Yikri 12:41 - WẼNNAAM SEBRE 2014

⁴¹ La yʋʋm kobs-naas la pis-tã wã zugẽ, Sẽn-Ka-Saab nebã fãa yii Ezɩpt tẽngã.

SEBR SÕNGO

⁴¹ Yɩɩ kobs-naas la pis-tã wã baasg raare, ra-kãseng raare, la Soaala yiis b neba bal-bal Ezipt tẽnga.

Yikri 12:41 Iomraidhean Croise

Sɩngrẽ 50:24

A Zozɛf yeela a kẽem-dãmbã yaa: «Mam na n wa n kiime! La Wẽnnaam na n wa yiisa yãmb tẽn-kãngã, la yaa bũmb sẽn na n pidsi, la b na n tall-y lame n kẽng tẽng ning bãmb sẽn dag n wẽen n yeel tɩ b na n kõ a Abrahaam ne a Izak la a Zakoobã.»

1 Rĩm-dãmbã 6:1

Rĩm a Salmo sẽn wa n na n sɩng Sẽn-Ka-Saab roogã meebã, rẽ tɩ yaa Israyɛll nebã sẽn yi Ezɩpt yembdã pʋg tɩ yʋʋm kobs-naas la pis-nii. La wakat-kãng yaa a Salmo sẽn deeg naamã tɩ yʋʋm naaslẽ. Dag n yaa yʋʋmdã kiuug a yiib soabã b sẽn boond tɩ Zɩɩv kiuugã pʋga.

2 Kibayã 14:12

A Aaza ne neb nins sẽn dag n be ne yẽnda wã riga Kuus nebã n tãag Geraare, la bãmb ned ba a yembr ka tol n tõog n põs ye. Bala, Sẽn-Ka-Saab ne bãmb tãb-biisã kʋʋ bãmb zãnga. La Zʋʋda nebã wʋka paoong wʋsgo.

Yɩɩn‑sõamyã 102:13

La yãmb a Sẽn-Ka-Saab rɩta naam wakat sẽn kõn sa, la b na n tẽra yãmb yell zamaan woo zamaane.

Yɩɩn‑sõamyã 114:1

Israyɛll nebã sẽn yaa a Zakoob yagensã sẽn wa n yit Ezɩpt tẽngã sẽn yaa buud sẽn gomd gom-zẽngã.

Yɩɩn‑sõamyã 136:11

Bãmb n yiis Israyɛll nebã Ezɩpt tẽnga, bala, bãmb nonglmã paada wakat fãa!

Yikri 12:17

Maand-y bur sẽn ka ning rã-bɩll tigrã, bala, yaa ra-kãng la mam yiis yãmb tãb-biisã Ezɩpt tẽnga. Bɩ y tẽegd da-kãng yelle, t'a yɩ no-tũudg sẽn ka sɛta, yãmb zamaan-dãmbã fãa yĩnga.

Yikri 12:51

La badaar bala, Sẽn-Ka-Saab kɩtame tɩ Israyɛll nebã yi Ezɩpt tẽngã, tãb-bi-sull-sulli.

Yikri 13:14

Dẽ, yãmb kambã sã n wa sok yãmb nindaar n dat n bãng bõn-kãng võore, bɩ y yeel-ba: Yaa ne nug sẽn tar pãng la Sẽn-Ka-Saab yiis tõnd Ezɩpt yembdã pʋgẽ.

Yikri 13:16

Bõn-kãng na n yɩɩ bãnd yãmb nusẽ, la a wa bãnd sẽn loe yãmb dĩirẽ. Bala, yaa ne nug sẽn tar pãng la Sẽn-Ka-Saab yiis tõnd Ezɩpt soolem pʋgẽ.»

Yikri 13:3

Dẽ, a Moyiis yeela nebã yaa: «Tẽeg-y daar ning yãmb sẽn yi Ezɩptã, daar ning yãmb sẽn yi yembd pʋgẽ wã yelle. Bala, yaa ne Sẽn-Ka-Saab nug sẽn tar pãngã la b yiis yãmb beenẽ. Bɩ ned da rɩ bũmb sẽn ning rã-bɩll ye.

Yikri 13:9

Bõn-kãng na n yɩɩ bãnd yãmb nusẽ, la a yɩ bãnd yãmb rĩirẽ, n yaa tẽegr yãmb yĩnga, tɩ yãmb tõe n togsd Sẽn-Ka-Saab tõogã. Bala, yaa ne nug sẽn tar pãng la Sẽn-Ka-Saab yiis yãmb Ezɩpt tẽnga.

Yikri 3:10

Moasã, bɩ f kẽnge. Mam tʋmda foom Faarõ nengẽ tɩ f tɩ yiis mam nebã sẽn yaa Israyɛll kambã Ezɩpt soolmã pʋgẽ.»

Yikri 3:8

Mam sigame n na n fãag bãmb Ezɩpt nebã nusẽ, la m yiis bãmb soolem-kãng pʋgẽ n tall bãmb n kẽng tẽn-sõng sẽn yaa bedr pʋgẽ. Yaa tẽng sẽn pid ne bĩisim la sɩɩd wʋsgo. Yaa tẽng ning Kana-rãmbã ne Hɛt-dãmbã la Amoor-dãmbã ne Ferɛɛz-rãmbã la Hevi-rãmbã ne Zebuus-rãmbã sẽn be wã.

Yikri 6:26

Yaa a Aarõ ne a Moyiis kãens la Sẽn-Ka-Saab sẽn dag n yeel tɩ b yiis Israyɛll nebã Ezɩpt soolmẽ wã, la b kɩt tɩ tãb-biisã tong taab pʋgdg-pʋgdgã.

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Yikri 7:4

La Faarõ ka na n kelg yãmb ye. Dẽ, mam na n tẽega m nug Ezɩpt soolmã zug n sɩbg bãmb ne sɩbgr sẽn yaa kãsenga, la m na n yiisa Israyɛll nebã sẽn yaa m tãb-biisã Ezɩpt soolmã pʋgẽ.

A Dãniyɛlle 9:24

Ade, b yãka yʋʋm a yopoe naoor pis-yopoe, fo nebã ne tẽn-sõngã yĩnga, n na n kɩt tɩ tʋʋm-beedã ne kongrã sɛ, tɩ yel-wẽnã me tõe n paam pekre, sẽn na n yɩlẽ tɩ tɩrlem puk wakat fãa, tɩ vẽnegrã ne pĩnd-n-bãngr goamã paam pidsgu, la b welg zĩig sẽn welg toor n yɩɩdã toore.

Maan‑kʋʋre 23:43

Yaa sẽn na n yɩlẽ tɩ yãmb yagensã fãa tõog n bãng tɩ mam sẽn yiis Israyɛll nebã Ezɩpt tẽngã poore, mam kɩtame tɩ b zĩnd sẽgd pʋse. Bala, mam yaa Sẽn-Ka-Saab sẽn yaa yãmb Wẽnnaam.»

Abakuk 2:3

Bala, yaa vẽnegr sẽn na n wa paam pidsgu, a wakatã sã n ta, ka na n yɩ belgr ye, la a ka na n vaal n ka pids ye. Ba a sã n kaoosdẽ, bɩ f kell n gũ-a, bala, a ka na n pa n ka paam pidsg ye.»

Sõadga 23:22

Yaa Wẽnnaam n yiis bãmb Ezɩpt soolmã pʋgẽ, Ne pãn-kãseng sẽn wẽnd we-naaf pãnga.

Sõadga 33:1

A Moyiisi, ne a Aarõ sẽn yiis Israyɛll nebã Ezɩpt soolmã pʋgẽ wã, kẽn la b sigb zĩis la woto.

A Zã Sõng 7:8

Kẽng-y tigrã. Mam nan ka na n kẽng tig‑kãngã ye, bala, mam wakatã nan ka pid ye.»

Tʋʋma 1:7

A Zeezi leok-b lame yaa: Ka be ne yãmb tɩ y bãng wakate la sasa ning m ba sẽn yãk ne noor ning b sẽn tarã ye.

Tʋʋma 7:36

Yaa a Moyiis n maan bõn-yɛɛsds la bãn Ezɩpt tẽngã n yiis Israyɛll kambã Ezɩpt soolmã pʋgẽ la mog-miuugã ne weoogã pʋgẽ yʋʋm pis-naasã.

Yaoolem 16:1

Maan-y Pak tigrã bõn-bɩʋʋng kiuugã pʋgẽ Sẽn-Ka-Saab sẽn yaa yãmb Wẽnnaamã yĩnga. Bala, Sẽn-Ka-Saab sẽn yaa yãmb Wẽnnaamã yiisa yãmb Ezɩpt tẽngã pʋgẽ ne yʋngo, bõn-bɩʋʋng kiuugã pʋgẽ.

Yaoolem 4:37

Bãmb sẽn nong yãmb yaab-rãmbã yĩng n kɩt tɩ b loogrã poore, b yãk bãmb yagensã, la bãmb mengã n yiis yãmb Ezɩpt tẽngã ne pãn-kãsenga.

Zozuwe 24:5

Mam tʋma a Moyiis ne a Aarõ, la mam maana bõn-bãn Ezɩpt tẽngã pʋgẽ n sɩbg-ba, la mam yiisa yãmb beenẽ.

Zozuwe 5:14

Raoã leokame: «Mam ka yãmb baa a yembr ned ye, mam yaa Sẽn-Ka-Saab tãb-biisã naaba, mam waa moas-moasã bala.» A Zozoe wõgemdame, n fõgen a neng tẽng n yeele: «M Zu-soaba y yeta y tʋmtʋmda t'a maan bõe?»