Yikri 10:3 - WẼNNAAM SEBRE 2014

³ Dẽ, a Moyiis ne a Aarõ kẽnga Faarõ nengẽ n tɩ yeel-a tɩ Sẽn-Ka-Saab sẽn yaa Ebre nebã Wẽnnaamã sokdame yaa: «Fo na n zãgsame tɩ f ka na n sik f meng mam taoor hal tɩ ta dabʋre? Bas mam nebã tɩ b kẽng n tɩ waoog maam.

SEBR SÕNGO

³ A Moyiiz ne a Aarõ kẽng n tɩ yãee Ezipt dĩma n yeel-a woto: «Ad Ebre rãmba Wẽnnaam sẽn togsd-f bũmb ninga: F na n kell n yɩɩ tõata, f na n zãgsa f sulg f meng mam taoor n ta da-bʋre? Bas m neba tɩ b loog n tɩ waoog-ma.

Yikri 10:3 Iomraidhean Croise

1 Rĩm-dãmbã 18:21

La a Eli kolga nebã fãa n yeele: «Yãmb na n saad n yeebda goabg la rɩtg hal tɩ ta rabʋre? Sẽn-Ka-Saab sã n yaa Wẽnnaam, bɩ y tũ-ba, la Baall sã n yaa Wẽnnaam, bɩ y tũ-a.» La nebã ka leok yẽnda tɩ bũmb ye.

1 Rĩm-dãmbã 21:29

«Fo yãnda a Akaab sẽn sik a meng to-to mam taoorã bɩ? Yẽnda sẽn sik a meng mam taoorã yĩnga, mam ka na n kɩt tɩ yel-beedã paam-a a sẽn ket n vɩ wã wakat ye. La yaa wakat ning yẽnda biig sẽn wat n dɩt naamã la mam na n kɩt tɩ yel-beedã paam a roogã.»

2 Rĩm-dãmba 22:19

Mam sẽn wilg m sẽn na n maan Zeruzalɛm ne a nebã bũmb ningã, la m sẽn yeel tɩ m na n sãam-a lame n kɩt t'a yɩ tẽng sẽn ka barkã yĩnga, fo sũurã sãamame, tɩ f sik f meng maam a Sẽn-Ka-Saab taoore. Fo pãrsa f futu, n yãb mam taoore. Woto, mam me wʋmame. Yaa Sẽn-Ka-Saab meng n gome.

2 Kibayã 33:12

La a Manaase sẽn wa n be toogã pʋgã, a baoome tɩ sigs Sẽn-Ka-Saab sẽn yaa yẽnda Wẽnnaamã sũuri. Dẽ, yẽnda sika a mengã wʋsg a ba-rãmbã Wẽnnaam taoore,

2 Kibayã 33:19

A Manaase pʋʋsgã, ne Wẽnnaam sẽn leok-a to-to wã, la yẽnda yel-wẽnã ne a sẽn maanã sẽn ka zems ne Wẽnnaamã, la a sẽn me maoong kʋʋb zĩisã, la a lugl a Aseera ra-lugdsã, la bõn-naandgã n yaool n na n sik a mengã fãa gʋlsa a Hozayi sebrã pʋgẽ.

2 Kibayã 34:27

La fo sẽn wʋm b sẽn wilg mam sẽn na n maan Zeruzalɛm ne a nebã to-to, tɩ fo sũurã sãam tɩ f sik f meng mam taoorã, bɩ f bãng tɩ fo sẽn sik f meng n pãrs f futã, n yãb mam taoorã, mam me wʋmame. Yaa Sẽn-Ka-Saab n yeele.»

2 Kibayã 7:14

mam nebã b sẽn boond ne mam yʋʋrã sã n sik b menga, n pʋʋse, la b bao maam, bãmb sã n bas b tʋʋm-wẽnsã, maam, mam na n zĩnda saasẽ n kelg-ba, la m na n kõ-b-la b yel-wẽnã sugri, la m maag b tẽngã.

A. Zoobe 42:6

Rẽ kɩtame tɩ mam lebsd m noor poorẽ, la m maand m bãngẽ n zĩ tomẽ ne tompeglmẽ.»

Yikri 10:4

Fo sã n zãgs n ka bas mam nebã tɩ b looge, beoogo, mam na n tʋma sʋy tɩ b wa fo soolmã pʋga.

Yikri 16:28

Dẽ, Sẽn-Ka-Saab yeela a Moyiis yaa: «Yãmb na n kɩɩsa mam noyã ne m tõodã hal tɩ ta dabʋre?

Yikri 4:23

Mam yeta foom tɩ f bas m bi-riblã t'a kẽng n tɩ waoog maam. La fo sã n kɩɩs n ka bas yẽnda t'a kẽnge, mam na n kʋʋ fo bi-ribl-kãsengã.»

Yikri 5:1

Dẽ poore, a Moyiis ne a Aarõ kẽnga Faarõ nengẽ n tɩ yeel-a yaa: «Sẽn-Ka-Saab sẽn yaa Israyɛll Wẽnnaamã yetame: Bas mam nebã tɩ b kẽng n tɩ maan tigr mam yĩng we-raoogẽ wã.»

Yikri 9:17

Fo sã n leb n gɩdg mam nebã n ka bas-b tɩ b looge,

Yelbũna 1:22

«Zɩtba, yãmb na n pa y zɩɩlmã pʋgẽ hal tɩ ta dabʋre? La yãmb a nin-paoogdbã, y na n kell n paooga y taab hal tɩ ta dabʋre? La yãmb a yalembã, dabʋr la y na n bao bãngre?

Yelbũna 1:24

Mam sẽn bool yãmb tɩ y zãgsã yĩnga, la m tud m nug tɩ ned ba a yembr ka tol n gesã,

Yelbũna 18:12

Ned sã n zẽkd a menga, lʋɩɩs n pʋgde, la ned sã n sikd a menga, ziir n pʋgde.

A Ezayi 1:5

Yãmb sẽn ket n kɩɩsdẽ wã, y ratame tɩ b leb n wẽ yãmb zĩ-bʋgo? Zugã zãng ka tar laafɩ ye. Sũurã zãng bẽedame.

A Ezayi 2:11

Tɩtaam dãmbã na n paama paoogre, la zẽk-m-mens rãmbã na n paama yãnde. Badaare, yaa Sẽn-Ka-Saab yʋʋrã bal n na n paam zẽkre.

Zeremi 13:10

Bãmb yaa nin-wẽns sẽn ka sakd n kelg mam goamã ye. B maanda wa sẽn zems b sũ-keglmã, la b zoet n pʋgda bu-zẽms wẽn-naands n wõgemded b taoor n waoogd-ba. Woto yĩnga, bɩ b lebg wa kur-wĩ-kãngã sẽn ka leb n tar yõodã.

Zeremi 13:18

Togs rĩmã ne a ma wã yaa: «Zĩnd-y tẽnga, bala yãmb naamã pugl lʋɩɩme, yãmb naam maanfã sẽn yaa neerã fõk n lʋɩɩme.

Zeremi 50:29

Bool-y tãb-tãoodbã tɩ b wa zab ne Babilonde! Bool-y neb nins fãa sẽn mi tãp tãoobã tɩ b wa zab ne-a! Tilg-y y tãb-sikã n gũbg-a, n da bas ned ba a yembr t'a põs ye! Yao-y-yã-a wa sẽn zems a tʋʋmã, maan-y-yã-a wa a sẽn dag n maanã, bala, yẽnda wuka a meng ne Sẽn-Ka-Saab sẽn yaa Israyɛll Pʋ-Peelem-Soabã.

Ezekiyɛl 5:6

La yẽnda kɩɩsa mam noyã ne m no-tũudsã. Yẽnda tʋʋm-wẽnsã yɩɩga tẽms a taabã sẽn gũbg yẽnda wã, bala, bãmb basa mam noyã ne m no-tũudsã.

A Dãniyɛlle 5:22

La yãmb a Bɛlsatzaar sẽn yaa bãmb biigã, yãmb bãnga bõn-kãensã fãa, la y ka sak n sik y meng ye.

Sõadga 14:27

«Mam wʋma Israyɛll nebã sẽn yẽgemd ne maamã. La nin-wẽn-kãensã na n yẽgma ne maam hal tɩ ta dabʋre?

Rom Dãmba 2:4

Bɩ fo ka nand bãmb sõmblmã, la bãmb sũ-bʋgsmã, la bãmb sũ-marã sẽn waoogã, n ka miẽ tɩ Wẽnnaam sõmblmã tusda foom tɩ f tek yam n kos sugri?

Ebre rãmba 12:25

Maan-y gũusgu! Ra tõdg-y n ka kelg ned ning sẽn gomd-a ne yãmbã ye. Bala, neb nins sẽn tõdg n ka kelg a soab sẽn dag n keoogd bãmb tẽng zug ka wã sã n ka põse, tõnd n ka na n põs n yɩɩda, tõnd sã n tõdg n ka kelg ned ning sẽn be arzãn n keoogd tõndã.

Zake 4:10

Sik-y y meng Zu-soabã taoore, la bãmb na zẽk yãmba.

1 Pɩyɛɛr 5:6

Dẽ wã, sik-y y mens Wẽnnaam sẽn yaa pãng soabã taoore, tɩ bãmb tʋlsmã wakat sã n ta, bɩ bãmb zẽk yãmba.