Yikri 10:16 - WẼNNAAM SEBRE 2014

¹⁶ La Faarõ yika tao-tao n kɩt tɩ b bool a Moyiis ne a Aarõ n yeel-b yaa: «Mam maana yel-wẽnd n beeg Sẽn-Ka-Saab sẽn yaa yãmb Wẽnnaamã, la m beega yãmb me.

SEBR SÕNGO

¹⁶ Dĩma kɩtame tɩ b bool a Moyiiz ne a Aarõ tɩ b wa tao-tao t'a yeel-ba: «Ad-y m beega Soaala la m beega yãmb me.

Yikri 10:16 Iomraidhean Croise

2 Sãmwɛlle 19:20

«Bɩ m soaalã ra geelg mam kongrã ye. Bɩ b ra tẽeg b tʋmtʋmdã sẽn maan beegr ning daar ning yãmb sẽn yi Zeruzalɛmã ye. Da bĩng-y yel-kãngã y sũurẽ ye.

2 Sãmwɛlle 24:10

A Davɩɩd sẽn sõd nebã zugẽ, a sũurã sãamame t'a yeel Sẽn-Ka-Saab yaa: «Mam beega beeg-kãseng ne bũmb ning mam sẽn maanã. Moasã, Sẽn-Ka-Saabo, m kot-y lame tɩ y kõ mam sẽn yaa yãmb tʋmtʋmdã sugr a beegrã yĩnga. Bala, mam sẽn maanã yaa yalemd meng-menga.»

2 Sãmwɛlle 24:17

A Davɩɩd sẽn yã Malɛɛkã sẽn kʋʋd nebã, a yeelame yaa: «Sẽn-Ka-Saabo, yaa maam n beeg yãmba. La nin-bãmbã maana bõe? M kotame tɩ y sɩbgrã yɩ maam ne m yirã rãmba.»

Yikri 8:25

A Moyiis yeelame: «Ade, mam na n yi n basa yãmba, n tɩ pʋʋs Sẽn-Ka-Saabo. La beoogo, kɛooda wã na n loogame n bas yãmb ne y poorẽ dãmbã la y nebã. La baoosgo, bɩ y ra leb n belg tõnd n kɩɩs n ka bas nebã tɩ b kẽng n tɩmaan maoong Sẽn-Ka-Saab yĩng ye.»

Yikri 8:8

La a Moyiis ne a Aarõ sẽn yi Faarõ nengẽ, a Moyiis zẽka a koɛɛg n kos Sẽn-Ka-Saab loms nins bãmb sẽn tʋm tɩ b wa nams Faarõ wã wɛɛngẽ.

Yikri 9:27

Dẽ, Faarõ kɩtame tɩ b bool a Moyiis ne a Aarõ, la a yeel-b lame yaa: «So-kãngã, mam beegame. Sẽn-Ka-Saab yaa tɩrga, la yaa maam ne m nebã n konge.

Yelbũna 28:13

Sẽn solgd-a a kongr ka na n paam tõogr ye. La ned sã n vẽneg n togs a kongr n bas-a, a paamda nimbãan-zoeere.

Sõadga 21:7

La neb nins sẽn ket-bã kẽnga a Moyiis nengẽ n tɩ yeel-a yaa: «Tõnd beegame! Bala, tõnd yẽgma ne Sẽn-Ka-Saabo, la ne foom. Dẽ yĩngã, bɩ f pʋʋs n kos Sẽn-Ka-Saab tɩ b kɩt tɩ wiisã loog n bas-do.» Dẽ, a Moyiis pʋʋsa nebã yĩnga.

Sõadga 22:34

La a Balaam yeela malɛɛkã yaa: «Mam kongame! Bala, mam dag n ka mi tɩ yãmb n yas sorã zug ye. La moasã, sã n mikame tɩ so-tog-kãngã ka noom yãmba, mam na n lebg n kuilame.»

A Matiye Sõng 27:4

«Mam beegame, mam sẽn zãmb rao-kãng sẽn ka tar yellã tɩ b yõk-a wã yĩnga.» La b leoka yẽnda n yeele: «Tõnd toogo? Paka foom.»

1 Sãmwɛlle 15:24

Dẽ, a Sayull yeela a Sãmwɛll yaa: «Mam beegame, bala, mam kɩɩsa Sẽn-Ka-Saab noore, la m kɩɩs yãmb goamã. Mam zoee nebã n sak n maan b sẽn datã.

1 Sãmwɛlle 15:30

A Sayull leb n yeelame: «Mam beegame! La baoosgo, mam kot-y lame, tɩ m nebã kãsem-dãmbã ne Israyɛll buudã fãa taoore, bɩ y ra ning-m yãnd ye. Lebg-y n wa-y n yãag-y-m tɩ m tɩ waoog Sẽn-Ka-Saab sẽn yaa yãmb Wẽnnaamã.»

1 Sãmwɛlle 26:21

A Sayull yeelame: «M biig a Davɩɩde, lebg n wa tɩ mam kongame. Lebg n wa tɩ m ka na n leb n maan-f wẽng ye. Rũndã daarã, fo gesame tɩ mam vɩɩmã tara yõod wʋsgo. Ade, mam maana yalemdo, n tudg m meng tudg-kãsenga.»