Yikri 10:2 - WẼNNAAM SEBRE 2014

² Leb n yaa sẽn na n yɩlẽ tɩ fo togs f kambã ne f yagensã mam sẽn maan Ezɩpt nebã bũmb ninga, la bõn-yɛɛsds nins mam sẽn maan bãmb sʋkã. Woto, yãmb na bãng tɩ mam yaa Sẽn-Ka-Saabo.»

SEBR SÕNGO

² Sẽn na n yɩlẽ me tɩ fo tõog n togs f kamb la f yagense m sẽn yaal Ezipt rãmb ne bõn-bãn niynsi, la woto y na bãng tɩ maam la Naaba-Wẽnde.»

Yikri 10:2 Iomraidhean Croise

2 Sãmwɛlle 7:22

Wẽnnaam Sẽn-Ka-Saabo, yãmb sɩd yaa kãsengã, bala, sã n yaa ne tõnd sẽn wʋm tɩ b gomdã, ned ka be n zem yãmb ye. Wẽnd a to ka be tɩ sã n ka yãmb ye.

Yɩɩn‑sõamyã 44:1

A Koore yagensã yɩɩlle, yɩɩlã naab yĩnga.

Yɩɩn‑sõamyã 44:2

Wẽnnaam, tõnd mens tʋb wʋmame, tõnd yaab-rãmbã togsa tõndo, b togs-d-la tʋʋm nins yãmb sẽn tʋm bãmb wakatẽ wã, sẽn yaa kʋdem-wẽndẽ wã.

Yɩɩn‑sõamyã 58:11

Nin-tɩrg na n maana sũ-noogo, b sẽn dok a sũur n kõ-a wã yĩnga. Yẽnda na n waasa a nao nin-wẽnsã zɩɩm pʋga.

Yɩɩn‑sõamyã 71:18

Mam Wẽnnaam, baa mam sã n wa kʋʋl tɩ m zug pelge, bɩ y ra bas-m ye, hal tɩ m tõog n wilg zamaan-kãngã nebã yãmb nugã tʋʋmã, la m wilg zamaan ning sẽn wat-a wã yãmb pãng tʋʋmã.

Yɩɩn‑sõamyã 78:3

Tõnd sẽn wʋm bũmb ningã, la d sẽn mi bũmb ningã, ne tõnd yaab-rãmbã sẽn togs tõndã,

Yikri 13:14

Dẽ, yãmb kambã sã n wa sok yãmb nindaar n dat n bãng bõn-kãng võore, bɩ y yeel-ba: Yaa ne nug sẽn tar pãng la Sẽn-Ka-Saab yiis tõnd Ezɩpt yembdã pʋgẽ.

Yikri 14:18

La mam sã n paam waoogr Faarõ ne a saar-dãmbã la a wed-rʋʋdbã fãa yĩnga, Ezɩpt rãmbã na bãng tɩ mam yaa Sẽn-Ka-Saabo.»

Yikri 14:4

Mam na n kenga Faarõ sũuri, t'a yik n pʋgl yãmba. Mam na n paama waoogr Faarõ ne a tãb-biisã fãa yĩnga, la Ezɩpt nebã na n bãngame tɩ mam yaa Sẽn-Ka-Saabo.» Dẽ, Israyɛll nebã maana a woto.

Yikri 7:17

Dẽ, ad Sẽn-Ka-Saab sẽn yeta: Yaa ne bõn-kãngã la fo na n bãng tɩ mam yaa Sẽn-Ka-Saabo: Ade, mam na n wẽe Nill kʋɩlgã koom ne dasaar ning sẽn be mam nugẽ wã, la koomã na n lebga zɩɩm.

Yikri 7:5

Wakat ning mam sẽn na n tẽeg m nugã Ezɩpt tẽngã n yiis Israyɛll nebã bãmb sʋkã, Ezɩpt rãmbã na n bãngame tɩ mam yaa Sẽn-Ka-Saabo.»

Yikri 8:6

Faarõ leokame: «Beoogo.» La a Moyiis yeelame: «A na n yɩɩ wa yãmb sẽn yeelã, tɩ yãmb tõe n bãng tɩ bũmb a to ka be sẽn zem Sẽn-Ka-Saab sẽn yaa tõnd Wẽnnaamã ye.

A Ezayi 38:19

Ad yaa nin-vɩɩsã bal n tõe n pẽg yãmb wa mam sẽn pẽgd yãmb dũndã wã. Ba-rãmb na n kɩtame tɩ b kamb bãng yãmb sɩdã.

Ezekiyɛl 20:26

Mam kɩtame tɩ b rẽgem b mens ne b kũunã, bãmb sẽn wa n dɩkd b kom-dẽemsã n yõogd bugmã. Mam bas-b-la woto sẽn na n yɩlẽ tɩ sũ-sãang yõk-ba, tɩ b bãng tɩ mam yaa Sẽn-Ka-Saabo.

Ezekiyɛl 20:28

Mam talla bãmb n ta tẽng ning mam sẽn dag n zẽk m nug n wẽen tɩ m na n kõo bãmbã pʋga, la bãmb wẽnemd n gesa kunkub nins fãa sẽn zẽkã, la b ges tɩɩg ning sẽn tar maasem wʋsgã. Bãmb maana b maandã beenẽ, la b wa ne b kũun n yik m sũuri. Bãmb waa ne kũun toor-toor sẽn tar yũ-noogo, la b raag b bõn-yũudl kũunã.

A Zowɛlle 1:3

Rɩk-y-yã-a n togs y kambã, tɩ bãmb me wa rɩk-a n togs b kambã, tɩ b kambã me wa rɩk-a n togs zamaan ning sẽn watã!

Efɛɛz Rãmba 6:4

La yãmb sẽn yaa ba-rãmbã, ra maan-y bũmb sẽn yikd y kambã sũy ye. Wub-y-ba, n sagl-ba, la y keoog-b wa sẽn zems Zu-soabã raabo.

Yaoolem 4:9

Bũmb sẽn be bala, gũus-y y mens neer y yõor tɛk n da wa bas bũmb nins yãmb ninã sẽn yãndã n yĩm b yell ye. Rɩk bãmb n zãms y kambã ne y yagensã n wilg bãmb tɩ