Yikri 10:21 - WẼNNAAM SEBRE 2014

²¹ Sẽn-Ka-Saab yeela a Moyiisi: «Zẽk f nug n tees yĩngri, tɩ lik bida zĩnd Ezɩpt tẽngã pʋgẽ tɩ b tõe n sɩɩs-a.

SEBR SÕNGO

²¹ Soaala-Wẽnd yeela a Moyiiz: «Tees f nuga yĩngri; ad lik sẽn ya taoko n tõe n sɩɩs ne nug na n dɩɩ Ezipt tẽng zãnga.»

Yikri 10:21 Iomraidhean Croise

A. Zoobe 5:14

Yel-kɛg rãmbã segda lik bida wĩndga, la bãmb babenda wĩnto-sʋk wa yʋngo.

Yɩɩn‑sõamyã 105:28

Sẽn-Ka-Saab tʋma lika, tɩ zĩigã fãa lebg lik bida. La nebã ka kɩɩs Sẽn-Ka-Saab goamã ye.

Yɩɩn‑sõamyã 35:6

Sẽn-Ka-Saab malɛɛkã sã n wa rigd-ba, bɩ b sorã lebg lik bida, la salse.

Yɩɩn‑sõamyã 78:49

Wẽnnaam kɩtame tɩ b sũ-yikrã, ne b sũ-puugrã, la b sũ-kãbrã, ne b sũ-sãangã rɩ Ezɩpt nebã. Bãmb tʋma b malegs tɩ b wa ne tood bãmb zutu.

Yikri 7:19

La Sẽn-Ka-Saab yeela a Moyiis t'a yeel a Aarõ yaa: «Rɩk f dasaarã n tẽeg f nug Ezɩpt soolmã koom zugu. La bãmb kʋɩlsã ne b Nill kʋɩlgã ko-soayã, la b bãgsã, ne bãmb zĩis nins fãa b sẽn bĩngd b koomã, koom na n lebga zɩɩm. Zɩɩmã na n zĩnda ko-yũus nins fãa sẽn be Ezɩpt soolmã fãa pʋgẽ wã pʋse, baa ne b sẽn maan-b rãmb ne raad la kugã.»

Yikri 9:22

La Sẽn-Ka-Saab yeela a Moyiisi: «Tẽeg f nug n tees yĩngri, tɩ sapɩlem ni Ezɩpt tẽngã pʋgẽ, ninsaalbã ne rũmsã ne moodã fãa zutu.

Yelbũna 4:19

La nin-wẽnsã sor yaa wa yʋngo, bãmb ka mi bũmb ning sẽn na n lub bãmbã ye.

Kowelɛt 2:14

Yam soab tara nin n getẽ, la yalem kẽnda lik bida pʋgẽ. La baa sẽn yaa woto wã, mam miime tɩ bãmb b yiibã fãa baoosg yaa bũmb a yembre.

Kowelɛt 6:4

Bala, a wata zaalem la a loogda lik bida pʋgẽ, la lik bida lillda a yʋʋrã.

Ezekiyɛl 32:7

Fo sã n wa ki, m na n luda sa-gãongã, la m kɩt tɩ ãdsã sobge. Mam na n luda wĩndgã ne sawad-taoko, la kiuugã ka na n leb n kõ a vẽenem yɛs ye.

A Matiye Sõng 27:45

Sẽn sɩng ne wĩnto-sʋk hal tɩ ta wẽn-kaoore, zĩigã fãa lebga lika.

A Mark Sõng 15:33

Sẽn ta wĩnto-sʋka, dũni gill fãa lebga lik bida hal tɩ ta wẽn-kaoore.

A Luk Sõng 23:44

Rẽ tɩ rag n zoe n kolga wĩnto-sʋka, la zĩiga fãa lebga lik bida hal tɩ ta wẽn-kaoore.

Yaoolem 1:30

Bala, Sẽn-Ka-Saab sẽn yaa yãmb Wẽnnaamã sẽn lʋɩ yãmb taoor n kẽndã na n zab n kõo yãmb wa b sẽn dag n maan Ezɩpt to-to yãmb fãa nifẽ wã.

Yaoolem 28:29

Yãmb na n babla wĩnto-sʋk wa zõang sẽn babend lik-bida pʋgẽ. Bũmb nins yãmb sẽn dat n maanã ka na n tõog ye. B na n maana yãmb pãnga, n fã yãmb daar fãa tɩ ned ka be sẽn na n sõng yãmb ye.

Yaoolem 4:34

Wẽnnaam bʋg n zoe n mak tɩ reeg buud buud a to nugẽ ne bõn-makre, la bãn ne bõn-yɛɛsds la zabre, ne a nugã pãng n maan tʋʋm-kãsems sẽn kẽesd rabeem? Yaa bõn-kãens la Sẽn-Ka-Saab sẽn yaa yãmb Wẽnnaamã maan n kõ yãmb Ezɩpt tẽng tɩ y nin yãndã.

2 Pɩyɛɛr 2:17

Nin-kãens wẽnda buls sẽn ka tar koom ye, la wa sawat sobg sẽn dɩkda. B zĩig na n yɩɩ lik sẽn yaa bida pʋgẽ.

2 Pɩyɛɛr 2:4

Bala, Wẽnnaam ka bas tɩ malegs nins sẽn maan-b yel-wẽnã põs ye B rig-b lame n lobe, n kẽes-b bog-zulung sẽn yaa lik bida pʋgẽ, n balg-b be n gũud bʋʋdã kaoob daare.

A Zʋʋde 1:13

B yaa wa ko-kãseng ko-pɛm sẽn yikd ne pãnga, n yiisd b yãnd puudu, b yaa wa ãd-saadse, tɩ Wẽnnaam bĩng-b lik bida pʋgẽ, wakat sẽn kõn sa yĩnga.

A Zʋʋde 1:6

La malegs nins sẽn ka pa zĩig ning sẽn zems ne bãmbã, la b sẽn yi n bas b mens zĩigã, Wẽnnaam balg-b-la bãens n bĩng-b lik bida pʋgẽ wakat sẽn kõn sa yĩngã, n gũudẽ tɩ ra-kãsengã sẽn yaa bʋʋdã kaoob daarã ta.

Vẽnegre 8:12

Malɛɛk a naasẽ soabã peeba baorgo. La wĩntoogã pʋɩɩr a yembr tãab sʋka, la kiuugã pʋɩɩr a yembr tãab sʋka, la ãdsã pʋɩɩr a yembr tãab sʋk pãng sɛɛme, sẽn na yɩlg la pʋɩɩr a yembr tãab sʋk lebg lika, tɩ wĩndg vẽenem pãng boog sẽn tat pʋɩɩr a yembr tãab sʋka, tɩ yʋng vẽenem pãng boog a woto.