Yelbũna 27:23 - WẼNNAAM SEBRE 2014

²³ Bãng f piisã sõma, n ges f peosg fãa yell neere.

SEBR SÕNGO

²³ Bãng f rũm-bõonego sã n bee laafi bɩ b sã n ka keem, ges b yelle.

Yelbũna 27:23 Iomraidhean Croise

Sɩngrẽ 33:13

A Zakoob leoka a Ezayu yaa: «M soaala, yãmb la sẽn mi tɩ mam kambã ka tar pãngã la! Sẽn paas me, yaa tɩ mam tara piis ne niig sẽn tar kom-peend sẽn ket n yẽsemdẽ. Dẽ wã, b sã n na n modg bãmb tɩ b kẽn daarã tõre, rũm-bãoonegã fãa na n kiime.

2 Kibayã 26:10

La yẽnda mee gãsd we-raoogẽ wã, la a tu buls wʋsgo, bala, yẽnda rag n tara rũms wʋsg kũnkubã ne zĩ-lamsẽ. A Oozɩyaas rag n tara ka-koaadb londã, la bãadã pʋse, la tar reezẽ tɩɩs pʋt Karmell tãngã zugu, tɩ neb gũudẽ. Sɩdã, yẽnda rag n nonga koobo.

Yikri 7:23

Faarõ lebg n kuila a yiri, la yẽnda ka ges bõn-kãng wa yell ye.

Yelbũna 24:27

Tʋm f tʋʋmã yɩng fãa n sɛ, la f segl f pʋʋg neere, n yaool n me f zaka.

Yelbũna 24:32

Mam maaga m yĩng n tags bũmb ning mam sẽn yã wã yelle, la m paama zãmsgo.

Zeremi 31:10

Buud toay-toayã fãa, kelg-y Sẽn-Ka-Saab goamã, la y moon-a tẽn-zãrsã sẽn be koom sʋkã nebã n yeele: «Soab ning sẽn sãeeg-a Israyɛll nebã na n lebg n tigim-b lame, la b na n gũu Israyɛll nebã wa pe-kɩɩm sẽn gũud a piisi.

Ezekiyɛl 34:12

Wa piis sẽn mi n sãeeg tɩ pe-kɩɩmã tigimd-b to-to wã, mam me na n tigma m piisã zĩis nins fãa b sẽn dag n sãeeg sãoongã la lik bida daarã.

Ezekiyɛl 34:31

N-yẽe, yãmb a piisã m sẽn kɩɩmdã, bãng-y tɩ y yaa ninsaalba, la mam yaa yãmb Wẽnnaam! Yaa Zu-soab a Sẽn-Ka-Saab n yeele.»

A Zã Sõng 10:3

Zag-no-gũudã pakda yãgrã noor n kõ-a, la piisã wʋmda a koɛɛgã. A sẽn so piis ninsã, a boonda ned fãa ne a yʋʋre, n tall-b n yi yɩnga.

Yaoolem 32:46

«Tags-y goam nins fãa mam sẽn togs yãmb dũndã wã yell neere, la y rɩk bãmb n wilg y kamba, tɩ b gũus b mens n sak tõ-kãensã fãa goamã.

1 Pɩyɛɛr 5:2

Rɩlg-y Wẽnnaam piisã sẽn be ne yãmbã. La ka ne modgr ye, yaa ne yamleoogo wa sẽn zems Wẽnnaam daabã. La ka paoong ratem yĩng ye, yaa ne sũur sẽn yaa sõama.

1 Sãmwɛlle 17:28

A Davɩɩd kẽem a Eliyaab sẽn wʋm goam nins a Davɩɩd sẽn dag n gomd ne nebã, a sũurã yika ne a Davɩɩd t'a yeele: «Fo waa ka n na n maan bõe? Fo basa piisã ne ãnda we-raoogẽ wã? Mam mii fo wilg-m-mengã ne f yam-yoodã yelle. Yaa zabrã la fo wa n na n gese.»