Yikri 10:9 - WẼNNAAM SEBRE 2014

⁹ A Moyiis leokame yaa: «Yaa tõnd ne d kom-bɩɩsã, la d nin-kẽemsã, ne d kom-dibli wã la d kom-pugli wã, ne d rũm-bãoonegã, la d rũm-bɛdã n na n kẽnge. Bala, yaa Sẽn-Ka-Saab tigr tõnd yĩnga.»

SEBR SÕNGO

⁹ A Moyiiz yeelame: «D na n looga ne d kom-bɩɩba, d nin-kẽemba, d kom-dibli la d kom-pugli, d rũmsi, bẽd la bõonego, tɩ yaa kibs la d na n maan Soaala-Wẽnd yĩnga.»

Yikri 10:9 Iomraidhean Croise

Sɩngrẽ 50:8

A Zozɛf zakã rãmb fãa, ne a kẽem-dãmbã, ne a ba wã zak-rãmb fãa tũume n kẽnge. Yaa kambã bala, ne rũm-bãoonegã ne rũm-bɛdã bal n pa Gosɛn tẽngã pʋga.

Yikri 10:10

Dẽ, Faarõ yeela bãmb yaa: «Sã n yaa woto, mam sã n wa bas yãmb ne y zagsã rãmb tɩ y na n looge, bɩ Sẽn-Ka-Saab zĩnd ne yãmba. La mam miime tɩ yãmb sẽn dat n maan bũmb ningã yaa wẽnga.

Yikri 10:26

Tõnd na n zã d rũmsã, la baa rũng naobeng meng ka na n pa ka ye. Bala, yaa bãmb sʋkã la d na n yãk rũms nins sẽn na n tall n maan maoong n kõ Sẽn-Ka-Saab sẽn yaa tõnd Wẽnnaamã. La sã n ka tõnd taa beenẽ, tõnd ka tõe n yãg n bãng rũm-bãmb ye.»

Yikri 12:32

Tall-y y rũm-bãoonegã ne y rũm-bɛdã me n looge, wa y sẽn dag n kosã. Kẽng-y la y ning mam me zug barka.»

Yikri 12:37

Israyɛll nebã yii Ramsɛs n dabd Sukote. Raop nins sẽn dag n kẽnd-b ne naoã sõor dag n kolga neb tus kobs-yoobe, kambã sõor sẽn ka naage.

Yikri 12:38

Neb sẽn yaa buud toor-toor neb me n dag n be ne bãmba, la nin-bãmb rag n tara rũm-bãooneg ne rũm-bɛd wʋsgo.

Yikri 13:6

Yãmb na n dɩɩ bur sẽn ka ning rã-bɩll dasem a yopoe. La rasem a yopoe soabã daare, bɩ y maan tigr Sẽn-Ka-Saab yĩnga.

Yikri 3:18

Dẽ, bãmb na n kelga fo koɛɛgã. Bɩ foom ne Israyɛll kãsem-dãmbã kẽng Ezɩpt rĩmã nengẽ n tɩ yeel yẽnda yaa: Sẽn-Ka-Saab sẽn yaa Ebre nebã Wẽnnaamã waa tõnd nengẽ. Dẽ, tõnd kota yãmb sor moasã n kẽng rasem a tãab kẽnd we-raoogã pʋgẽ n tɩ maan maoong Sẽn-Ka-Saab sẽn yaa tõnd Wẽnnaamã yĩnga.

Yikri 5:1

Dẽ poore, a Moyiis ne a Aarõ kẽnga Faarõ nengẽ n tɩ yeel-a yaa: «Sẽn-Ka-Saab sẽn yaa Israyɛll Wẽnnaamã yetame: Bas mam nebã tɩ b kẽng n tɩ maan tigr mam yĩng we-raoogẽ wã.»

Yikri 5:3

A Moyiis ne a Aarõ yeelame: «Ebre nebã Wẽnnaamã waa tõnd nengẽ. Tõnd kotame tɩ y bas-d tɩ d kẽng n tɩ kẽn dasem a tãab kẽnd we-raoogẽ wã n maan maand n kõ Sẽn-Ka-Saab sẽn yaa tõnd Wẽnnaamã, tɩ b ra wa wẽ tõnd ne bã-loangd wall ne zabr sʋʋg ye.»

Yelbũna 3:9

Waoog Sẽn-Ka-Saab ne f paoongo, la f koodã dẽenem biisi.

Kowelɛt 12:1

Tẽeg f naandã yell f bi-bɩɩlem wakate, tɩ f toogã wakat nan ka ta, tɩ yʋʋm nins fo sẽn na n wa yeel tɩ f ka tar sũ-noogã wakat nan ka kolge,

Sõadga 29:12

La kiuug a yopoe soabã rasem piig la a nu wã daare, bɩ y tigim taab n waoog Sẽn-Ka-Saabo. La badaare, yãmb ka tog n tʋm tʋʋmd ye. Yãmb tog n dɩka rasem a yopoe wã fãa n maan tigrã.

Efɛɛz Rãmba 6:4

La yãmb sẽn yaa ba-rãmbã, ra maan-y bũmb sẽn yikd y kambã sũy ye. Wub-y-ba, n sagl-ba, la y keoog-b wa sẽn zems Zu-soabã raabo.

Zozuwe 24:15

Yãmb sã n ka rat n tũ Sẽn-Ka-Saabo, bɩ y bao y sẽn na n tũ a soab rũndã: Sã n yaa wẽnnaam-dãmb nins yãmb yaab-rãmbã sẽn dag n tũud Efrat kʋɩlgã rʋʋndã la y rat n tũ, bɩ y tũ. Sã n leb n yaa Amoor-dãmbã sẽn be yãmb sʋkã wẽnnaam-dãmb la y rat n tũ, bɩ y tũ. La maam ne m zakã rãmb yẽ, tõnd na n tũu Sẽn-Ka-Saabo.»