Yelbũna 3:6 - WẼNNAAM SEBRE 2014

⁶ Bɩ f tẽeg Sẽn-Ka-Saab yelle, bũmb nins fãa f sẽn maandã pʋgẽ, la bãmb n na n manega f soayã.

SEBR SÕNGO

⁶ F sẽn maan bũmb ning fãa bɩ f tags Wẽnd yelle tɩ f sor kunkub na sirgi.

Yelbũna 3:6 Iomraidhean Croise

1 Kibayã 28:9

La foom m biig a Salmo, bɩ f bao tɩ bãng f ba wã Wẽnnaam. Maan bãmb tʋʋmdã ne f sũur fãa zãnga, maan-a ne yamleoogo. Bala, Sẽn-Ka-Saab feesda ned kam fãa sũuri, la a tagsgo. Fo sã n bao bãmba, b na n basame tɩ f yã bãmba. La fo sã n bas bãmba, bãmb me na n basa foom wakat sẽn ka sɛt yĩnga.

Esdras 7:27

A Ɛsdraas zẽka a koɛɛg n pʋʋs n yeele: «Bɩ Sẽn-Ka-Saab sẽn yaa tõnd yaab-rãmbã Wẽnnaamã paam pẽgre. Bãmb sẽn ning rĩmã sũurẽ t'a na n kɩt tɩ Sẽn-Ka-Saab roogã sẽn be Zeruzalɛmã leb n paam a waoogrã yĩnga.

A Neemi 1:11

Dẽ wã yaa Zu-soaba, m kot-y lame tɩ y kɩll y tʋbr n kelg m pʋʋsgã, la y kelg y tʋmtʋmdbã sẽn tar datem tɩ zoe yãmb yʋʋrã pʋʋsgo! Zu-soaba, kɩt-y tɩ mam sẽn dat n maan bũmb ning rũndã wã tõoge, la y kɩt tɩ rĩmã sak n zoe mam nimbãanega, n leok m kosgã. Wakat-kãnga, mam dag n yaa rĩmã bõn-yũudl kɩta.

A Neemi 2:4

Dẽ, rĩmã soka maam tɩ m datame tɩ b maan bõe n kõ-ma. La mam pʋʋsa saasẽ Wẽnnaamã,

A Neemi 7:5

Mam Wẽnnaamã ninga mam yamẽ, tɩ m tigim kãsem-dãmbã ne nanambsã, ne neb a taabã sẽn ketã, n sõd-ba. Mam gesa sẽn deng n yi-b yembdã pʋg n wa wã sõadg sebrẽ, la m yãndame tɩ b gʋlsa beenẽ a woto:

Yɩɩn‑sõamyã 32:8

Sẽn-Ka-Saab yeelame: «Mam na n zãmsa foom, la m wilg foom sor ning f sẽn tog n tũ. Mam na n sagla foom, la mam nin na n bee fo zugu.

Yelbũna 11:5

Burkĩn tɩrlem n manegd a soayã, la nin-wẽng wẽnem n lubd-a.

Yelbũna 16:3

Rɩk f yɛlã n bas ne Sẽn-Ka-Saabo, la f sẽn saagdã fãa na paam pidsgu.

Yelbũna 16:9

Ninsaal tagsda a sẽn na tũ sor ninga, la yaa Sẽn-Ka-Saab n na n kɩt t'a tõoge.

Yelbũna 23:17

Da maan sũ-kiir ne yel-wẽn-maandbã ye, la bɩ f zoe Sẽn-Ka-Saab daar fãa.

A Ezayi 26:7

Tɩrlem yaa nin-tɩrg sore. Yãmb sẽn yaa tɩrlem soabã, yãmb manega nin-tɩrg sore.

A Ezayi 30:21

Yãmb sã n dabd goabg bɩ rɩtgo, yãmb tʋbr na n wʋma koe-kãngã y poorẽ sẽn yete: «ad sorã, tu-y-yã-a.»

A Ezayi 45:13

Maam n yãk a Siruus wa sẽn zems mam tɩrlmã, la m na n manega a soayã fãa. Yẽnda na n lebs n mee mam tẽngã, la a bas mam nebã sẽn be yembdã tɩ b looge, n ka reeg yaood wall kũun ye. Yaa Saasẽ-Pãng-Soabã n yeele.› »

A Ezayi 48:17

Sẽn-Ka-Saab sẽn yaa fo fãagda, n yaa Israyɛll Pʋ-Peelem-Soabã yetame: «Maam a Sẽn-Ka-Saab n yaa fo Wẽnnaam, mam na n zãmsa foom f meng sõngr yĩnga, maam n tɛt foom sor ning fo sẽn be wã zugu.

Zeremi 10:23

Sẽn-Ka-Saabo, mam miime tɩ ninsaal ka tar noor ne a vɩɩm sẽn na n yɩ bũmb ning ye. Ninsaal ka so a meng vɩɩm yell ye.

Zeremi 42:3

Bɩ Sẽn-Ka-Saab sẽn yaa fo Wẽnnaamã wilg tõnd d sẽn tog n kẽngẽ, la d sẽn tog n maan bũmb ninga!»

Sõadga 9:20

La wakat ninga, sawaodgã yalsda rasem bilf bala. La ne rẽ fãa, Israyɛll nebã sakda Sẽn-Ka-Saab noor n ti b fu-rotã, la b sã n na n yik n loog me, yaa ne Sẽn-Ka-Saab noore.

1 Korẽnt rãmba 10:31

Yãmb sã n dɩtẽ, wall y yũuda, wall bũmb ning fãa y sẽn maanda, maan-y fãa Wẽnnaam waoogr yĩnga.

2 Korẽnt rãmba 8:16

Bark Wẽnnaam, bãmb sẽn ning yam-yãk-kãngã me a Tit sũurẽ yãmb yĩngã.

Filip rãmba 4:6

Da maan-y yɩɩr ne bũmb baa fʋɩ ye. La bũmba fãa pʋga, pʋʋs-y Wẽnnaam n kose la y pʋʋs barka la y wilg Wẽnnaam bũmb nins yãmb sẽn datã.

Kolos Rãmba 3:17

Bũmb ning fãa yãmb sẽn maanda, sã n yaa goam pʋga wall tʋʋm pʋga, maan-y fãa ne Zu-soab a Zeezi yʋʋre, n pʋʋs ba a Wẽnnaam bark a Zeezi maasem yĩnga.

Kolos Rãmba 3:23

Yãmb sẽn maand bũmb ning fãa, bɩ y maan-a ne y sũur fãa wa y sẽn maand Zu-soabã yĩnga, la ka ninsaalb yĩng ye,

Zake 1:5

Yam sã n paoog yãmb ned a yembre, bɩ a kos Wẽnnaam sẽn kõt nebã fãa ne yamleoog n ka lengdẽ wã, la b na kõ-a yamã.

1 Sãmwɛlle 30:8

A Davɩɩd soka Sẽn-Ka-Saab yaa: «Mam sã n pʋgl nin-bãmbã, m na n paam-b lame bɩ?» La Sẽn-Ka-Saab leoka yẽnda yaa: «Fo na n paam-b lame n fãag neb nins b sẽn tall n loogã.»