Yelbũna 7:2 - WẼNNAAM SEBRE 2014

² Bɩ f tall m noyã neer n paam vɩɩmde, la f gũus ne m zãmsgã neer wa f nin-beellã.

SEBR SÕNGO

² Deeg m salgsã tɩ f na vɩɩnde, nong m saglsã wala bũmb sẽn be yõod wʋsgo.

Yelbũna 7:2 Iomraidhean Croise

Yɩɩn‑sõamyã 119:144

Yãmb tʋlsmã yaa tɩrs wakat sẽn kõn sa, yok-y mam yamã tɩ m wʋm b võor n tõog n vɩɩmde!

Yɩɩn‑sõamyã 17:8

Kogl-y maam wa ned sẽn kogend a nin-beelle. Solg-y maam y pɩgsã tẽngre.

Yelbũna 4:13

Sak m demsgã neere, n da bas-a ye. Tall-a t'a na n kõ-f-la vɩɩm.

Yelbũna 4:21

Ra tol n yĩm m saglsã ye, tall bãmb f sũurã pʋgẽ kãenkãe.

Yelbũna 4:4

La m ba rag n sagenda maam n yetẽ: «Bĩng m noyã neer f sũurẽ. Tall m tõodã n paam n vɩɩmde.

A Ezayi 55:3

Yok-y y tʋbr n kelg la y wa mam nengẽ. Kelg-y-yã, la y na vɩɩmde. Mam na n maana kaool sẽn ka sɛt ne yãmba, yaa nonglem ning mam sẽn tar a Davɩɩd yĩng wakat fãa wã yĩnga.

Zeremi 38:20

La a Zeremi leokame: «B ka na n bas yãmb bãmb nugẽ ye. M kot-y lame tɩ y kelg Sẽn-Ka-Saab sẽn yeel maam tɩ m togs-y koɛɛg ningã. Woto, bũmb kõn maan yãmba, la y na n vɩɩmdame.

Maan‑kʋʋre 18:5

Bɩ y tall mam no-tũudsã ne m noyã. Ned ning sẽn na n sak-a bãmba, b na n kɩtame t'a vɩɩmde. Mam yaa Sẽn-Ka-Saabo.

Zakari 2:8

n yeel-a yaa: «Wudg n tɩ yeel bi-bɩ-kãngã yaa: ‹Zeruzalɛm na n yɩɩ tẽng sẽn ka tar lalga, ninsaalbã ne rũmsã sẽn na n lebg wʋsg a pʋgẽ wã yĩnga.› »

A Zã Sõng 14:21

Ned ning sẽn talld-a mam tõodã n sakd-ba, yaa yẽnda soab n nong maam. Ned ning sẽn nong-a maam, m ba na n nong‑a la mam me na n nong-a lame, la m na n puka m meng ne-a.

A Zã Sõng 15:14

Yãmb sã n maan bũmb nins mam sẽn yet yãmbã, yãmb yaa mam zo-rãmba.

Yaoolem 32:10

Sẽn-Ka-Saab tɩ yãnda bãmb we-raoog pʋgẽ, yaa we-raoog sẽn yaa koɛɛng n pid ne we-rũms yãbre. Sẽn-Ka-Saab gũbga bãmba. Bãmb gesa b yelle. Bãmb gũu bãmb wa b nin-beelle.

Vẽnegre 22:14

Bark bee neb nins sẽn pegsd‑b futu, sẽn na n yɩl la b paam noor tɩ rɩ vɩɩm tɩɩgã biisi, la b tũ tẽngã noy n kẽ tẽngã pʋgẽ wã zutu.