Yikri 12:19 - WẼNNAAM SEBRE 2014

¹⁹ Rasem a yopoe tõre, b ka tog n yãnd rã-bɩll yãmb dotẽ wã ye. Bala, ned ning fãa sẽn na n dɩ-a bur sẽn ning rã-bɩlle, b na n yiisa a soab Israyɛll buudã neb sʋk n kʋ, sã n yaa sãana, wall tẽng-n-neda.

SEBR SÕNGO

¹⁹ Dasem a yopoe wã pʋgẽ bɩ m da yãe bɩll y zagsẽ ye, tɩ ned ninga sẽn na n wãba bur sẽn ning bɩlle, m na n yiis a soab Israyɛl buudẽ. A yaa tẽnga ned bɩ sãana, b na n yiis-a-la buudẽ.

Yikri 12:19 Iomraidhean Croise

Yikri 12:15

Yãmb na n dɩɩ bur sẽn ka ning rã-bɩll dasem a yopoe tõre. La sẽn sɩng ne rasem a yopoe wã pipi daarã, bɩ y yiis rã-bɩllã y rotẽ wã. Ned ning sẽn na n dɩ-a bũmb sẽn ning rã-bɩlle, pipi daarã n tãag rasem a yopoe daarã, b na n yiis-a-la Israyɛll buudã neb sʋka.

Yikri 12:20

Bɩ yãmb da rɩ bũmb sẽn ning rã-bɩll ye. Yãmb sẽn be zĩig ning fãa, bɩ y rɩ bur sẽn ka ning rã-bɩlle.

Yikri 12:43

Sẽn-Ka-Saab yeela a Moyiis ne a Aarõ yaa: «Ade, Pak tigrã no-tũudg la woto: ‹Sãan ba a yembr ka tar noor tɩ rɩ Pak tigrã rɩɩb ye.›

Yikri 12:48

Nin-loaagdg sã n be yãmb sʋkã n dat n maan Pak tigrã n waoog Sẽn-Ka-Saabo, bɩ a raopã ne kom-dibli nins fãa sẽn be yẽnda zakẽ wã reng n kẽ bãongo. Dẽ poore, a na yaool n naag Israyɛll nebã n maan Pak tigrã. La rao sẽn ka kẽ bãong ka tog n dɩ tigrã rɩɩb ye.

Yikri 13:3

Dẽ, a Moyiis yeela nebã yaa: «Tẽeg-y daar ning yãmb sẽn yi Ezɩptã, daar ning yãmb sẽn yi yembd pʋgẽ wã yelle. Bala, yaa ne Sẽn-Ka-Saab nug sẽn tar pãngã la b yiis yãmb beenẽ. Bɩ ned da rɩ bũmb sẽn ning rã-bɩll ye.

Yikri 13:7

Rasem-kãens pʋse, bɩ y rɩ bur sẽn ka ning rã-bɩlle. Yãmb soolmã pʋgẽ, b ka tog n yãnd rã-bɩll beenẽ ye.»

Yikri 23:15

Maan bur sẽn ka rã-bɩll tigr rasem a yopoe, n dɩ bur sẽn ka rã-bɩll wa mam sẽn yeel foom wakat ning mam sẽn yãk bõn-bɩʋʋng kiuugã pʋgẽ wã, bala, yaa ki-kãng pʋgẽ la fo yi Ezɩpte. Ned ka tog n wa mam taoor nug-zaal ye.

Yikri 30:33

Ned sã n maan ka-kãngã buudu, wall ned sã n ning-a ned sẽn ka maan-kʋʋd zugu, bɩ b yiis-a a buud sʋk n kʋ.»

Yikri 34:18

Maan bur sẽn ka rã-bɩll tigrã. Rɩ bur sẽn ka rã-bɩll dasem a yopoe b sẽn yãk bõn-bɩʋʋng kiuugã pʋgẽ wã, wa mam sẽn yeel foomã. Bala, yaa bõn-bɩʋʋng kiuugã pʋgẽ la fo yi Ezɩpt tẽngã.

Maan‑kʋʋre 23:5

Pipi kiuugã rasem piig la a naasã daar zaabre, yãmb na n maana Pak tigr Sẽn-Ka-Saab waoogr yĩnga.

Sõadga 9:13

La ned sã n zãgs n ka maan Pak tigrã, n yaool n yaa yɩlemde, la a ka tog sor me, bɩ b yiis a soab Israyɛll buudã sʋka. Bala, yẽnda sẽn ka wa ne kũun n wa kõ Sẽn-Ka-Saab wa sẽn zems wakat ning b sẽn yãkã, yẽnda beegame.

Yaoolem 16:3

Tigrã rasem a yopoe wã fãa pʋga, yãmb ka tog n dɩ bũmb sẽn ning rãbɩll ye. Yãmb tog n dɩta bur sẽn ka ning rãbɩll rasem a yopoe wã fãa. Yaa namsg buri, bala, yãmb yii Ezɩpt ne yãgbo. Yaa sẽn na n tẽegd yãmb daar ning yãmb sẽn yi Ezɩpt tẽngã y yõor tɛka.