Yikri 12:33 - WẼNNAAM SEBRE 2014

³³ Ezɩpt nebã rag n pẽdgda Israyɛll nebã. Bãmb dag n datame tɩ Israyɛll nebã loog n bas tẽngã tao-tao, bala, b rag n tẽedame tɩ bãmb sẽn yaa Ezɩpt nebã na n kii zãnga.

SEBR SÕNGO

³³ Ezipt nebã, b toore, n da tusd Israyɛl kamba tɩ b ning pãng n yi b tẽngẽ tɩ b ra ki ye.

Yikri 12:33 Iomraidhean Croise

Sɩngrẽ 20:3

La Wẽnnaam waa a Abimelɛk nengẽ yʋng zãmsd pʋg n yeel-a yaa: «Fo na n kii pag ning fo sẽn peegã poorẽ. Bala, yẽnda tara sɩda.»

Yɩɩn‑sõamyã 105:38

Israyɛll nebã loogr kõo Ezɩpt nebã sũ-noogo, bala, Israyɛll nebã rabeem rag n tar-b lame.

Yikri 10:7

La rĩmã tʋmtʋmdbã yeela rĩmã yaa: «Rao-kãngã na n yɩɩ bẽdg tõnd yĩng hal tɩ ta dabʋre? Bas-y nin-bãmbã tɩ b kẽng n tɩ waoog Sẽn-Ka-Saab sẽn yaa bãmb Wẽnnaamã. Yãmb ket n nan ka mi tɩ Ezɩpt tẽngã sãamdame?»

Yikri 11:1

Sẽn-Ka-Saab yeela a Moyiis yaa: «Mam na n kɩtame tɩ toog a to paam Ezɩpt rĩmã ne a nebã: Dẽ poore, yẽnda na n basa yãmb tɩ y loog n yi zĩ-kãngã. La a sã n wa kong n na n bas yãmb tɩ y looge, a na n diga yãmb tɩ y yi n looge.

Yikri 12:39

Bãmb dɩka zom-nagdem nins b sẽn yi ne Ezɩptã n maan bur-maas sẽn ka ning rã-bɩlle. Bala, b riga bãmb Ezɩpt tɩ b ka paam n yals tɩ zom-nagdmã wuki, la b ka paam n bao rɩɩb n zã me ye.

Yikri 6:1

Sẽn-Ka-Saab yeela a Moyiis yaa: «Moasã, fo na n yãnda bũmb ning mam sẽn na n maan Faarõ. Yaa nug sẽn tar pãng n na n kɩt tɩ yẽnda bas nebã tɩ b looge. N-yẽe, nug sẽn tar pãng n na n kɩt tɩ Faarõ rig bãmb tɩ b yi n bas a tẽngã.»

A Ezayi 52:12

Da yi-y ne yãgb ye, da loog-y ne zoees ye. Bala, Sẽn-Ka-Saab bee yãmb taoore, Israyɛll Wẽnnaamã na n pʋga yãmb poore.

A Dãniyɛlle 3:22

Noor ning rĩmã sẽn dag n kõ wã sẽn yaa kãenkãe wã yĩnga, b wɩnga wʋngã tɩ loog nugu. Dẽ, bugmã kʋʋ neb nins sẽn tall a Sadrak ne a Mesak la a Abednego n tɩ lob bugmẽ wã.