Yikri 11:3 - WẼNNAAM SEBRE 2014

³ Sẽn-Ka-Saab kɩtame tɩ Ezɩpt nebã yik n nong Israyɛll nebã, la tɩ Faarõ nebã ne Ezɩpt nebã rag n waoogda a Moyiis hal wʋsgo.

SEBR SÕNGO

³ Soaala-Wẽnd kɩtame tɩ b nebã ne Ezipt rãmba moor zems taaba. A Moyiiz meng da yaa nin-kãseng Ezipt tẽnga, dĩma sõsd-n-taasã la a soolma rãmb fãa nifẽ.

Yikri 11:3 Iomraidhean Croise

Sɩngrẽ 12:2

Mam na n kɩtame tɩ fo lebg buud wʋsg ba, la m na n ning-f-la barka. Mam na n kɩtame tɩ f yʋʋrã yi, la m kɩt tɩ fo yɩ bark sore.

Sɩngrẽ 39:21

La Sẽn-Ka-Saab rag n bee ne a Zozɛfe, la b wilga a Zozɛf b nonglem. Bãmb kɩtame tɩ bi-bees roog gũudbã naab nong a Zozɛfe.

2 Sãmwɛlle 7:9

Mam zĩnda ne foom zĩis nins fãa fo sẽn kẽngã, la mam kʋʋ fo bɛɛbã f taoore, la m kɩt tɩ f yʋʋrã yi wa nin-kãsems nins sẽn be dũni wã zugã yʋy sẽn yi wã.

A Ɛstɛɛre 9:4

Sɩd me, a Mardoose rag n lebga nin-kãseng rĩmã zak pʋga. A Mardoose yʋʋrã rag n saaga soolem-dãmbã fãa pʋse, bala, a rag n paamda pãng n paasdẽ.

Yɩɩn‑sõamyã 106:46

Sẽn-Ka-Saab kɩtame tɩ neb nins fãa sẽn kẽes bãmb yembdã zoe bãmb nimbãanega.

Yikri 12:35

Israyɛll nebã maana wa a Moyiis sẽn dag n yeelã. Bãmb kosa Ezɩpt nebã wanzuri ne sãnem teedo, la futu.

Yikri 12:36

Sẽn-Ka-Saab kɩtame tɩ Ezɩpt nebã nand Israyɛll nebã, la Ezɩpt nebã kõo bãmb bũmb nins b sẽn kosã. Dẽ, bãmb reesa Ezɩpt nebã sẽn dag n tarã fãa.

Yikri 3:21

Mam na n kɩtame tɩ Ezɩpt nebã nong nin-kãensã. Yãmb sã n wa na n looge, y ka na n loog zaalem ye.

A Ezayi 60:14

Sẽn dag n paoogd-b foomã kamb na n sulga b mens n wa fo nengẽ, bãmb na n wa wõgemda fo naoã tẽngre. Yaa sẽn dag n yaand-b foomã fãa. Bãmb na n boola foom tɩ ‹Sẽn-Ka-Saab tẽnga›, la ‹Israyɛll Pʋ-Peelem-Soabã Sɩyõ.›

Tʋʋma 7:22

B zãmsa a Moyiis Ezɩpt-rãmbã yamã fãa. La a goamã ne a tʋʋmã ra tara pãnga.

Yaoolem 34:10

Wẽnnaam no-rɛɛs a to ka leb n zĩnd Israyɛll nebã sʋka, tɩ Sẽn-Ka-Saab mi-a neng ne neng wa b sẽn mi a Moyiisã ye.

Yaoolem 34:11

A to ka zĩnd n maan bãn ne bõn-bãn wa Sẽn-Ka-Saab sẽn tʋm a Moyiis t'a maan Faarõ ne a tʋmtʋmdbã, la Ezɩpt tẽngã soolmã fãa wã ye.

Zozuwe 4:14

Badaare, Sẽn-Ka-Saab kɩtame t'a Zozoe lebg nin-kãseng Israyɛll nebã nifẽ, la b waoog-a-la wa b sẽn waoog a Moyiis a vɩɩmã tɛkã.

Vẽnegre 3:9

Ade, mam na n ninga neb nins sẽn yaa a Sʋtãan tũudbã yãmb nugẽ. Bãmb yagda zĩrẽ n boond b mens tɩ Zʋɩf-rãmba, tɩ yaool n ka sɩd ye. Gese, mam na n kɩtame tɩ b wa n wõgemd yãmb taoore, la b bãng tɩ mam nonga yãmba.