Yikri 12:27 - WẼNNAAM SEBRE 2014

²⁷ bɩ y yeel-b yaa: Yaa Pak tigrã maoong tõnd sẽn maand n kõt Sẽn-Ka-Saabo, b sẽn zʋʋg n bas Israyɛll nebã rot Ezɩpt tẽngã yĩnga. Bãmb sẽn sɩbg Ezɩpt tẽngã ne toogã, b basa tõnd zagsã n ka maan-b bũmb ye.» Nebã sulgame n wõgemde.

SEBR SÕNGO

²⁷ Y na leok-ba: ‹Yaa pak maoong la d kʋʋda, Wẽnnaam waoogr yĩnga, tɩ Ezipt tẽnga b londga Israyɛl kamb zagse n tɩ kʋ Ezipt rãmba n yaool n bas tõndo.› » A Moyiiz yaool n kɩtame tɩ neba yĩgimd n waoog Soaala-Wẽnde.

Yikri 12:27 Iomraidhean Croise

1 Kibayã 29:20

A Davɩɩd yeela zãma wã fãa yaa: «M kot-y lame tɩ y pẽg-y Sẽn-Ka-Saab sẽn yaa yãmb Wẽnnaamã!» Dẽ, nebã fãa pẽga Sẽn-Ka-Saab sẽn yaa b yaab-rãmbã Wẽnnaamã. Bãmb wõgemda Sẽn-Ka-Saab taoore, la rĩmã taoore.

2 Kibayã 20:18

A Zozafat sẽn wʋm woto, a wõgemdame n fõgen a neng tẽng Sẽn-Ka-Saab taoore, la Zʋʋda ne Zeruzalɛm nebã fãa me wõgemdame n fõgen b nens tẽng Sẽn-Ka-Saab taoore.

2 Kibayã 29:30

Dẽ poore, dĩm a Ezekɩyaas ne nanambsã yeela Leevi nebã tɩ b waoog Sẽn-Ka-Saab ne a Davɩɩd yɩɩlã, la ne yãt a Azaf yɩɩlã. Woto, bãmb waooga Sẽn-Ka-Saab ne sũ-noogo, la b yĩgimdi, n wõgemde.

A Neemi 8:6

La a Ɛsdraas pʋʋsa Sẽn-Ka-Saab sẽn yaa Wẽnnaam-kãsengã barka, la nebã fãa zẽka b nus n yeel tɩ Ãmina! Ãmina! La bãmb zõondame n wõgemd Sẽn-Ka-Saab taoor n fõgen b nens tẽnga.

Yɩɩn‑sõamyã 44:1

A Koore yagensã yɩɩlle, yɩɩlã naab yĩnga.

Yɩɩn‑sõamyã 78:5

Bãmb vigla kaset bãnd a Zakoob pʋgẽ. Bãmb vigla tõog Israyɛll pʋgẽ, la b yeel tõnd yaab-rãmbã tɩ b rɩk-a n togs b yagensã.

Yikri 10:2

Leb n yaa sẽn na n yɩlẽ tɩ fo togs f kambã ne f yagensã mam sẽn maan Ezɩpt nebã bũmb ninga, la bõn-yɛɛsds nins mam sẽn maan bãmb sʋkã. Woto, yãmb na bãng tɩ mam yaa Sẽn-Ka-Saabo.»

Yikri 12:11

Ad yãmb sẽn na n dɩ-a to-to: Sẽb-y y sẽbdga, la y wid y neooda, tɩ y dasaarã be y nugẽ. Rɩ-y-yã-a ne yãgbo. Sẽn-Ka-Saab Pak tigrã la woto.

Yikri 12:23

Dẽ, Sẽn-Ka-Saab sã n wa n pɩʋʋgd n na n sɩbg Ezɩpt nebã, n yãnd zɩɩmã sẽn be y rignoorã ne y lug a yiibã zutã, Sẽn-Ka-Saab na n zʋʋga yãmb dignoorã, la b ka na n bas sãamdã ne toogã t'a kẽ yãmb dotã pʋs ye.

Yikri 12:28

Dẽ, Israyɛll nebã kẽngame n tɩ maan wa Sẽn-Ka-Saab sẽn dag n yeel a Moyiis ne a Aarõ wã.

Yikri 13:14

Dẽ, yãmb kambã sã n wa sok yãmb nindaar n dat n bãng bõn-kãng võore, bɩ y yeel-ba: Yaa ne nug sẽn tar pãng la Sẽn-Ka-Saab yiis tõnd Ezɩpt yembdã pʋgẽ.

Yikri 13:8

Badaare, bɩ y yeel y kambã a woto: «Yaa bũmb ning Sẽn-Ka-Saab sẽn maan tõnd yĩng wakat ning tõnd sẽn yi Ezɩpt tẽngã yĩnga, la d maand woto.»

Yikri 34:25

Ra lagem bur sẽn tar dã-bɩll ne maoong zɩɩm ye. Ra bas Pak tigrã maoong nemd tɩ kell n vẽeg beoog ye.

Yikri 34:8

Dẽ, tao-tao bala, a Moyiis sulgame hal n tãag tẽng n wõgemde.

Yikri 4:31

La nebã tẽeme. Bãmb sẽn wʋm tɩ Sẽn-Ka-Saab wa n na n sõnga Israyɛll nebã, tɩ la b yãnda bãmb namsgã, Israyɛll nebã sulga b zut n wõgemd tẽnga.

1 Korẽnt rãmba 5:7

Yiis-y rã-bɩl-kʋdgã n bas y mens n lebg yɩlma, tɩ y tõe n yɩ zom-nagd-paalga, rã-bɩll sẽn ka be yãmb pʋgẽ wã yĩnga. Bala, b kʋʋ Kiris sẽn yaa tõnd Pakã maoongo.

Yaoolem 16:2

Bɩ y yãk rũm-bãooneg ne rũm-bɛd n maan Pak tigrã Sẽn-Ka-Saab sẽn yaa yãmb Wẽnnaamã yĩnga, zĩig ning Sẽn-Ka-Saab sẽn yaa yãmb Wẽnnaamã sẽn na n yãk n ning b yʋʋrã.

Yaoolem 16:5

Yãmb ka tõe n kʋ Pak tigrã maoong tẽms nins fãa Sẽn-Ka-Saab sẽn yaa yãmb Wẽnnaamã sẽn kõ yãmb tɩ y zĩndã pʋgẽ ye.