Yikri 11:10 - WẼNNAAM SEBRE 2014

¹⁰ A Moyiis ne a Aarõ rag n maana bõn-yɛɛsds-kãens fãa Faarõ taoore. Sẽn-Ka-Saab kɩtame tɩ Faarõ keng a sũuri, n ka sak n bas Israyɛll nebã tɩ b yi a tẽngẽ wã n loog ye.

SEBR SÕNGO

¹⁰ Yel-beeda fãa sẽn sõdgã, a Aarõ ne a Moyiiz kɩtame tɩ b pids dĩma taoore. La Wẽnnaam kidba a sũuri t'a zãgs tɩ Israyɛl kamb kõn yi a tẽngẽ ye.

Yikri 11:10 Iomraidhean Croise

A. Zoobe 9:4

Sã n yaa yam wall pãng soaba, ãndã n na n bao b noor n ka reeg toogo?

Yikri 10:20

Sẽn-Ka-Saab kɩtame tɩ Faarõ keng a sũuri, n ka sak n bas Israyɛll nebã tɩ b loog ye.

Yikri 10:27

Sẽn-Ka-Saab kɩtame tɩ Faarõ keng a sũuri, n ka sak n bas bãmb tɩ b loog ye.

Yikri 12:1

Sẽn-Ka-Saab yeela a Moyiis ne a Aarõ Ezɩpt tẽngã pʋgẽ yaa:

Yikri 3:19

Mam mii hakɩɩk tɩ sã n ka tũ ne nug sẽn tar pãnga, Ezɩpt rĩmã ka na n sak n bas yãmb tɩ y loog ye.

Yikri 4:21

Sẽn-Ka-Saab yeela a Moyiis yaa: «Moasã, fo sẽn lebg n lebd Ezɩptã, ges mam sẽn ning bõn-bãn nins fãa fo nugẽ wã, n maan-b Faarõ taoore. Mam na n kɩtame tɩ Faarõ keng a sũurã n ka sak n kõ nebã sor tɩ b loog ye.

Yikri 7:3

La maam, mam na n kɩtame tɩ Faarõ keng a sũuri, la Ezɩpt soolmã pʋgẽ, mam na n maana bãn ne bõn-bãn n yɩlme.

Yikri 9:12

Sẽn-Ka-Saab kɩtame tɩ rĩmã sũur kenge. La rĩmã ka kelg bãmb ye. Yɩɩ wa Sẽn-Ka-Saab sẽn dag n yeel a Moyiisã.

A Ezayi 63:17

Sẽn-Ka-Saabo, bõe yĩng tɩ yãmb bas tõnd tɩ d yeebd n zãag ne yãmb soayã? Bõe yĩng tɩ yãmb kɩt tɩ tõnd yaa tõatb n ka leb n zoet yãmba? Bɩ y lebg n wa tõnd sẽn yaa yãmb tʋmtʋmdbã yĩnga, lebg-y n wa-y buud ning sẽn yaa yãmb dẽndã yĩnga!

A Zã Sõng 12:40

«Wẽnnaam luda b ninã, la b keng b sũyã, tɩ b ra wa n yãnd ne b ninã, tɩ b ra tags n wʋm a võore, la tɩ b da wa n tek yam, tɩ mam maag-b ye.»

Rom Dãmba 9:18

Woto, bãmb zoeta ned ning b sẽn dat n zoe a nimbãanegã nimbãanega, la bãmb sẽn dat t'a soab sũur yɩ kɛgenga, b kengda a soabã sũurã.

Rom Dãmba 9:22

La Wẽnnaam sã n maan sũ-mar wʋsg ne lagd sẽn wat ne sũ-yikri la sẽn maan sãoong yĩngã, n na n wilg b sũ-yikri la b kɩt tɩ nebã bãng bãmb pãngã?

Yaoolem 2:30

La Hɛsbõ naab a Sihon ka sak n bas tõnd tɩ d tũ a tẽngã pʋgẽ n loog ye. Bala, Sẽn-Ka-Saab sẽn yaa yãmb Wẽnnaamã kenga a sũurã t'a kɩɩs n tõdge, sẽn na yɩl n kɩt tɩ yãmb zab ne-b n tõog-b wa yãmb sẽn ne rũndã wã.»

Zozuwe 11:20

Bala, yaa Sẽn-Ka-Saab n kɩt tɩ b riglim b sũyã n na n zab ne Israyɛlle, sẽn na n yɩlẽ tɩ Israyɛll nebã sãam-b zãng n ka zoe b nimbãanega, n menes-b wa Sẽn-Ka-Saab sẽn dag n yeel a Moyiisã.

1 Sãmwɛlle 6:6

Yaa bõe tɩ y na n keng y sũy wa Ezɩpt nebã ne Faarõ sẽn dag n maanã? Wẽnnaam mengã sẽn sɩbg-bã, b ka bas Israyɛll nebã tɩ b loog sɩda?