Yikri 12:36 - WẼNNAAM SEBRE 2014

³⁶ Sẽn-Ka-Saab kɩtame tɩ Ezɩpt nebã nand Israyɛll nebã, la Ezɩpt nebã kõo bãmb bũmb nins b sẽn kosã. Dẽ, bãmb reesa Ezɩpt nebã sẽn dag n tarã fãa.

SEBR SÕNGO

³⁶ Wẽnnaam kõ Ezipt rãmb yam sõngo la b sak n penga b teedã. Woto me la Israyɛl paam n loog ne Ezipt rãmb paoongo.

Yikri 12:36 Iomraidhean Croise

Sɩngrẽ 15:14

La mam na n bʋʋ soolem ning sẽn na n kẽes-a bãmb yembdã bʋʋdo, la fo yagensã na n yii beenẽ ne paoong wʋsgo.

Sɩngrẽ 39:21

La Sẽn-Ka-Saab rag n bee ne a Zozɛfe, la b wilga a Zozɛf b nonglem. Bãmb kɩtame tɩ bi-bees roog gũudbã naab nong a Zozɛfe.

Esdras 1:6

Bãmb yagsã fãa sõng-b lame, n kõ-b wanzuri ne sãnem teedo, la laog a taaba. B kõo bãmb rũmsi, ne teed wʋsg sẽn tar yõodo, n paas yamleoog kũuni, roogã meeb yĩnga.

Yɩɩn‑sõamyã 105:37

Sẽn-Ka-Saab kɩtame tɩ Israyɛll nebã loog ne wanzuri la sãnem, Israyɛll buudã pʋga, la bãmb ned ba a yembr ka pa poorẽ ye.

Yikri 11:2

Mam kotame tɩ f gom ne nebã, n yeel-b tɩ sã n yaa raoa, wall paga, bɩ ned fãa kos a yak sãnem ne wanzuri teedo.»

Yikri 11:3

Sẽn-Ka-Saab kɩtame tɩ Ezɩpt nebã yik n nong Israyɛll nebã, la tɩ Faarõ nebã ne Ezɩpt nebã rag n waoogda a Moyiis hal wʋsgo.

Yelbũna 16:7

Ned yel-manesem sã n tat Sẽn-Ka-Saab yam, b kɩtdame tɩ zems-n-taar zĩnd yẽ ne a bɛɛbã sʋka.

A Dãniyɛlle 1:9

Wẽnnaam kɩtame tɩ sõgen-kãsengã sũur noom ne a Dãniyɛlle, t'a zoet a nimbãanega.

Tʋʋma 2:47

Bãmb da pẽgda Wẽnnaam. La nebã fãa rag n nong-b lame. La daar fãa, Zu-soabã dag n fãagda neb n paasd wẽnd doogẽ wã.

Tʋʋma 7:10

La Wẽnnaam dag n bee ne a Zozɛfe, la b fãaga yẽnda a yel-pakrã fãa pʋgẽ. La Wẽnnaam kɩtame t'a Zozɛf tar yam la bark Ezɩpt rĩm a Faarõ nifẽ. La rĩm a Faarõ kɩtame t'a Zozɛf lebg Gʋvɛrneer n soog Ezɩpt ne a Farõ na-yirã neb fãa.