Yikri 1:7 - WẼNNAAM SEBRE 2014

⁷ La Israyɛll yagensã rogame n fɩɩg n pid tẽngã, la b pãngã rag n tara paasgo.

SEBR SÕNGO

⁷ B ra roga kamb wʋsgo, n wa lebg ka tɛka; b waa n pida tẽngã, b waa n kẽe pãafo.

Yikri 1:7 Iomraidhean Croise

Sɩngrẽ 1:20

Wẽnnaam yeelame: «Bɩ bõn-vɩɩlɩ pid ko-kãsengã pʋg n saagdẽ, tɩ bõn-yɩgdɩ me zĩnd dũniyã zugu, n yɩgd yĩngri.»

Sɩngrẽ 1:28

Wẽnnaam ning-b-la bark n yeel-ba: «Rog-y kamb n fɩɩg n pid dũniyã, la y soog-a. Soog-y zĩmã sẽn be ko-kãsengẽ wã, ne bõn-yɩgdɩ wã sẽn yɩgd yĩngrã, la y soog rũmsã sẽn vuud tẽn-gãongã zugã.»

Sɩngrẽ 12:2

Mam na n kɩtame tɩ fo lebg buud wʋsg ba, la m na n ning-f-la barka. Mam na n kɩtame tɩ f yʋʋrã yi, la m kɩt tɩ fo yɩ bark sore.

Sɩngrẽ 13:16

Mam na n kɩtame tɩ fo yagensã yɩ wʋsg wa tẽng tom. Ned sã n tõog n sõd tẽngã tomã sõore, a na n tõog n sõda fo yagensã me sõore.

Sɩngrẽ 15:5

Sẽn-Ka-Saab peega a Abram n yi yɩng n yeel-a yaa: «Ade, ges sa-gãongã, la f sõd ãdsã n ges fo tõe n bãnga b sõore.» La b paasame n yeele: «Fo yagensã sõor na n yɩ a woto.»

Sɩngrẽ 17:16

Mam na n ninga a Saara barka, n kɩt t'a rog fo bi-ribla. Mam na n ning-a-la bark n kɩt tɩ buud wʋsg yi yẽnda pʋgẽ. Rĩm-dãmb ne buud wʋsg na n yii yẽnda pʋgẽ.»

Sɩngrẽ 22:17

mam na n ninga foom bark hal wʋsgo, la m na n kɩtame tɩ fo yagensã fɩɩge, n lebg wa ãdsã sẽn be yĩngrã, la wa bĩisrã sẽn be ko-kãsengã noorã. Fo yagensã na n deega b bɛɛbã tẽms n sooge.

Sɩngrẽ 26:22

A Izak viiga a yirã n yik n yi beenẽ n kẽng zĩig a to. La bãmb leb n tɩ tuu bulg beenẽ, la ned ka maan zabr ne bãmb bul-kãng poorẽ yɛs ye. La a pʋda bul-kãng yʋʋr tɩ Rehobote, sẽn dat n togs tɩ ‹yalenga.› Bala, yẽnda yeelame: «Sẽn-Ka-Saab kõo tõnd zĩ-yalenga, n na n kɩt tɩ tõnd paoongã fɩɩg tẽngã pʋga.»

Sɩngrẽ 26:4

Mam na n kɩtame tɩ fo yagensã fɩɩge n lebg wʋsg wa yĩngr ãdse. Mam na n kõo fo yagensã tẽn-bãmbã fãa. La dũniyã nebã fãa na n paama bark fo yagensã zug maasem yĩnga.

Sɩngrẽ 28:14

Fo yagensã sõor na n yɩɩ wʋsg wa tẽng tom. Fo yagensã na n saag n pida poorẽ la taoore, ne goabg la rɩtgo. Dũniyã nebã fãa na n paama bark foom ne f yagensã zug maasem yĩnga.

Sɩngrẽ 35:11

Wẽnnaam yeela a Zakoob yaa: «Mam yaa Pãng-Soab a Wẽnnaam. Bɩ f paam dogem n fɩɩg n lebg wʋsgo, fo na n yɩɩ bu-kãsenga, la buud wʋsg na n yii fo pʋgẽ. La rĩm-dãmb na n yii fo pʋgẽ.

Sɩngrẽ 46:3

La Wẽnnaam yeel-a lame: «Mam yaa Wẽnnaam sẽn yaa fo ba wã Wẽnnaam. Ra zoe rabeem tɩ kẽng Ezɩpt ye. Bala, yaa beenẽ la mam na n kɩt tɩ fo lebg bu-kãseng ba.

Sɩngrẽ 47:27

A Israyɛll zĩnda Ezɩpt soolmã, Gosɛn tẽngã pʋga. La bãmb soog-a lame. La bãmb paama rogem, n fɩɩg n lebg wʋsgo.

Sɩngrẽ 48:16

malɛɛk ning sẽn fãag-a maam wẽng buud fãa pʋgẽ wã, ning kom-bãmbã zut barka. La bɩ b boond kom-bãmbã ne mam yʋʋre, la ne m yaab a Abrahaam la m ba a Izak yʋʋre. Bɩ b fɩɩg n lebg wʋsg tẽng ning pʋg b sẽn be wã.»

Sɩngrẽ 48:4

Bãmb yeela maam yaa: Ad maam! Mam na n kõ-f-la rogem, la m na n kɩtame tɩ f fɩɩg n lebg wʋsgo, la m kɩt tɩ f lebg buud wʋsg ba. Fo loogr poore, mam na n kɩtame tɩ fo yagensã soog tẽn-kãngã wakat sẽn kõn sa.

Sɩngrẽ 9:1

Wẽnnaam ninga a Nowe ne a kom-dibli wã bark n yeel-b yaa: «Bɩ y rog n fɩɩg n pid dũniyã.

A Neemi 9:23

Yãmb kɩtame tɩ b kambã fɩɩge, n lebg wʋsg wa ãdsã sẽn be yĩngrã, la yãmb kɩtame tɩ b kẽ tẽng ning yãmb sẽn dag n wẽen n yeel tɩ b yaab-rãmbã na n tɩ reeg n soogame wã pʋgẽ.

Yɩɩn‑sõamyã 105:24

Sẽn-Ka-Saab kɩtame tɩ Israyɛll buudã fɩɩge, n kɩt tɩ b paam pãng n yɩɩd b bɛɛbã.

Yɩɩn‑sõamyã 107:38

Sẽn-Ka-Saab na n ning-b-la barka, n kɩt tɩ b sõorã lebg wʋsgo, la b ka na n sak tɩ b rũmsã sõor boog ye.

Yikri 1:12

La baa ne b sẽn dag n namsd Israyɛll nebã, Israyɛll nebã rag n tara fɩɩgre, tɩ b sõorã tar paasgo. Bõn-kãng kɩtame tɩ b rag n kis Israyɛll nebã.

Yikri 12:37

Israyɛll nebã yii Ramsɛs n dabd Sukote. Raop nins sẽn dag n kẽnd-b ne naoã sõor dag n kolga neb tus kobs-yoobe, kambã sõor sẽn ka naage.

Yikri 5:5

Faarõ yeelame: «Tẽngã nin-kãensã sẽn lebg wʋsg moasã wã la yãmb dat n kɩt tɩ bãmb bas b tʋʋm-wɛglã?»

Ezekiyɛl 16:7

Mam kɩtame tɩ f sõorã yɩlem naoor tus piiga, wa moodã sẽn be weoogẽ wã. Fo yẽegame, fo bɩtame n lebgd neer zãnga. Fo bĩisã pusame, tɩ f zoobdã yi n lebg wogdo, la fo yaool n dag n yaa f zaala.

Tʋʋma 13:17

Wẽnnaam ning sẽn yaa Israyɛll nin-kãensã Wẽnnaam tũusa tõnd yaab-rãmbã n kɩt tɩ bu-kãng bɩ a sẽn wa n be sãand weoog Ezɩpt tẽngã wakate. La Wẽnnaam yiisa bãmb be ne pãn-kãsenga.

Yaoolem 10:22

Yãmb yaab-rãmbã sẽn wa n na n kẽng Ezɩptã tɩ b sõorã rag n yaa pis-yopoe. La moasã, Sẽn-Ka-Saab sẽn yaa yãmb Wẽnnaamã kɩtame tɩ y lebg wʋsg wa yĩngr ãdse.

Yaoolem 26:5

Bɩ f yeel Sẽn-Ka-Saab sẽn yaa yãmb Wẽnnaamã taoor yaa: «Mam yaabã rag n yaa Siiri neda, n saad tẽng-tẽnga. La bãmb ne b nebã sẽn ka waoogã wa n siga Ezɩpt tẽnga, n pa sãand weoog beenẽ. Dẽ, bãmb paa beenẽ n lebg bu-kãseng sẽn tar pãnga, n yaa wʋsgo.