Yelbũna 27:8 - WẼNNAAM SEBRE 2014

⁸ Ned sẽn bas a yir yaa wa luiil sẽn bas a tʋko.

SEBR SÕNGO

⁸ Ninsaal sẽn zãr ne a ba yiri, yaa luiil sẽn zãr ne a tʋko.

Yelbũna 27:8 Iomraidhean Croise

Sɩngrẽ 21:14

A Abrahaam yika yibeoog pĩnda, n bao rɩɩbo, la a sui koom ne waooga n kõ a Agaar t'a palg a bãoko. La a rɩk biigã me n kõ-a, la a rig-a t'a looge. A Agaar loogame n menem n kẽ Bɛɛr-Seba weoogã n gõodẽ.

Sɩngrẽ 4:16

La a Kayẽ yii Sẽn-Ka-Saab taoor n loog n kẽng n tɩ zĩnd Nood tẽngã sẽn be Edɛn zẽedã zĩig yaangã.

1 Rĩm-dãmbã 11:22

Faarõ soka yẽnda yaa: «Fo sẽn be ne maamã, bõe n paoog foom tɩ f rat n lebg n kuil f tẽngẽ?» A Hadaad yeelame: «Bũmb ka paoog-m ye, la yãmb we n bas-m tɩ m kuili.»

1 Rĩm-dãmbã 19:9

La beenẽ, a Eli kẽe tãngã bokẽ n gãand be yʋn-kãnga. La Sẽn-Ka-Saab goma ne yẽnda n yeele: «Eli, bõe la fo be ka n maandẽ?»

Yelbũna 21:16

Ned sẽn zãagd a meng ne yam sor na n zĩnda kɩɩms sʋka.

Yelbũna 26:2

Wa luiil bɩ sɩlaall sẽn yɩkd n loogdẽ wã, woto me, ned sã n ka maan bũmb tɩ b kãab a wẽnga, yaa zaalem.

Yelbũna 27:7

Ned sã n dɩ n tɩge, a zãgsda sɩɩdo, la kom sẽn tar-a soab getame tɩ bõn-tɩɩsg buudã fãa yaa noogo.

A Ezayi 16:2

Moaab kom-pugli wã na n tigma taab Arno kʋɩlgã zĩ-rʋʋgdgẽ wã, wa liuul sẽn yɩk n baood a menga, la wa liuun-bi sẽn sãeeg n bas b tʋko.

A Zonaase 1:3

La a Zonaas yikame n na n zoe n kẽng Tarsɩɩse, sẽn na n yɩlẽ n zãag ne Sẽn-Ka-Saabo. La a sẽn ta Zafa tẽnga, a yãnda koom kogl-bedr sẽn dabd Tarsɩɩse, la yẽnda yaoome n kẽ n naag koom koglgã rãmba, n na n kẽng Tarsɩɩs n zãag ne Sẽn-Ka-Saabo.

1 Korẽnt rãmba 7:20

Bɩ ned fãa kell n pa wa a sẽn dag n yaa to-to wakat ning a sẽn paam boolgã.

A Zʋʋde 1:13

B yaa wa ko-kãseng ko-pɛm sẽn yikd ne pãnga, n yiisd b yãnd puudu, b yaa wa ãd-saadse, tɩ Wẽnnaam bĩng-b lik bida pʋgẽ, wakat sẽn kõn sa yĩnga.

1 Sãmwɛlle 22:5

Wẽnnaam no-rɛɛs a Gaad yeela a Davɩɩd yaa: «Da zĩnd tãmsã bogd pʋsẽ ye. Yik n kẽng Zʋʋda tẽngã pʋgẽ.» La a Davɩɩd yii beenẽ, n kẽng Herɛt weoogã pʋgẽ.