Yelbũna 3:24 - WẼNNAAM SEBRE 2014

²⁴ Fo sã n kẽ gãaga, rabeem kõn yõk-f ye, la f sã n gãe, f gõeem na n yɩ-f-la noogo.

SEBR SÕNGO

²⁴ F sã zĩẽ, rabeem ka ye, f sã n gõe, f gõeem sakd-f lame.

Yelbũna 3:24 Iomraidhean Croise

2 Kibayã 20:30

Woto, a Zozafat soolmã zĩnda bãane, la yẽnda Wẽnnaamã kõ-a-la vʋʋsg tẽngã todsã fãa pʋsẽ.

A. Zoobe 11:19

Fo na n gãandame tɩ ned ka be n na n kẽes foom dabeem ye. Neb wʋsg na n baoodame tɩ fo ges b yelle.

Yɩɩn‑sõamyã 112:8

Yẽnda sũur ka kiuusdi, la a ka zoet rabeem ye. B na n ninga a bɛɛbã yãnd a nifẽ.

Yɩɩn‑sõamyã 127:2

Yãmb sẽn sãt n yit la y kẽed yʋn-sʋgsã yaa zaalem bala. Yãmb sẽn namsd n na n paam n dɩ wã yaa zaalem. La Sẽn-Ka-Saab nin-nongdsã, ba b sã n gõe, Sẽn-Ka-Saab kõt-b-la rɩ-kãnga.

Yɩɩn‑sõamyã 3:5

Mam zẽkda m koɛɛg n kelemd n boond Sẽn-Ka-Saabo, bãmb zĩndida b tãn-sõngã zug n leokd maam!

Yɩɩn‑sõamyã 3:6

La maam, mam gãandedame n gũsi, mam nekdame, bala, Sẽn-Ka-Saab n kõt maam vɩɩm.

Yɩɩn‑sõamyã 4:8

Yãmb kõta maam sũ-noog n yɩɩd sũ-noog ning nin-bãmbã sẽn wat n tar b koodã sẽn yaa wʋsgã, ne b reezẽ rã-paalg sẽn yaa wʋsgã wakatã.

Yɩɩn‑sõamyã 91:5

Fo kõn zoe yʋng bõn-wẽng rabeem, wall peemd sẽn tãood wĩndg ye.

Yelbũna 1:33

La sẽn kelgd-a maam zĩi ne bãane. Yẽnda na n vɩɩmda ne bãane, n ka tol n yɛɛsdẽ tɩ yel-beed na n wa paam-a ye.»

Yelbũna 19:23

Sẽn-Ka-Saab zoees kõta yõ-woko, la a kɩtdame tɩ ned rɩ n tɩge, n kẽ n gãand tɩ yel-wẽng ka paam-a ye.

Yelbũna 6:22

La gom-kãens na n yãaga foom f kẽnã pʋgẽ, la b na n gũu foom f gõeem wakate, fo sã n wa yik f gãagẽ, gom-kãens na n sagl-f lame.

Kowelɛt 5:12

Mam yãnda toog sẽn wat ne namsg dũniyã pʋga. Yaa ned sẽn bĩngd arzegs sẽn na n wa ne toog a meng yĩnga.

A Ezayi 54:14

Tɩrlmã na n kõo foom pãnga. Zãag f meng ne maan ned pãnga. Fo kõn leb n zoe rabeem ye, la yɛɛsg kõn leb n paam-fo, a kõn tol n leb n pẽneg foom ye.

Zeremi 31:26

Dẽ zugẽ, mam nekame, la m gõeemã yɩ-m-la noogo.

Ezekiyɛl 34:15

Mam na n kɩɩma m piisã m toore, mam na n kõ-b-la vʋʋsgo. Maam a Zu-soab a Sẽn-Ka-Saab n yeele.

Ezekiyɛl 34:25

Mam na n maana vɩ-bãan kaool ne bãmba, n kɩt tɩ rũm-toosã menem tẽngã pʋga, la bãmb na n zĩnda we-raoogã pʋg ne bãane.

Ezekiyɛl 34:27

Tɩɩsã na n womame, la tẽngã koodã me na n womame, bãmb na n zĩnda b tẽngã pʋg ne bãane. Mam sã n wa kao bãmb balgrã loeese, la m fãag bãmb neb nins sẽn kẽes bãmb yembdã nusẽ, bãmb na bãng tɩ mam yaa Sẽn-Ka-Saabo.

Maan‑kʋʋre 26:6

Mam na n kɩtame tɩ vɩ-bãan zĩnd y tẽngã pʋga, la yãmb na n gãandame n gũs tɩ ned ka kẽes yãmb dabeem ye. Mam na n kɩtame tɩ we-rũm-wẽnsã menem n bas yãmb tẽngã. La zabr kõn tol n zĩnd yãmb tẽngẽ wã ye.

Tʋʋma 12:6

Yʋng ning sẽn deng rĩm a Erood sẽn na n yiis a Pɩyɛɛr n kao a bʋʋdã, gũudbã rag n bee bi-bees roogã noor n gũudẽ, la b ra balga a Pɩyɛɛr ne bãens a yiib t'a gãe pʋgẽ, Sodaas a yiib tẽn-sʋka.