Yelbũna 29:1 - WẼNNAAM SEBRE 2014

¹ B sã n keoogd ned t'a nakd a kãare, sãoong n na n wa ling-a tɩ sẽn maand kae ye.

SEBR SÕNGO

¹ Sã n sagend neda t'a nakd a kãare, a bãng t'a na wã vugri la tɩɩm kõn le zĩnd ye.

Yelbũna 29:1 Iomraidhean Croise

1 Rĩm-dãmbã 17:1

Rao a ye n dag n be t'a yʋʋr boondẽ t'a Eli, n yit Tisbe sẽn be Galaad tẽnga. Yẽnda yeela a Akaab yaa: «Mam wẽenda ne Sẽn-Ka-Saab sẽn yaa Israyɛll Wẽnnaamã sẽn vɩ wã, mam sẽn yaa a soab tʋmtʋmdã, tɩ yʋʋm nins sẽn watã pʋgẽ, meenem ka na n zĩndi, la saag me ka na n ni, hal tɩ mam leb n wa gome.»

1 Rĩm-dãmbã 18:18

La a Eli leok-a lame: «Ka maam n kɩt tɩ Israyɛll nebã namsdẽ ye. Yaa yãmb ne y ba wã roog neb n kɩt tɩ b namsdẽ. Bala yãmb basa Sẽn-Ka-Saab tõodã sakre, n tũud a Baall wẽn-naandse.

1 Rĩm-dãmbã 20:42

Dẽ, Wẽnnaam no-rɛɛsã yeela Israyɛll rĩmã yaa: «Ade, Sẽn-Ka-Saab yetame: ‹Fo sẽn bas ned ning mam sẽn kãab t'a tog n kiime wã t'a põsã, b na n kʋʋ foom n lebse, la b kʋ fo nebã n led yẽnda nebã zĩigẽ.› »

1 Rĩm-dãmbã 22:28

A Miise leoka rĩm a Akaab yaa: «Yãmb sã n kẽng n lebg n wa ne tõogre, dẽnd ka Sẽn-Ka-Saab n kɩt tɩ mam gom ye.» A Miise leb n yeelame yaa: «Bɩ Israyɛll nebã fãa kelge!»

2 Kibayã 25:16

No-rɛɛsã sẽn wa n gomdã wakate, a Amatsɩya leokame yaa: «Ãnda soab n yãk foom tɩ f sagend rĩmã? Bas f goamã woto, tɩ b ra wa kʋ-f ye.» Dẽ, no-rɛɛsã baasa a pĩnd-n-bãngr goamã n yeel-a yaa: «Moasã, mam miime tɩ Wẽnnaam yãka yam n na sãam foom, fo sẽn ka kelg mam saglsã yĩngã.»

2 Kibayã 33:10

Sẽn-Ka-Saab goma ne a Manaase la ne a nebã, la bãmb ka kelg ye.

2 Kibayã 36:13

Yẽnda tol n yik n zẽka a zug ne a Nebukatnedzaar n kɩɩs wẽeneg ning a Nebukatnedzaar sẽn dag n kɩt t'a wẽen ne Wẽnnaam yʋʋrã. Yẽnda kenga a sũurã n ka sak Sẽn-Ka-Saabã ye.

A Neemi 9:29

Yãmb keooga bãmb n yeel-b tɩ b sak yãmb tõodã. La bãmb tɩtaamã yĩnga, b ka kelg yãmb noyã ye. Bãmb kɩɩsa yãmb no-tũudsã. Yaool n yaa no-tũuds nins sẽn kõt neb nins sẽn sakd-bã vɩɩm. Bãmb yĩgsa b bãgdo, n nak b kãare, n ka sak n kelg yãmb ye.

A. Zoobe 9:4

Sã n yaa yam wall pãng soaba, ãndã n na n bao b noor n ka reeg toogo?

Yikri 9:7

Faarõ tʋma neb tɩ b tɩ gese, la b tɩ mikame tɩ Israyɛll nebã rũng ba a yembr ka ki ye. La baoosg zãnga, Faarõ sũur kengame t'a ka sak n bas Israyɛll nebã tɩ b loog ye.»

Yelbũna 28:14

Sẽn zoet-a Wẽnnaam wakat fãa tara barka! La sẽn kengd-a a sũur na n paama toogo.

Yelbũna 28:18

Sẽn kẽnd-a ne burkĩnd na n paama fãagre, la sẽn tũud-a so-golems na n wa lʋɩ a yembr zugu.

Yelbũna 28:28

Nin-wẽns sã n soog tẽnga, nebã fãa zoet n baooda b mense. La b sã n wa ki, nin-tɩrsã lebgda wʋsgo.

Yelbũna 6:15

Yaa rẽ n kɩte, tɩ sãoongã na n wa ling-a. La yẽnda na n sãamame tɩ tɩɩm kaẽ ye.

A Ezayi 28:22

Moasã, da yɩ-y nin-tʋʋdba, tɩ b ra wa tak yãmb sẽbdsã tɩ lebg kãenkãe ye. Bala, b yãka yam n na n sãam tẽnga zãnga. Yaa Sẽn-Ka-Saab sẽn yaa Saasẽ-Pãng-Soabã n togs maam.

A Ezayi 48:4

Mam miime tɩ yãmb yaa sũ-keglem dãmba, n miẽ tɩ yãmb yublã yaa kɛgeng wa kutu, la y rĩyã yaa wa zũudu.

Zeremi 14:19

Sẽn-Ka-Saabo, yãmb basa Zʋʋda la? Yãmb yam yii Sɩyõ? Yaa bõe tɩ y pogl tõnd hal tɩ d sãmpogrã ka tõe n maage? D dag n tẽedame tɩ yɛlã na n wa zemsame, la bõn-sõng ka be ye. D dag n tẽeda maagre, la yaa pelen-yɩk bal la d zĩ ne.

Zeremi 17:23

Yãmb yaab-rãmbã ka kelge, b ka kɩll b tʋbr n kelg ye. Bãmb loba b nens kɛɛng n ka rat n wʋm la b sak remsg ye.

Zeremi 36:31

Mam na n sɩbga yẽnda ne a yagensã la a tʋmtʋmdbã b kongrã yĩnga, n kɩt tɩ tood nins fãa mam sẽn dag n togs Zeruzalɛm ne Zʋʋda nebã paam-ba, bãmb sẽn ka kelgã yĩnga.»

Abakuk 2:7

Yãmb sẽn tar-b rãmb samã na n wa ling-y lame, bãmb na n kɩtame tɩ y rig ne rabeem. Bãmb me na n fãa yãmb paoongã!

A Zã Sõng 13:18

Ka yãmb fãa yell la mam sẽn gomdã ye. Mam mii neb nins mam sẽn tũusã. La yaa tɩlɛ tɩ bũmb ning sẽn gʋls Wẽnnaam gʋls-sõamyã pʋgẽ wã pidsi. B yeela be tɩ: «Ned ning sẽn wãbd-a bur ne maamã wẽneg n zabda ne maam.»

A Zã Sõng 13:26

A Zeezi leoka yẽnda n yeele: Yaa ned ning mam sẽn na n suk bur-gɩrg n kõ-a wã. Bãmb suka bur-gɩrgã n kõ Iskaryo Sɩmo biig a Zʋdaase.

Tʋʋma 1:18

La rao-kãng rɩka ligd ning a sẽn paam a yel-wẽndã poorẽ wã n da pʋʋgo, la a lʋɩɩme t'a zugã reng taoore, t'a pʋgã pusg t'a yãadã yʋlem.

Tʋʋma 1:25

t'a kẽ tʋʋmdã pʋgẽ, n yɩ tẽn-tʋmd n led a Zʋʋdaas zĩigẽ, t'a basame n kẽng zĩig ning sẽn segd ne-a.

1Tesalonik Rãmba 5:3

Wakat ning ninsaalbã sẽn na n yeel tɩ yaa laafɩ la bãanã, wakat-kãng la sãoong na n ling bãmba. La na n yɩɩ wa rogem toog sẽn paamd pag sẽn tʋte, la b kõn põs ye.

1 Sãmwɛlle 2:25

Ned sã n beeg a to, Sẽn-Ka-Saab n na n welg yellã. La ned sã n beeg Sẽn-Ka-Saabo, ãndã n na n yõk sɛɛg a soab yĩnga?» Sẽn-Ka-Saab sẽn dag n yãk yam t'a Eli kambã na n kiime wã yĩnga, b ka kelg b ba wã goam ye.

1 Sãmwɛlle 2:34

Bũmb ning sẽn na n paam fo kamb a yiib a Ofni ne a Fineyaasã na n yɩɩ bãnd fo yĩnga. Bãmb b yiibã fãa na n kii daar a yembre.