Yelbũna 27:21 - WẼNNAAM SEBRE 2014

²¹ B yɩlgda wanzuri la sãnem boaagẽ. Woto me, ninsaal yʋ-noog n wilgd a sẽn yaa ned ninga.

SEBR SÕNGO

²¹ Wanzurf la sãnem yɩlgda boaagẽ, ninsaal me yʋʋr sẽn ka sãame n wilgd a sõmblem.

Yelbũna 27:21 Iomraidhean Croise

2 Sãmwɛlle 14:25

Israyɛll tẽngã pʋga, ned dag n ka be t'a ra-sãnd ta a Absalom ye. Sẽn sɩng ne a zugã n tɩ tãag a nao-tẽngã, a rag n ka tol n tar zang ye.

A. Zoobe 28:1

Wanzuri tara zĩig tɩ b tuud n yãkd-a. La sãnem me tara zĩig tɩ b yɩlgd-a.

Yɩɩn‑sõamyã 12:6

Sẽn-Ka-Saab yetame: «Moasã, naong rãmbã namsg yĩnga, ne nimbãan-nebã sidgr yĩnga, mam na n yikame n fãag b sẽn namsd-b rãmbã.»

Yɩɩn‑sõamyã 66:10

Bala, mam Wẽnnaam, yãmb n feesd tõndo! Yãmb yɩlgda tõnd wa b sẽn yɩlgd wanzuri.

Yelbũna 17:3

B zugda wanzuri ne sãnem n yɩlg-b boaagẽ, la yaa Sẽn-Ka-Saab n makd ninsaalbã sũyã.

Zakari 13:9

La m na n dɩka sẽn kell-a wã n ning bugmẽ, mam na n yẽnega yẽnda wa b sẽn yẽnegd wanzuri, mam na n zuga yẽnda wa b sẽn zugd sãnem. Yẽnda na n boola mam yʋʋrã, la mam na n leok-a lame. Mam na n yeelame yaa: «Bãmb n yaa mam nebã.» La bãmb na n yeelame: «Sẽn-Ka-Saab n yaa tõnd Wẽnnaam.»

Malasi 3:3

Yẽnda na n zĩnda wa ned sẽn zĩ n yẽnegd wanzuri n yɩlgd-a. Yẽnda na n yɩlga Leevi yagensã, a na n yɩlga bãmb wa b sẽn yɩlgd sãnem ne wanzuri to-to wã, la bãmb na n yɩɩ neb sẽn tõe n tall kũun n wa Sẽn-Ka-Saab yĩnga, wa sẽn zems tɩrlmã.

A Luk Sõng 6:26

Yãmb na paam toogo, nebã fãa sã n pẽgd yãmba, bala, ba-rãmbã rag n maanda belgr no-rɛɛsdbã a woto.

1 Pɩyɛɛr 1:7

Yaa sẽn na yɩl n mak yãmb tẽebã n bãng a sẽn yaa a soaba. Sãnem yaa bõn-sãamdga, la baoosgo b makd-a-la ne bugum n getẽ. La yãmb tẽebã sẽn tar yõod wʋsg n yɩɩd sãnemã, b makd-a lame n getẽ, t'a Zeezi Kiris waoongã daare, bɩ y paam pẽgre la ziiri ne waoogre.

1 Pɩyɛɛr 4:12

Mam zo-nongdse, ra sak-y tɩ nams-toaag ning sẽn be yãmb sʋk n makd yãmbã yɩ lingr ne yãmba, tɩ yaa wa yaa yel-sãang n paamd yãmb ye.

1 Sãmwɛlle 18:30

La wakat-kãng tɩ Filistẽ-dãmbã nanambs rag n yitame n zabd ne Israyɛll nebã. La b sã n tɩ zab fãa, a Davɩɩd tõogdame n yɩɩd a Sayull tʋmtʋmdb a taabã fãa, la yẽnda yʋʋrã rag n yii wʋsgo.