Yelbũna 28:1 - WẼNNAAM SEBRE 2014

¹ Nin-wẽng zoetame tɩ ned yaool n ka rigd-a ye, la nin-tɩrs pɛlg kegma ne b mens wa gɩgem-polle.

SEBR SÕNGO

¹ Nin-wẽng kʋɩta tĩiga tɩ ned yaool n ka pʋgd-a ye, nin-sõngo yaa wa bõnyẽ-bila a ka zoet sẽn wãgd ye.

Yelbũna 28:1 Iomraidhean Croise

1 Rĩm-dãmbã 1:49

A Adoniza sẽn dag n bool neb ninsã fãa yɛɛsame n digda. La ned kam fãa yikame n dɩk a sor n teese.

2 Rĩm-dãmba 7:15

Bãmb pʋgla Siiri nebã n ta Zʋrdẽ kʋɩlgã. La bãmb yãame tɩ sorã zug pida ne futu, la teed wʋsg Siiri nebã sẽn dag n basd tɩ lʋɩt b zoeesã wakate. Woto, b sẽn tʋm neb ninsã lebg n wa togsa rĩmã bũmb nins bãmb sẽn yã wã.

A Neemi 6:11

Mam leoka yẽnda yaa: «Rẽ yĩnga, rao wa maamã leb n baood n zoeeme? Ned wa maamã na leb n zoet n na n kẽ Wẽnd doogẽ n fãag a yõore? Mam sã n maan a woto, mam na n kiime, dẽ wã, mam ka na n kẽng Wẽnd doogẽ wã ye.»

A. Zoobe 15:21

yẽnda wʋmda bʋrg n yɛɛsdẽ. Yẽnda sẽn vɩ ne bãanã wakate sẽn sãamd-a bũmb fãa wã wa n zaba ne yẽnda!

Yɩɩn‑sõamyã 112:7

Nin-tɩrg ka zoet rabeem tɩ koe-beed na n wa wa ye. A sũur keemame, la a teega Sẽn-Ka-Saabo.

Yɩɩn‑sõamyã 53:5

Rẽ yĩnga, tʋʋm-wẽns maandbã fãa ka tar bãngr la? Bãmb dɩta mam nebã wa b sẽn dɩt rɩɩbo. Bãmb ka tol n pʋʋsd Wẽnnaam ye.

Yɩɩn‑sõamyã 53:6

Woto yĩnga, rabeem na n yõka bãmba, tɩ yaool n dag n ka sek rabeem ye. Wẽnnaam na n sãeega sẽn zabd-b ne foomã kõaba. Fo na n ning-b-la yãnde, bala, Wẽnnaam bas-b lame.

Yikri 11:8

Dẽ, fo tʋmtʋmdbã fãa na n wa wõgemda mam taoor n yeele: ‹Bɩ foom ne neb nins fãa sẽn pʋgd foomã yi tẽngã.› Rẽ zugẽ, mam na n yi n loogame.› » A Moyiis yii Faarõ nengẽ ne sũ-puug-kãsenga.

Yelbũna 10:9

Sẽn kẽnd-a ne burkĩnd vɩɩ ne bãane, la ned sã n dɩkd so-wẽnga, yẽnda soab yɛlã na n wa pukame.

Yelbũna 27:27

Fo bʋʋsã na n kõ-f-la bĩisim wʋsgo, tɩ f paam n dɩlg f menga, la f rɩlg f zak rãmba, ne f tʋmtʋmd-pogsã.

A Ezayi 30:17

Nin-yend bala, bɛɛbã nin-yend na n tãsa bãmb neb tusr tɩ b zoe. Bãmb neb a nu sã n tãs yãmba, yãmb na n zoeeme. Yãmb na n zoeeme hal n tɩ yals wa tãb-kaoor sẽn lugl tãng zugu, la wa tãb-kaoor sẽn be kunkubr zugu.

A Ezayi 7:2

B togsa a Davɩɩd doogã neb n yeel yaa: «Siiri tãb-biisã kẽng n tɩ yãmba Efrayiim tẽngã.» Dẽ, a Akaaz ne a nebã sũy sɩnga rigb wa sobg sẽn miimd tʋgr tɩɩse.

Zeremi 20:4

Bala, Sẽn-Ka-Saab yetame: Mam na n kɩtame tɩ yãmb ne y zo-rãmbã fãa yɛɛse. Y bɛɛbã na n kʋʋ yãmb ne zabr sʋʋs y nifẽ. La mam na n kɩtame tɩ Babilond dĩmã wa yõg Zʋʋda nebã fãa n tall n kẽng Babilonde, la b kʋ bãmb ne zabr sʋʋga.

Maan‑kʋʋre 26:17

Mam na n wẽnemda m neng n bas yãmba, la yãmb bɛɛbã na n tõoga yãmba. Neb nins sẽn kis yãmbã na n sooga yãmba, la yãmb na n zoeeme tɩ ned ka rigd yãmb ye.

Maan‑kʋʋre 26:36

La yãmb neb nins sẽn na n kell n vɩɩmd b bɛɛbã tẽngẽ wã, mam na n kɩtame tɩ rabeem yõk-ba, la tɩɩg vão-koɛɛng bʋrg na n diga bãmba. Bãmb na n zoee wa b sẽn digd ned ne sʋʋga, la b na n lags n lʋɩɩme tɩ ned ka rigd-b ye.

Tʋʋma 14:3

A Poll ne a Barnabaas paa Ikoniyom n kaoose. A Poll dãmb dag n kɩsa sɩd ne Zu-soabã n gomd ne pɛl-kɛgenga. La Zu-soabã kɩsa bãmb bark goamã a Poll dãmb sẽn moondã kaseto n kõ bãmb pãn-tõog tɩ b maan bãna, la bõn-yɛɛsds ne b nusi.

Tʋʋma 4:13

La bãmb sẽn yãnd a Pɩyɛɛr ne a Zã pel-kɛgengã, b yɛɛsame, bala, b rag n bãngame t'a Pɩyɛɛr ne a Zã yaa nin-zaals sẽn ka paam zãmsgo. La b rag n bãngame t'a Pɩyɛɛr ne a Zã rag n tũuda a Zeezi.

Yaoolem 28:25

Sẽn-Ka-Saab na n kɩtame tɩ yãmb bɛɛbã tõog yãmba. Yãmb na n tũu sor a ye n tɩ zab ne-ba, la y bɛɛbã na n diga yãmb tɩ y tũ soay a yopoe n zoe. La yãmb na n kẽe dũniyã nebã fãa soolem pʋsẽ n lebg wa bõn-wẽnga.

Yaoolem 28:7

Sẽn-Ka-Saab na n kɩtame tɩ y tõog y bɛɛb nins sẽn dat n zab ne yãmbã. Bãmb sã n yi n na n zab ne yãmba, b na n tũu sor a ye n wa. La yãmb na n diga bãmb tɩ b tũ soay a yopoe n zoe.

1Tesalonik Rãmba 2:2

La yãmb miime tɩ b namsa tõnd Filip tẽnga, la tõnd yãa toog be. Rẽ kɩtame tɩ tõnd paam pɛl-kɛgeng ne d Wẽnnaamã, n na n moon yãmb Wẽnnaam koe-noogã maoor wʋsg pʋgẽ.