa sẽn maand tẽngã pʋgã yĩngã dĩir bãnde.»

Efɛɛz Rãmba 1:7

Yaa Kiris zɩɩmã maasem yĩng la tõnd paam fãagre, fãagr ning sẽn yaa yel-wẽnã sugr kũuni, sẽn zems Wẽnnaam barkã sẽn waoog wʋsgã,

Yaoolem 11:20

Gʋls-y bãmb y lugã, ne y rotã noy yĩngri, la y tẽngã rignoy zutu.

Ebre rãmba 10:14

Bala, ne kũun a yembr tãa bala, b kɩtame tɩ neb nins sẽn welg toorã zems zãnga.

Ebre rãmba 10:29

La yãmb ka tagsd tɩ ned sã n tab Wẽnnaam Bi-riblã ne a naoã, la a ges kaoolã zɩɩm ning sẽn kɩt tɩ yẽ lebg toor Wẽnnaam yĩngã wa bõn-zaalga, la a paoog Sɩɩg ning sẽn wat ne sugrã, a na n paama sɩbgr sẽn yaa toog n yɩɩd sɩda?

Ebre rãmba 11:28

Yɩɩ ne tẽeb la a maan Pakã, la a mes zɩɩm, tɩ sãamdã da wa sɩɩs Israyɛll nebã kom-dẽemsã ye.

Ebre rãmba 9:22

Sã n yaa ne tõogã, yaa ne zɩɩm la sẽn kolg bũmbã fãa lebgd yɩlemde. La zɩɩm sã n ka raage, sugr ka be ye.

1 Pɩyɛɛr 1:2

Yãmb yaa tõnd ba a Wẽnnaam neb b sẽn tũusi, wa sẽn zems bãmb sẽn pĩnd n bãngã, tɩ Sɩɩg-sõng welg-y toor tɩ y zĩnd pʋ-peelem n yɩ sakdb n paam t'a Zeezi zɩɩmã pek yãmba. Bɩ y paam bark la laafɩ wʋsgo.