Yikri 12:23 - WẼNNAAM SEBRE 2014

²³ Dẽ, Sẽn-Ka-Saab sã n wa n pɩʋʋgd n na n sɩbg Ezɩpt nebã, n yãnd zɩɩmã sẽn be y rignoorã ne y lug a yiibã zutã, Sẽn-Ka-Saab na n zʋʋga yãmb dignoorã, la b ka na n bas sãamdã ne toogã t'a kẽ yãmb dotã pʋs ye.

SEBR SÕNGO

²³ Wotone Soaala-Wẽnd sã n wa saagd Ezipt tẽng n na n kʋ, b sã n yãe zaka t'a rignoora la ra-lugsã bola ne zɩɩm, b na looge n ka kẽ yi-kãng pʋg ye, la kũum kõn ki y zagsẽ ye.

Yikri 12:23 Iomraidhean Croise

2 Sãmwɛlle 24:16

La wakat ning malɛɛkã sẽn kʋʋd nebã sẽn wa n tẽeg a nug n na n sãam Zeruzalɛmã, Sẽn-Ka-Saab sũurã sãama ne sɩbgrã tɩ b yeele: «A sekame! Base. Yãk f nugu.» La Sẽn-Ka-Saab malɛɛkã yalsa zĩig sẽn pẽ ne Zebuus rao a Aravna zɛɛgã.

A. Zoobe 14:13

Yãmb sã n dag n solgẽ maam kɩɩm-kulg pʋgẽ, n bas maam beenẽ tɩ m solg hal tɩ y sũurã sigi, n yaool n yãk wakat n kõ-m t'a sã n ta bɩ y tẽeg m yelle!

Yikri 11:4

A Moyiis yeelame: «Ade, Sẽn-Ka-Saab yetame: ‹Yʋn-sʋkã, mam na n pɩʋʋga Ezɩpt tẽngã pʋga.

Yikri 12:7

Bɩ b yãk a zɩɩmã n mes y rot nins yãmb sẽn na n zĩnd-b pʋs n dɩ-a wã lug a yiibã zutu, la y mes rignoorã zugẽ.

A Ezayi 26:20

Mam nebã, kẽng-y n tɩ kẽ-y y rotẽ, la y lebs kʋɩlemsã n pag n be pʋgẽ. Solg-y wakat bilf pʋgẽ, hal tɩ sũ-puugrã wakat looge.

A Ezayi 37:36

La Sẽn-Ka-Saab malɛɛkã yiime n kẽng Asiiri nebã tãb-sikẽ, n tɩ kʋ raop tus koabg la pis-nii la a nu. B sẽn yik yibeoogo, b mikame tɩ bãmb fãa yaa kũum n dʋrẽ!

Ezekiyɛl 9:4

Sẽn-Ka-Saab yeela yẽnda yaa: «Saag tẽngã pʋga, saag Zeruzalɛm tẽnga pʋga, n ning neb nins fãa sẽn wẽed sir la b wõosd tʋʋm-beed nins fãa sẽn maand tẽngã pʋgã yĩngã dĩir bãnde.»

Ezekiyɛl 9:6

Kʋ-y la y sãam nin-kẽembã, kom-bɩɩsã, pʋg-sadbã, pagbã, la zagsã neb fãa. Bas-y ned ning fãa sẽn tar-a bãndã, la y sɩng ne mam zĩig ning sẽn welg toorã! Dẽ, bãmb sɩnga ne kãsem-dãmb nins sẽn dag n be Wẽnd doogã noorã.»

1 Korẽnt rãmba 10:10

Da yẽgm-y wa bãmb neb kẽer sẽn maane, tɩ sãamdã sãam-ba ye.

Ebre rãmba 11:28

Yɩɩ ne tẽeb la a maan Pakã, la a mes zɩɩm, tɩ sãamdã da wa sɩɩs Israyɛll nebã kom-dẽemsã ye.

Ebre rãmba 12:24

Yãmb kolga a Zeezi sẽn yaa kaool‑paalgã sɛ-yõakdã, la zɩɩm ning b sẽn tall n mese, la sẽn gomã sõama n yɩɩd a Abɛll rẽndã.

Vẽnegre 7:3

Da maan-y tẽngã wall ko-kãsengã wall tɩɩsã bũmbu, hal tɩ tõnd paam n ning d Wẽnnaamã tʋmtʋmdbã rĩyã bãnde.

Vẽnegre 9:4

La b yeel-b lame tɩ b ra sɩɩs moodã sẽn be tẽng zugã wall bũmb baa a yembr sẽn ningd vãado, wall tɩɩg baa a yembr ye. B zab ne neb nins sẽn ka tar Wẽnnaam bãnd b rĩyẽ wã bala.