Yikri 1:11 - WẼNNAAM SEBRE 2014

¹¹ Dẽ, b yãka yembd tʋʋm taoor dãmba, sẽn na n yɩlẽ tɩ b modg Israyɛll nebã n kɩt tɩ b tʋm tʋʋm-wɛgla. Yɩɩ woto tɩ b me teed bĩngr tẽmse, Faarõ yĩnga: Yaa Pitom ne Ramsɛɛse.

SEBR SÕNGO

¹¹ Woto wã b yãka neb sẽn na n ges Israyɛl kamba tʋʋma, neb sẽn na n mao tɩ b yãend far ne tʋʋm-toodo. Ezipt dĩma kɩtame tɩ b me tẽn-bɛd a yi: Pitom la Ramsɛs. Be la b ra bĩngd b te-koosem buud fãa.

Yikri 1:11 Iomraidhean Croise

Sɩngrẽ 15:13

Sẽn-Ka-Saab yeela a Abram yaa: «Bãng tɩ fo yagensã na n yɩɩ sãamb n zĩnd tẽng sẽn ka bãmb tẽng pʋga. Bãmb na n lebga yembse, la b na n namsa bãmb yʋʋm kobs-naase.

Sɩngrẽ 47:11

Dẽ, a Zozɛf maana wa Faarõ sẽn yeelã. Yẽnda yãka zĩig Ezɩpt tẽngã pʋgẽ n zĩnig a ba wã, ne a ba-biisã. Yaa zĩig sẽn yaa sõama n yɩɩda, n be Ramsɛs tẽngã pʋgẽ.

1 Rĩm-dãmbã 9:19

La b mee tẽms nins fãa rĩm a Salmo sẽn dag n bĩngd a laogã, ne a saar-dãmbã, la a wiidã. Rĩm a Salmo mee bũmb nins fãa yẽnda sẽn datã Zeruzalɛm ne Libã, la a soolmã fãa pʋgẽ.

2 Kibayã 16:4

A Bɛn-Hadaad kelga rĩm a Aaza, dẽ, yẽnda tʋma a tãb-biisã nanambs tɩ b tɩ zab ne Israyɛll tẽmsã. La bãmb tõoga Iyon, Dan, Abɛll-Mayim tẽmsã, la Neftali tẽmsã, a sẽn dag n bĩngd a bɩle zĩis ninsã.

2 Kibayã 8:4

La yẽnda maneg n mee Tadmoor sẽn be we-raoogẽ wã, ne kood bĩngr zĩis tẽmsã, n paas ne tẽms nins fãa yẽnda sẽn dag n zoe n me Hamat soolmã pʋgẽ n na n bĩngd a koodã.

Yɩɩn‑sõamyã 105:13

Bãmb dag n yita buud a to sʋka, n kẽng buud a to sʋka, la b yit soolem a to n kẽng neb a taab nengẽ.

Yɩɩn‑sõamyã 129:1

Zeruzalɛm kẽnd yɩɩlle. Hal mam bi-bɩɩlem wakate, b zabda ne maam. Bɩ Israyɛll nebã yeele:

Yɩɩn‑sõamyã 129:2

«Hal mam bi-bɩɩlem wakate, b zaba ne maam, la b ka tõog n maan maam bũmb ye.

Yɩɩn‑sõamyã 68:13

Dẽ, tãb-biisã ne b rĩm-dãmbã tara zoeese. Bãmb zoetame tɩ pʋg-neerã sẽn pa yirã pʋɩt te-zɛɛdem.

Yɩɩn‑sõamyã 81:6

Yaa kaset b sẽn kõ a Zozɛf buudã, wakat ning b sẽn yi n zab ne Ezɩpt tẽngã. Mam wʋma bu-zẽng goam sẽn yeele:

Yikri 1:14

Bãmb kɩtame tɩ Israyɛll nebã maan yembd tʋʋm sẽn yaa toogo, n kɩt tɩ b vɩɩmã lebg toogo: Yaa tãnd buiibu, tãn-koɛɛm wẽebo, la pʋt pʋsẽ tʋʋm buud fãa. Woto n dag n yaa yembd tʋʋm nins fãa b sẽn dag n modgd bãmb tɩ b tʋmdẽ wã.

Yikri 2:11

Wakat-kãnga, a Moyiis sẽn wa n lebg bi-kãsenga, a yiime n kẽng n na n tɩ ges a saam-biisã, la a yãnda tʋʋm-wɛglã b sẽn tʋmdã. Yẽnda yãnda Ezɩpt ned a yembr sẽn pãbd Ebre ned sẽn yaa yẽnda saam-biiga.

Yikri 3:7

Sẽn-Ka-Saab yeelame yaa: «Sɩdã, mam yãnda m nebã sẽn be Ezɩptã namsgã. Mam wʋma bãmb kelemsã, tʋʋm-soaadbã sẽn namsd bãmb tɩ b kelemdẽ wã. N-yẽe! Mam mii toog ning sẽn tar bãmbã.

Yikri 5:10

Dẽ, tʋʋm-soaadbã ne nebã seb-gʋndbã yik n yiime n gom ne nebã n yeele: «Faarõ yeelame t'a ka na n leb n kõ yãmb mood ye.

Yikri 5:15

Israyɛll nebã seb-gʋndbã kẽnga Faarõ nengẽ n tɩ yẽgem ne-a n yeele: «Yaa bõe tɩ yãmb maand tõnd sẽn yaa yãmb tʋmtʋmdbã a woto?

Yikri 5:8

La baoosgo, kɩt-y tɩ b wẽ tãn-koɛɛm tɩ b sõor ta wa b sẽn dag n wẽed raasenkamã, la y ra tol n boog b sõorã ye. Bala, nebã lebga kʋɩɩmba. Yaa rẽ n kɩt tɩ bãmb kelemdẽ n yetẽ tɩ b bas bãmb tɩ b kẽng n tɩ maan maoong n kõ bãmb Wẽnnaamã.

Yelbũna 27:4

Sũ-puugr yaa wẽnga, la sũ-yikr ka sõama ye. La ãnda soab n tõe n yals sũ-ki-ned taoore?

Sõadga 20:15

Hal pĩnda, tõnd yaab-rãmbã rag n kẽng n tɩ kẽe Ezɩpte, n zĩnd be n kaoos wʋsgo, la Ezɩpt nebã namsa tõnd ne d yaab-rãmbã.

Yaoolem 26:6

Ezɩpt nebã namsa tõnd n maan tõnd pãnga, n kẽes-d yembd sẽn yaa toog pʋgẽ.