Yelbũna 8:17 - WẼNNAAM SEBRE 2014

¹⁷ Mam nonga sẽn nong-b maamã. La sẽn baood-b maamã na n yãnda maam.

SEBR SÕNGO

¹⁷ Mam nonga sẽn nong-b maam, sẽn baood-a maam ne raab sɩda yãet-m lame.

Yelbũna 8:17 Iomraidhean Croise

2 Kibayã 34:3

Rĩm a Zoziyaas sẽn deeg a naamã tɩ yʋʋm niinẽ, n dag n ket n yaa biigã, yẽnda sɩngame n baood a ba a Davɩɩd Wẽnnaamã. La a sẽn deeg a naamã tɩ yʋʋm piig la a yiiblẽ, yẽnda sɩngame tɩ yɩlg Zʋʋda ne Zeruzalɛm soolmã n yiis maoong kʋʋb zĩisã, la a Aseera ra-lugdsã, ne bõn-naandgã b sẽn yõgã.

Yɩɩn‑sõamyã 91:14

Bala, Sẽn-Ka-Saab yeelame: «Yẽnda sẽn nong maamã yĩnga, mam na n fãaga yẽnda, yẽnda sẽn mi mam yʋʋrã yĩnga, mam na n kogla yẽnda.

Yelbũna 1:28

wakat-kãnga, y na n boola maam, la m ka na n leok-y ye. Y na n bao maam la y ka na n yãnd-m ye.

Yelbũna 2:4

fo sã n bao-a wa f sẽn baood wanzuri to-to wã, la f sã n maag f yĩng n bao-a wa f sẽn baood arzegsã,

Yelbũna 2:5

woto, f na wʋm Sẽn-Ka-Saab zoees võore, la f bãng Wẽnnaam.

Yelbũna 4:6

Bɩ f ra bas yam t'a na n gũ-f lame. Nong-a t'a na n kogl-f lame.

Yelbũna 8:16

Yaa mam maasem yĩng la nanambsã so b soolmã, tɩ kãsem-dãmbã ne bʋ-kaoodbã kaood bʋʋdã tɩrga.

Kowelɛt 12:1

Tẽeg f naandã yell f bi-bɩɩlem wakate, tɩ f toogã wakat nan ka ta, tɩ yʋʋm nins fo sẽn na n wa yeel tɩ f ka tar sũ-noogã wakat nan ka kolge,

A Salmo yɩɩla 3:4

Mam sẽn loog gũudbã bal yee, la m sẽn yãnd m sẽn nong-a soabã. Mam gãda yẽnda, la m kõn tol n bas-a, hal tɩ m wa tall-a n tɩ kẽ m ma roogẽ, n kẽ sẽn dog-a maamã ro-gãagẽ.

A Ezayi 45:19

Mam ka soos n gom ye, ka dũniyã zĩ-lik pʋgẽ la mam gomẽ ye. Mam ka yeel a Zakoob yagensã tɩ b bao maam zĩ-vɩʋʋgẽ ye! Maam a Sẽn-Ka-Saab togsda tɩrlem, mam togsda sẽn yaa tɩrga!

A Ezayi 55:6

Bao-y Sẽn-Ka-Saab wakat ning yãmb sẽn ket n tõe n yãnd-ba. Bool-y bãmb wakat ning bãmb sẽn ket n pẽ ne yãmba.

A Matiye Sõng 6:33

Deng‑y n bao-y Wẽnnaam soolmã ne bãmb tɩrlmã, la b na n kõo yãmb bõn-kãens fãa n paase.

A Mark Sõng 10:14

A Zeezi sẽn yã bõn-kãnga, a ka yɩ b sũurã noog baa bilf ye. La bãmb yeela b karen-biisã yaa: «Bas-y kom-bãoonegã tɩ b wa mam nengẽ la y ra gɩdg-b ye, tɩ Wẽnnaam soolmã yaa neb nins sẽn wẽnd-b bãmbã yĩnga.

A Zã Sõng 14:21

Ned ning sẽn talld-a mam tõodã n sakd-ba, yaa yẽnda soab n nong maam. Ned ning sẽn nong-a maam, m ba na n nong‑a la mam me na n nong-a lame, la m na n puka m meng ne-a.

A Zã Sõng 14:23

A Zeezi leoka yẽnda yaa: «Ned sã n nong maam, a na n saka mam gomde, la m ba na n nonga a soaba. Tõnd na n waa yẽnda nengẽ, n zĩnd yẽnda pʋgẽ.

A Zã Sõng 16:27

Bala, m ba wã meng nonga yãmba, bala, yãmb nonga maam, la y tẽeme tɩ mam yii Wẽnnaam nengẽ.

A Zã Sõng 5:4

Bala, malɛɛk n sigd bãkã pʋgẽ wakat wakat n dãmbd koomã. La koomã sã n dãmb n sa, ned ning sẽn yɩ-a pipi n lʋɩ koomẽ wã paamda maagre, baa bãagã sẽn yaa bũmb ninga.]

A Zã Sõng 7:37

Tigrã yaoolem daare, daar ning sẽn yaa-a kãseng n yɩɩdã, a Zeezi yalsa yĩngr n zẽk b koɛɛg n yeele: Bɩ Ko-yũud sẽn tar ned ning wa mam nengẽ n yũ.

Zake 1:5

Yam sã n paoog yãmb ned a yembre, bɩ a kos Wẽnnaam sẽn kõt nebã fãa ne yamleoog n ka lengdẽ wã, la b na kõ-a yamã.

1 Zã 4:19

Ne tõndo, tõnd tara nonglem, Wẽnnaam sẽn deng n nong tõndã yĩnga.

1 Sãmwɛlle 2:30

Beneere, maam a Sẽn-Ka-Saab sẽn yaa Israyɛll Wẽnnaamã yetame yaa: «Mam dag n yeelame tɩ yãmb doogã ne y yaab-rãmbã roog na n maana mam tʋʋmdã wakat fãa yĩnga. La moasã, maam a Sẽn-Ka-Saab yetame tɩ kãab-kãngã kõn tol n leb n paam pidsg yɛs ye. Bala, mam waoogda neb nins sẽn waoogd maamã, la neb nins sẽn paoogd maamã na n paama paoogre.»