Yikri 12:6 - WẼNNAAM SEBRE 2014

⁶ Yãmb na n baoo zĩig n bĩng-a tɩ ta ki-kãngã rasem piig la a naasã daare. Israyɛll nebã fãa na n kodg-a-la zaab-noor wakate.

SEBR SÕNGO

⁶ Rũnga na n basame n tãag kiuuga piig la a naas raare; baraar zĩ-sobdo, b na kodg-a, neba fãa taoore.

Yikri 12:6 Iomraidhean Croise

2 Kibayã 35:1

A Zoziyaas kɩtame tɩ b maan Sẽn-Ka-Saab Pakã tigr Zeruzalɛm, la bãmb kʋʋ Pak pe-bilã pipi kiuugã rasem piig la naas daarã.

Esdras 6:19

Neb nins fãa sẽn yi yembdã pʋg n lebg n wa wã maana Pak tigri, pipi kiuugã rasem piig la a naasã daare.

Yikri 12:14

Daarã na n yɩɩ tẽegr daar yãmb yĩnga. Yãmb na n maan-a lame t'a yɩ tigr Sẽn-Ka-Saab yĩng n tẽegd da-kãng yelle, la y na n maand-a lame t'a yɩ wa no-tũudg sẽn ka sɛta, yãmb zamaan-dãmbã fãa yĩnga.»

Yikri 12:17

Maand-y bur sẽn ka ning rã-bɩll tigrã, bala, yaa ra-kãng la mam yiis yãmb tãb-biisã Ezɩpt tẽnga. Bɩ y tẽegd da-kãng yelle, t'a yɩ no-tũudg sẽn ka sɛta, yãmb zamaan-dãmbã fãa yĩnga.

Yikri 12:18

Pipi kiuugã rasem piig la a naasã daar zaabre, yãmb na n dɩta bur sẽn ka ning rã-bɩlle, n tãag a rasem pisi la a yembrã daar zaabre.

Yikri 12:47

Bɩ Israyɛll buudã neb fãa maan Pak tigrã.

Yikri 16:1

La Israyɛll nebã fãa yii Elim. Bãmb dɩka sor n kẽn n ta Sĩn we-raoogã sẽn be Elim ne Sinayi sʋkã. Bãmb taa be kiuug a yiibẽ soabã rasem piig la a nu daare, bãmb sẽn yi Ezɩptã zugẽ.

Yikri 16:12

«Mam wʋma Israyɛll nebã yẽgengã. Togs bãmb yaa: Zaabrã, yãmb na n wãba nemdo. La beoog yibeoogo, yãmb na n dɩɩ rɩɩb n tɩge. Dẽ, yãmb na n bãngame tɩ mam yaa Sẽn-Ka-Saab sẽn yaa yãmb Wẽnnaam.»

Yikri 19:1

Israyɛll nebã sẽn yi Ezɩpt soolmã pʋgẽ tɩ kiuug a tãabo, bãmb taa Sinayi we-raoogã pʋg kiuug a tãabẽ daarã kɛpɩ.

Yikri 29:39

Kʋ pe-bil a yembre, n maan maoong yibeoogo, la f kʋ pe-bil a yiib soabã n maan maoong zaabre.

Yikri 29:41

La zaabre, bɩ f kʋ pe-bil a yiibẽ soabã. La f kõ bõn-koaadl kũun ne bõn-yũudl kũuni wa sẽn maand yibeoogã, t'a lebg yũug sẽn yaa sõama. Yaa maoong sẽn dɩt bugum Sẽn-Ka-Saab waoogr yĩnga.

A Ezayi 53:6

Tõnd fãa rag n yeebda wa piisi, ned kam fãa rag n maanda a sẽn date. La Sẽn-Ka-Saab kɩtame tɩ tõnd fãa kongrã lʋɩ bãmb zugu.

Ezekiyɛl 45:21

Pipi kiuugã rasem piig la a naasã daar na n yɩɩ Pak tigr yãmb yĩnga. Yaa rasem a yopoe tigri. Badaare, b na n dɩɩ bur sẽn ka rã-bɩlle.

Maan‑kʋʋre 23:5

Pipi kiuugã rasem piig la a naasã daar zaabre, yãmb na n maana Pak tigr Sẽn-Ka-Saab waoogr yĩnga.

Sõadga 28:16

Yʋʋmdã pipi kiuugã rasem piig la a naas daarã, yãmb na n tigma taab Pak tigrã yĩng n waoog maam a Sẽn-Ka-Saabo.

Sõadga 28:18

La tigrã pipi daare, yãmb ka tog n tʋm tʋʋmd ye, la y segd n tigma taab n waoog maam a Sẽn-Ka-Saabo.

A Matiye Sõng 27:20

Maan-kʋʋdbã kãsem-dãmbã sagla nebã n tõog tɩ b kos a Barabaas la b kɩt tɩ b kʋ a Zeezi.

A Matiye Sõng 27:25

La nebã fãa leokame n yeel yaa: «Bɩ b zɩɩmã zĩnd tõnd ne d kambã zutu.»

A Mark Sõng 15:1

Yibeoog pĩnda, maan-kʋʋdbã kãsem-dãmb tigma ne kãsem-dãmbã la tõog karen-saam-dãmbã, la kaoreng yɛl bʋ-bʋʋdbã fãa. Bãmb sẽba a Zeezi n tall-b n tɩ kɩs a Pilate.

A Mark Sõng 15:11

La maan-kʋʋdbã kãsem-dãmbã kɩtame tɩ nebã kos tɩ b yiis a Barabaas n base.

A Mark Sõng 15:25

Yaa sõ-bɩɩmd wakat la b ka bãmb da-pɩkã zugu.

A Mark Sõng 15:8

Kʋʋngã rʋʋme n tɩ kos a Pilat bũmb ning a sẽn mi n maand n kõt bãmbã.

A Luk Sõng 23:1

Bãmb fãa yikame n tall a Zeezi n kẽng a Pilat taoore.

A Luk Sõng 23:18

Bãmb fãa naaga taab n kelem n yeel tɩ b kʋ rao-kãngã la b yiis a Barabaas n kõ-ba.

Tʋʋma 2:23

B zãmba rao-kãngã, n yõk n kõ yãmb wa sẽn zems Wẽnnaam yam-yãkrã, la bãmb sẽn dag n pĩnd n yeelã. Yãmb kɩtame tɩ yel-wẽn maandb ka a Zeezi da-pɩk zug n kʋ-ba.

Tʋʋma 3:14

Yãmb tõdga sõmblem la tɩrlem soabã, n kos tɩ b bas nin-kʋʋdã n kõ-yã.

Tʋʋma 4:27

Bala, rĩm a Erood ne a Põns Pilat sɩd lagma taab Zeruzalɛm ka, ne bu-zẽmsã la ne Israyɛll nebã n zab ne yãmb tẽn-tʋmd-sõng a Zeezi yãmb sẽn yãkã.

Zozuwe 5:10

Israyɛll nebã siga Gilgalle, n maan Pakã tigr kiuugã rasem piig la a naas daarã zaabre, Araba tẽn-nabdrã sẽn be Zeeriko sẽnẽ wã.