Yelbũna 30:9 - WẼNNAAM SEBRE 2014

⁹ tɩ m dɩ-n-tɩkã pʋgẽ, bɩ m da wa yeel tɩ m ka mi yãmb a Sẽn-Ka-Saabo, wall tɩ m naongã ra wa kɩt tɩ m zu, n paoog yãmb a Wẽnnaamã yʋʋrã ye.

SEBR SÕNGO

⁹ m sã n dɩ tɩ looge m wat n yik n basa yãmba la m gomd woto: «Soaala la ãnda?» Ka rẽ bɩ m naonga kẽes-m wagdem tɩ m sãam m Wẽnda yʋʋre.

Yelbũna 30:9 Iomraidhean Croise

Yɩɩn‑sõamyã 125:3

Na-toaag kõn tol n dɩ naam nin-tɩrsã tẽng pʋgẽ, tɩ nin-tɩrsã wa ning b nug wẽngã maaneg pʋg ye.

Yikri 20:7

Ra pʋd Sẽn-Ka-Saab sẽn yaa fo Wẽnnaamã yʋʋr zaalem ye. Bala, ned sã n pʋd Sẽn-Ka-Saab yʋʋrã zaalem, b ka na n bas-a soab taal ye.

Yikri 5:2

La Faarõ leokame: «Sẽn-Ka-Saab yaa ãnda tɩ mam na n kelg bãmb koɛɛg n bas Israyɛll nebã tɩ b looge? Mam ka mi Sẽn-Ka-Saabo, la m ka na n bas Israyɛll nebã tɩ b loog ye!»

Yelbũna 29:24

Sẽn sõngd-a wagdr kis-a a menga, bala, yẽnda wʋmda kãab-wẽngã la a sĩnda.

A Ezayi 59:13

Tõnd kɩɩsame la d zãmb Sẽn-Ka-Saabo, tõnd leba poorẽ n zãag ne d Wẽnnaamã. Tõnd gomda nen-kegl-goam ne kãnegr goamã, tõnd gomda zĩrẽ-be-goamã, la d tagsd zĩrẽ d sũyã pʋse,

Zeremi 2:31

Yãmb a zamaan-kãngã nebã, kelg-y Sẽn-Ka-Saab goamã! Mam dag n yaa wa we-raoog ne Israyɛll bɩ? Bɩ tẽng sẽn yaa lik ne bãmba? Mam nebã, bõe yĩng tɩ yãmb yetẽ tɩ y rat n maana y yam, la y ka rat n lebg n wa mam nengẽ?

Zeremi 5:12

Bãmb kɩɩsame tɩ b ka mi Sẽn-Ka-Saab ye. Bãmb yeelame: «Sẽn-Ka-Saab ka tõe n maan fɩ ye. Toog ka na n paam tõnd ye. Tõnd ka na n yãnd zabr bɩ kom ye!

Ezekiyɛl 23:35

Woto yĩnga, Zu-soab a Sẽn-Ka-Saab yetame: «Fo sẽn yĩm mam yellã, fo sẽn zãgs maam n tud maam f kudgã yĩnga, bɩ yãn-tʋʋmã ne f koos-m-mengã tʋʋm me leb-fo.»

A Dãniyɛlle 4:17

Tɩɩgã yãmb sẽn yã tɩ lebgd bedrã, hal t'a pãngã paasdẽ, t'a zugã tẽkd sa-gãongã, tɩ sẽn be-b dũniyã kɩremsã fãa ne-a wã,

A Dãniyɛlle 4:30

La zĩig pʋgẽ bala, gomdã paama pidsg rĩm a Nebukatnedzaar zugu. B rig a Nebukatnedzaar n yiis ninsaalbã sʋka, t'a tɩ wãbd yamd wa niigã. La meenem dʋʋga a Nebukatnedzaare. La a zoobdã yiime hal n lebg wa sɩlg kõbdo, t'a nug-yẽesã ne a nao-yẽesã lebg wa liuul nao-yẽese.

A Ooze 13:6

Bãmb paama yamd zĩig n wãb n tɩge. Bãmb sẽn bãng tɩ b wãb n tɩgame, b wuka b mens n yĩm mam yelle.

Maan‑kʋʋre 5:1

Ned tʋbr sã n wʋm yelle, wall a nif sã n yãnd tɩ ned n maan yelle, la yẽnda sã n wʋm tɩ b kotame tɩ b wa kɩs yellã kaseto, t'a ka kẽng n tɩ kɩs kasetã, yẽnda maana yel-wẽnde.

A Matiye Sõng 26:72

La yẽnda leb n kɩɩsame, n wẽen n yeele: «Mam ka mi rao-kãngã ye.»

A Matiye Sõng 26:74

Dẽ, a Pɩyɛɛr sɩngame n kãab la a wẽen n yeele: «Mam ka mi rao-kãngã ye.» Tao-tao bala, no-raoog kelmame.

Yaoolem 31:20

Sɩda, mam na n talla bãmb n tɩ kẽes tẽng ning sẽn tar bĩisim ne sɩɩd wʋsg wa mam sẽn dag n wẽen n yeel b yaab-rãmbã, bãmb na n dɩɩme n tɩge, bãmb na n nobame, la b wẽnemd n tũ wẽnnaam-dãmb a taaba, n paoog maam la b sãam m kaoolã.

Yaoolem 32:15

Israyɛll nobame n lebg tõata. Bãmb nobame n lebg bɛda. La bãmb basa Wẽnnaam sẽn yaa b naandã, n paoog pĩig ning sẽn fãagd bãmbã.

Zozuwe 24:27

Dẽ, a Zozoe yeela nebã yaa: «Ade, kug-kãngã na n yɩɩ kaset tõnd yĩnga, bala, kugrã wʋma goam nins fãa Sẽn-Ka-Saab sẽn gom ne tõndã. Dẽ wã, a na n yɩɩ kaset tõnd yĩnga, tɩ yãmb da wa kɩɩs y Wẽnnaamã ye.»