Yelbũna 28:16 - WẼNNAAM SEBRE 2014

¹⁶ Naab sẽn ka tar yam dɩkda weer bal tɩ yaa nebã fãabo. La sẽn kis-a zãmb paoong na n paama yõ-woko.

SEBR SÕNGO

¹⁶ Naab sẽn ka tar yam pida ne pãn-tõogo; sẽn ka tar-a fãad yam tara yõ-woko.

Yelbũna 28:16 Iomraidhean Croise

1 Rĩm-dãmbã 12:10

Kom-bɩɩsã sẽn yaa a Roboaam reed-n-taasã yeela a Roboaam yaa: Ad yãmb sẽn na n yeel-b bũmb ningã la woto: « ‹Y ba zɩlga tõnd wʋsgo, la yãmba, yols-y-do.› Yeel-y-b tɩ yãmb nug-bi-kɛmblã yɩɩda y ba wã kanga.

1 Rĩm-dãmbã 12:14

A Roboaam reega a kom-bɩɩsã sẽn yaa yẽnda reed-n-taasã sagls n yeele: «M ba rag n namsa yãmba, la mam na n paasa yãmb namsgã n yɩɩda, m ba dag n sɩbga yãmb ne kalwaase, la mam na n sɩbga yãmb ne kalwaas sẽn tar gõose.»

A Neemi 5:15

Gʋvɛrneer-dãmb a taabã sẽn deng maam n zĩndã rag n namsda nebã, n modgd-b tɩ b wat ne rɩɩbo, reezẽ rãam, n paas wanzuri wakɩ-koeems pis-naase. Gʋvɛrneerã tʋmtʋmdbã me rag n soo nebã ne pãnga. La mam sẽn zoet Wẽnnaamã yĩnga, mam zɩ n maan bũmb a woto ye.

Yikri 18:21

Dẽ poore, yãk nin-yẽesens nebã sʋk sẽn zoet Wẽnnaam, la sẽn yaa sɩd dãmba, la sẽn kis zãmb bũmbu. Yãk neb tusr-tusr nanambse, neb koabg-koabg nanambse, neb pis-nunu nanambse, la neb piig-piig nanambse.

Yelbũna 15:27

Ned sã n nong zãmb paoongo, a wata ne zu-beed a meng zak pʋga, la sẽn kis-a zãmb kũun na n vɩɩmdame n kaoose.

Kowelɛt 10:16

Foom a tẽng sẽn tar dĩm sẽn yaa bi-bɩɩga, tɩ f nanambsã rɩt yibeoog pĩndã, toog bee fo zugu!

Kowelɛt 4:1

Mam leb n tagsa neb nins b sẽn maand pãng dũniyã pʋg ka wã yelle. Gese, b sẽn namsd-b rãmbã nintãm yitame, la ned ka belsd bãmb ye. Bãmb namsdbã tara pãnga, la ned ka belsd bãmb ye.

A Ezayi 3:12

Kom-bãooneg bal n tar mam nebã n namsdẽ, la yaa pagb n so bãmba. Mam nebã, yãmbã tɛtbã kẽesda yãmb moogo, bãmb menesda sor ning yãmb sẽn tũudã.

A Amoose 4:1

Samaari pagbã sẽn nob wa Basan nag-wubdsã, n be Samaari tãngã zugã, Kelg-y-yã! Yãmb namsda ka-pãens rãmbã, la y maand nimbãan-dãmbã pãnga, la y yet y sɩdbã tɩ b tall n wa tɩ y yũ.