Yelbũna 28:4 - WẼNNAAM SEBRE 2014

⁴ Sẽn kɩɩsd-b zãmsg pẽgda nin-wẽnse, la sẽn sakd-b zãmsg zabda ne nin-wẽnse.

SEBR SÕNGO

⁴ Sẽn ka tũud-b noore pẽgda nin-wẽnga, tɩ sẽn tũud-b noor puugd b sũuri ne-a.

Yelbũna 28:4 Iomraidhean Croise

1 Rĩm-dãmbã 18:18

La a Eli leok-a lame: «Ka maam n kɩt tɩ Israyɛll nebã namsdẽ ye. Yaa yãmb ne y ba wã roog neb n kɩt tɩ b namsdẽ. Bala yãmb basa Sẽn-Ka-Saab tõodã sakre, n tũud a Baall wẽn-naandse.

1 Rĩm-dãmbã 18:21

La a Eli kolga nebã fãa n yeele: «Yãmb na n saad n yeebda goabg la rɩtg hal tɩ ta rabʋre? Sẽn-Ka-Saab sã n yaa Wẽnnaam, bɩ y tũ-ba, la Baall sã n yaa Wẽnnaam, bɩ y tũ-a.» La nebã ka leok yẽnda tɩ bũmb ye.

A Neemi 13:15

Wakat-kãnga, mam yãnda Zʋʋda neb tɩ b wẽkd b reezẽ tɩɩs biis koom vʋʋsg daare, tɩ neb kẽer wʋkd b koodo, la b zɩlgd b bõens reezẽ rãam, ne b reezẽ tɩɩs biisi, la kankamã, ne zɩɩb buud toor-toore, n dat n tall n kẽng Zeruzalɛm vʋʋsg daarã. La mam zaba bãmb n yeel-b tɩ b ra koos b koosmã vʋʋsg daarã ye.

A Neemi 13:28

Mam diga a Yoyada biig a yembr n yiis Zeruzalɛm, yẽnda yaa maan-kʋʋr kãsem a Eliyasɩɩb yagenga, n yaa Horon tẽng rao a Sãmbalat rɛɛmba!

Yɩɩn‑sõamyã 10:3

Bala, nin-wẽng pẽgda a meng a sũur datem yĩnga. A zãmb paoongã yĩnga, a tʋʋsda Sẽn-Ka-Saab n paoogd-ba.

Yɩɩn‑sõamyã 49:18

Bala, yẽnda kũum daare, a ka na n zã baa fɩ n loog ye. La yẽnda ziirã ka na n tũ-a n sig yaoogẽ ye.

Zeremi 5:30

Bũmb ning sẽn maand tẽngã pʋgẽ wã sãamda sũuri, a yaa wẽng wʋsgo.

A Matiye Sõng 14:4

Bala, a Zã rag n yeela yẽnda t'a ka tar noor tɩ peeg a Eroodyaad n maan a pag ye.

A Matiye Sõng 3:15

A Zeezi leoka yẽnda yaa: Bas tɩ yɩ a woto, bala, a zemsame tɩ tõnd pids bũmb nins fãa sẽn yaa tɩrse. La a Zã ka kɩɩs bãmb yɛs ye.

A Matiye Sõng 3:7

La a Zã sẽn yã Fariizẽ-dãmbã ne Saduusẽ-dãmbã wʋsg sẽn wat lisgã, a yeel-b lame yaa: Wag-toos buudu, ãnda n wilg yãmb y sẽn na maan to‑to n zoe n põs sũ-puugr sẽn watã?

Tʋʋma 12:22

La nebã dag n kelemdame n yetẽ: Ka ninsaal n gomd ye, yaa Wẽnd meng n gomde.

Tʋʋma 15:2

A Poll ne a Barnabaas kɩɩs-b lame n wẽ nokoeem-kãseng ne-b bõn-kãng wɛɛngẽ. Rẽ, ba-biisã yãka yam t'a Poll ne a Barnabaas ne bãmb sʋkã neb kẽer na n kẽnga tẽn-tʋmdbã ne kãsem-dãmbã nengẽ Zeruzalɛm n tɩ ges yel-kãng yelle.

Tʋʋma 19:9

La neb kẽer riglma b sũyã n tõdg tɩ b ka na n tẽ ye. La b gom Zu-soabã sor wẽng neb wʋsgã taoore. Dẽ, a Poll yii bãmb sʋka, n peeg karen-biisã toor n kẽng a Tiranuus kaorengã roog pʋg n zãms-b daar fãa.

Rom Dãmba 1:32

La baa ne b sẽn mi Wẽnnaam yelsem sẽn yet tɩ neb nins sẽn maand bõn-kãensã zemsa ne kũumã, b maand-b lame. La ka rẽ bal ye, b yetame me tɩ neb nins sẽn maand bõn-kãensã maanda neere.

Efɛɛz Rãmba 5:11

la y ra tol n paam lagem-n-taar ne likã tʋʋm sẽn ka yõodã ye. Wilg-y tɩ b ka sõama ye.

1Tesalonik Rãmba 2:2

La yãmb miime tɩ b namsa tõnd Filip tẽnga, la tõnd yãa toog be. Rẽ kɩtame tɩ tõnd paam pɛl-kɛgeng ne d Wẽnnaamã, n na n moon yãmb Wẽnnaam koe-noogã maoor wʋsg pʋgẽ.

1 Zã 4:5

Bãmb yaa dũniyã rẽnda, yaa rẽ yĩng la b goamã sẽn yit dũni nengẽ wã, la dũniyã kelgd-b lame.

A Zʋʋde 1:3

Mam zo-nongdse, mam sẽn dag n tʋlg ne m sũur fãa n na n gʋls yãmb sẽn kẽed ne fãagr ning tõnd fãa sẽn tarã wɛɛngẽ wã mam mikame tɩ yaa tɩlɛ ne maam tɩ m gʋlse, n sagl yãmb tɩ y zab tẽebã zabre, tẽeb ning b sẽn dag n kõ Wẽnnaam nebã vugr bal wakat fãa yĩngã.