Yelbũna 5:21 - WẼNNAAM SEBRE 2014

²¹ Bala, Sẽn-Ka-Saab nee ninsaal yel-manesem, la bãmb geta a sẽn dabd zĩig ning fãa.

SEBR SÕNGO

²¹ Wẽnd geta ninsaala, Wẽnd geta a sẽn tũud soy niynsi.

Yelbũna 5:21 Iomraidhean Croise

2 Kibayã 16:9

Bala, Sẽn-Ka-Saab geta dũniyã fãa gilli, n na n sõng neb nins sẽn nong bãmb ne b sũyã fãa wã. Yel-kãngã pʋgẽ, fo maana yalemdo, yaa rẽ n kɩt tɩ sẽn sɩng ne moasã, fo na n paama zaba.»

A. Zoobe 14:16

La moasã, yãmb sõta mam nao-yakmã fãa, n gũusd n get m yel-wẽnã.

A. Zoobe 24:23

Wẽnnaam kõta bãmb vɩ-bãane, la bãmb dag n teega bõn-kãnga, la Wẽnnaam ket n geta bãmb tʋʋmã.

A. Zoobe 31:4

Wẽnnaam dag n ka ne mam yel-manesmã sɩda? Bãmb ka mi mam nao-yakmã fãa sõor sɩda?

A. Zoobe 34:21

Bala, Wẽnnaam geta nebã fãa manesem. Bãmb geta bũmb nins fãa nebã sẽn maandã.

Yɩɩn‑sõamyã 11:4

Sẽn-Ka-Saab bee bãmb ro-sõngã pʋga, Sẽn-Ka-Saab geer bee saasẽ, bãmb bee be tɩ b ninã getẽ, bãmb getame n feesd ninsaalbã.

Yɩɩn‑sõamyã 119:168

Mam tũuda yãmb no-tũudsã ne y tʋlsmã, bala, mam yel-manesmã fãa bee yãmb taoore.

Yɩɩn‑sõamyã 17:3

Yãmb feesa mam sũurã, la yʋngo, yãmb gũusa maam. Yãmb maka maam n gese, la y ka yãnd bũmb sẽn yaa wẽng ye. Mam yõka m meng n ka bas tɩ m sẽn tagsã yi m noorẽ ye.

Yelbũna 15:3

Sẽn-Ka-Saab nee zĩigã fãa, la bãmb geta nin-wẽnsã ne nin-sõamyã.

Yelbũna 4:26

Maneg sor ning fo sẽn tũudã, tɩ f soayã fãa tõe n yɩ sõama.

Yelbũna 5:6

Yẽnda ka manegd vɩɩmã sor ye, yẽnda bee tudgr pʋgẽ n ka miẽ ye.

Zeremi 16:17

Bala mam nin geta bãmb yel-manesmã fãa, la b kongrã ka solg ne maam ye.

Zeremi 17:10

Maam a Sẽn-Ka-Saab n feesd ninsaal sũuri, n mi a sẽn tagsd bũmb ninga, n keood ned kam fãa wa sẽn zems a yel-manesmã, la a tʋʋmã biisi.

Zeremi 23:24

Sẽn-Ka-Saab yetame: «Rẽ yĩnga, ned tõe n soondame tɩ m ka yãnd-a sɩda?» Sẽn-Ka-Saab yetame: «Mam ka be yĩngr la tẽng sɩda?

Zeremi 29:23

Bala, bãmb maana yalem-tʋʋm Israyɛlle, n maan yoob ne b taab pagba, n yag zĩrẽ ne mam yʋʋre, tɩ mam yaool n dag n ka kõ-b noor ye. Mam mii bõn-kãnga, la m yaa kaset soaba. Maam a Sẽn-Ka-Saab n yeele.»

Zeremi 32:19

Yãmb saagrã yaa kãsemse, la y tʋʋm-kãsemsã tara ra-sãnde. Yãmb puka y nin n get ninsaalbã fãa, la y ronda ned kam fãa wa sẽn zems a yel-manesem, la wa sẽn zems a tʋʋmã biisi.

A Ooze 7:2

Bãmb ka tol n tagsd tɩ mam ket n tẽra tʋʋm-wẽns nins fãa b sẽn maandã ye. Moasã, bãmb tʋʋmã gũbg-b lame n be mam taoore.

Ebre rãmba 4:13

Bõn-naandg baa a yembr ka be Wẽnnaam sẽn ka ne ye. Bũmb fãa yaa vẽenes la bɛɛl ne soab ning tõnd sẽn na n yals a taoor n togs d yɛlã.

Vẽnegre 2:18

Gʋls Tɩyatɩɩr wẽnd doogã gũud n yeel-a yaa: Ad Wẽnnaam Bi-riblã, sẽn tar-a nin sẽn wẽnd bug-witim t'a nao wẽnd wa zũudã sẽn yeta:

Vẽnegre 2:23

Mam na n kɩtame tɩ kũum kʋ a kambã, la wẽnd-dotã fãa na n bãngame tɩ mam yaa soab ning sẽn feesd tagsd la sũyã, la mam na n yaoo yãmb ned kam fãa wa sẽn zems a tʋʋmã.