Yelbũna 8:15 - WẼNNAAM SEBRE 2014

¹⁵ Yaa maam la nanambsã tar n dɩt b naam, la yaa maam la bʋ-kaoodbã tar n vigind tõod sẽn yaa tɩrse.

SEBR SÕNGO

¹⁵ Maam n kõt dĩm dãmb b naam. B pãnga yita mam nengẽ, b tõoga yaa mam tõogo.

Yelbũna 8:15 Iomraidhean Croise

1 Rĩm-dãmbã 10:9

Bɩ Sẽn-Ka-Saab sẽn yaa yãmb Wẽnnaamã paam pẽgre, bala, taa bãmb yam tɩ b yãk yãmb n kɩt tɩ y yɩ Israyɛll rĩmã! Yaa Sẽn-Ka-Saab sẽn nong Israyɛll nebã wakat fãa yĩngã n kɩt tɩ bãmb yãk yãmb tɩ y yɩ rĩmã, n kaood bʋʋdã ne sɩda, la ne tɩrlem.»

1 Rĩm-dãmbã 3:28

Israyɛll nebã fãa sẽn wʋm dĩm a Salmo sẽn kao bʋʋdã to-to wã, bãmb zoee rĩmã. Bala, b yãame tɩ rĩmã tara Wẽnnaam yam n maand a tʋʋmã ne tɩrlem.

1 Rĩm-dãmbã 3:9

Bɩ y kõ y tʋmtʋmdã yam, t'a tõog n zã y nebã, la a bãng sõama ne wẽng n bake. Sã n ka rẽ, ãndã n tõe n zã yãmb nebã sẽn yaa wʋsg a woto wã?»

1 Rĩm-dãmbã 5:7

Soolmã kombɛɛmb piig la a yiibã ned kam fãa n dag n dɩlgd rĩm a Salmo ne neb nins sẽn dɩt na-yirã kiuug fãa, la b ka basd tɩ bũmb paoog ye.

1 Kibayã 28:5

Sẽn-Ka-Saab kõo maam kom-dibli wʋsgo, la bãmb fãa sʋka, yaa mam biig a Salmo la b yãk t'a na n zĩnd Sẽn-Ka-Saab soolmã zaoorẽ, n yɩ Israyɛll rĩmã.

2 Kibayã 1:10

Dẽ wã yĩnga, bɩ y kõ maam yam, la bãngre, tɩ m tõog n lʋɩ y zãmã taoor n zã-ba! Bala, ãnda soab n tõe n zã y zãmã sẽn yaa wʋsg woto fãa wã?»

2 Kibayã 1:11

Dẽ, Wẽnnaam yeela a Salmo yaa: «Fo ratmã sẽn yaa woto, tɩ fo ka kos arzegs bɩ paoongo, wa waoogr bɩ f bɛɛbã kũumã, la f ka kos maam baa ne yõ-wokã, la f kot maam yam, la bãngr n na n tõog n zã mam nebã m sẽn kɩt tɩ f rɩt naam b zugã yĩnga,

Yɩɩn‑sõamyã 2:10

Moasã, bɩ yãmb a rĩm-dãmbã paam yam! Dũni bʋ-kaoodba, bas-y tɩ b rems-yã!

Yɩɩn‑sõamyã 99:4

Bɩ nebã waoog rĩmã sẽn nong tɩrlmã pãngã! Yãmb n vigl tɩrlem. Yãmb n kɩt tɩ zemsg ne tɩrlem zĩnd a Zakoob yagensã sʋka.

Yelbũna 29:4

Rĩm sã n maand sẽn yaa tɩrga, a paasda tẽngã paoongo, la a sã n nong n deegd kũun wʋsgo, a sãamda tẽnga.

Yelbũna 8:16

Yaa mam maasem yĩng la nanambsã so b soolmã, tɩ kãsem-dãmbã ne bʋ-kaoodbã kaood bʋʋdã tɩrga.

A Ezayi 1:26

Mam na n leb n kõo foom bʋ-kaoodb wa pĩndã, la m kɩt tɩ sagendb zĩnd wa sɩngrẽ wã. Rẽ poore, b na n boola foom tɩ: tɩrlem tẽnga, la sɩd tẽnga.»

Zeremi 33:15

Wakat-kãng sã n ta, mam na n kɩtame tɩ nin-sõng yi a Davɩɩd yagensã sʋka. Yẽnda na n kɩtame tɩ tɩrlem ne bʋ-kao-tɩrg zĩnd tẽngã pʋgẽ.

A Dãniyɛlle 2:21

Yam ne pãng yaa bãmb n so. Bãmb n tekd wakate, la yɛla, Bãmb n kõt rĩm-dãmb naam, Bãmb n sikd rĩm-dãmb b naamẽ, Bãmb n kõt yam-dãmbã yam, la b kõt bãngdbã me bãngre.

A Dãniyɛlle 4:25

Bũmb nins fãa a Dãniyɛll sẽn togs rĩm a Nebukatnedzaar wɛɛngẽ wã paama pidsgu.

A Dãniyɛlle 4:32

Dũniyã nebã fãa yaa wa zaalem bãmb taoore. Bãmb maanda b sẽn dat ne malɛgsã sẽn be saasẽ wã, la ne ninsaalbã sẽn be dũniyã zugã. Ned ka be n tar pãng n tõe n kɩɩs bãmb b naamẽ wã ye. La ned me ka be n tõe n sok tɩ yaa bõe la b maand ye.

A Matiye Sõng 28:18

A Zeezi kolgame n gom ne bãmb a woto: «Wẽnnaam kõo maam pãng fãa sẽn be yĩngri, la sẽn be tẽng zugu.

Rom Dãmba 13:1

Bɩ ned fãa sak pãn-soaadb sẽn yɩɩd-a. Bala, noor ka be sẽn ka yit Wẽnnaam nengẽ ye, la yaa Wẽnnaam n zĩnig pãn-soaadb nins sẽn be wã.

Vẽnegre 19:11

Dẽ poore, mam yãnda arzãn sẽn pake, la mam yãnda wed-moaag sẽn yaa pɛɛlga. Ned ning sẽn zao-a weefã yʋʋr la a Sɩd-maanda, la a Sɩd-sɩda. Bãmb bʋʋda bʋʋdã ne tɩrlem, la b zabd ne tɩrlem.

Vẽnegre 19:16

Bãmb tara yʋʋr sẽn gʋls b fuugã zug la b geerã zugu: rĩm-dãmb Rĩma, la zu-soben-dãmb Zu-soaba.

1 Sãmwɛlle 16:1

Sẽn-Ka-Saab yeela a Sãmwɛll yaa: «Fo na n yãba a Sayull yĩng hal tɩ ta dabʋre? Mam zãgsame t'a ka na n leb n yɩ Israyɛll rĩm ye. Pids f yɩɩllã kaam n yik n sɩng kẽnde, tɩ mam tʋmda foom a Izayi zakẽ wã Betlehɛm. Bala, mam yãnda biig a yembr yẽnda kom-dibli wã sʋk mam sẽn yãk t'a na n yɩ rĩmã.»

1 Sãmwɛlle 9:17

A Sãmwɛll sẽn yã a Sayullã wakate, Sẽn-Ka-Saab yeela a Sãmwɛll yaa: «Ad rao ning yell mam sẽn dag n gom ne foomã. Yaa yẽnda n na n soog mam nebã.»