Yikri 12:16 - WẼNNAAM SEBRE 2014

¹⁶ Pipi daarã ne rasem a yopoe daarã, bɩ y maan tiging sẽn welg toore. La ned ka tog n tʋm dasem-kãens daarã, sã n ka tɩ segl rɩɩb n kõ yãmb ned kam fãa bala.

SEBR SÕNGO

¹⁶ Y na n maana tigẽng kãsenga pipi raarã. A yopoe raarã me yɩ boto. Badaare tʋʋmd buug pa tʋmd ye, sã n ka rɩɩb seglgo bala.

Yikri 12:16 Iomraidhean Croise

Yikri 16:23

Dẽ, a Moyiis yeela bãmb yaa: «Yaa Sẽn-Ka-Saab n yeel tɩ b maan a woto. Beoog na n yɩɩ vʋʋsg daare. Yaa vʋʋsg daar sẽn welg toor Sẽn-Ka-Saab waoogr yĩnga. Yãmb sẽn dat n kɩɩm bũmb ninsã, bɩ y kɩɩme, la yãmb sẽn dat n dʋg bũmb ninsã, bɩ y rʋge. La bũmb nins fãa sẽn kellã, bɩ y bĩng tɩ ta beoogo.»

Yikri 16:29

Ges-y-yã! Sẽn-Ka-Saab sẽn kõ yãmb vʋʋsg daarã yĩng n kɩte, tɩ bãmb kõt yãmb dasem a yiib rɩɩbo, rasem a yoobã daare. Bɩ ned kam fãa kell n pa a zĩigẽ n da yi rasem a yopoe wã daar ye.»

Yikri 16:5

Rasem a yoobã daare, bɩ b wʋk wʋsg n wa segl n yɩɩd bãmb sẽn mi n wʋkd daar fãa wã, sẽn na zems rasem a yiib rẽnda.»

Yikri 20:10

La rasem a yopoe wã daare, yaa vʋʋsg daar Sẽn-Ka-Saab sẽn yaa yãmb Wẽnnaamã waoogr yĩnga. Bɩ yãmb ne y kom-dibli wã, la y kom-pugli wã, ne y yem-daadã la y yem-pogsã ne y rũmsã la sãan sẽn be yãmb yiri bas y tʋʋmã.

Yikri 34:18

Maan bur sẽn ka rã-bɩll tigrã. Rɩ bur sẽn ka rã-bɩll dasem a yopoe b sẽn yãk bõn-bɩʋʋng kiuugã pʋgẽ wã, wa mam sẽn yeel foomã. Bala, yaa bõn-bɩʋʋng kiuugã pʋgẽ la fo yi Ezɩpt tẽngã.

A Ezayi 1:13

Da-y leb-y n tall-y kũun sẽn ka yõod n wa kõ maam ye. Yãmb wisdã kũun yaa bõn-wẽng mam taoore. Yãmb wẽngã maaneg yĩnga, mam sũur ka noom ne yãmb ki-paalgã tigã, ne y vʋʋsg rayã, la ne y nebã tigindã ye.

Maan‑kʋʋre 23:21

Badaar bala, bɩ y maan tigr Sẽn-Ka-Saab waoogr yĩnga. Ra-kãng na n yɩɩ daar sẽn welg toore. Bɩ y ra maan tʋʋmd ba a yembr badaar ye. Yõwã na n yɩɩ no-tũudg sẽn ka sɛta, yãmb yagensã fãa yĩnga, la zĩig ning fãa yãmb sẽn na n tɩ zĩndẽ.

Maan‑kʋʋre 23:27

«Kiuug a yopoe soabã rasem piigã daare, na n yɩɩ yel-wẽnã sugr kosg daare. La yãmb tog n maana tiging sẽn welg toore, n loe noore, la y maan maoong sẽn yõogd bugum n kõ Sẽn-Ka-Saabo.

Maan‑kʋʋre 23:35

Tigrã pipi daarã na n yɩɩ tigin-kãseng sẽn welg toor daare. Bɩ y ra tʋm tʋʋmd badaar ye.

Sõadga 28:18

La tigrã pipi daare, yãmb ka tog n tʋm tʋʋmd ye, la y segd n tigma taab n waoog maam a Sẽn-Ka-Saabo.

Sõadga 28:25

La rasem a yopoe wã daare, bɩ y tigim taab n waoog maam a Sẽn-Ka-Saabo, la yãmb ka tog n tʋm tʋʋmd badaar ye.

Sõadga 28:26

Daar ninga yãmb sẽn na n tigs y pipi bõn-koaadlã, bɩ y yãk y koodã dẽenem biisi, n tall n wa kõ maam a Sẽn-Ka-Saabo. La badaare, bɩ y tigim taab n waoog maam. La y ka tog n tʋm tʋʋmd badaar ye.

Sõadga 29:1

Kiuug a yopoe soabã pipi daarã, bɩ y tigim taab n waoog maam a Sẽn-Ka-Saabo. Yãmb ka tog n tʋm tʋʋmd badaar ye, bala yaa kɩdeng daare.

Sõadga 29:12

La kiuug a yopoe soabã rasem piig la a nu wã daare, bɩ y tigim taab n waoog Sẽn-Ka-Saabo. La badaare, yãmb ka tog n tʋm tʋʋmd ye. Yãmb tog n dɩka rasem a yopoe wã fãa n maan tigrã.

A Zã Sõng 19:31

Dag n yaa Pakã tigr seglg daare. La Zʋɩf-rãmbã sẽn ka rat n bas nebã tɩ b pa ra-pɩgsã zut bãmb vʋʋsg daarã yĩnga, ‹Vʋʋsg da-kãng dag n yaa da-kãsenga,› b kosa a Pilat t'a kɩt tɩ b kao b gɛy wã la b sigs-ba.

Yaoolem 16:8

Rɩ-y bur sẽn ka rãbɩll rasem a yoobe. La rasem a yopoe wã daar na n yɩɩ tiging raar Sẽn-Ka-Saab sẽn yaa yãmb Wẽnnaamã waoogr yĩnga. Ra tʋm-y badaar ye.