Yelbũna 25:3 - WẼNNAAM SEBRE 2014

³ Ned sẽn ka tõe n bãng yaa yĩngr zãntlmã, tẽngã zulum sẽn yaa to-to, la bũmb ning sẽn be rĩm sũurẽ.

SEBR SÕNGO

³ Bũmb bãngr sẽn ya toogo yaa yĩngr zãrem, yaa tẽnga sẽn sud n ta zĩig ninga, la bũmb ning sẽn be rĩm sũurẽ.

Yelbũna 25:3 Iomraidhean Croise

Yɩɩn‑sõamyã 103:11

Sẽn-Ka-Saab nonglmã b zoɛtbã yĩngã zãntlem yaa wa yĩngrã ne tẽngã sẽn zãnt ne taab to-to wã.

Yelbũna 25:2

Wẽnnaam waoogrã yaa b sẽn solgd b yɛlã. La rĩm waoogr yaa a sẽn veesd n bãng yɛlã n yaool n tʋma.

Yelbũna 25:4

Bɩ b yiis wanzuri rẽgdo, la yõak na yõg laok sẽn yaa neere.

A Ezayi 55:9

Yĩngr ne tẽng sẽn zãr ne taab to-to wã, mam soayã me zãra ne yãmb soayã a woto, la mam tagsdã zãra ne yãmb tagsdã.

A Ezayi 7:11

«Kos Sẽn-Ka-Saab sẽn yaa fo Wẽnnaamã bãnde. Ba a sã n yaa kɩɩm-kulg zĩ-zulumsẽ wã, wall a sã n yaa hal yĩngr zĩ-zãrsẽ.»

Rom Dãmba 8:39

wall pãense, wall yĩngr nebã, wall tẽngr nebã, wall bõn-naandg a to baa a yembr kõn n welg tõnd ne Wẽnnaam nonglem sẽn be tõnd Zu-soab a Zeezi Kiris pʋgẽ wã ye.

1 Pɩyɛɛr 1:7

Yaa sẽn na yɩl n mak yãmb tẽebã n bãng a sẽn yaa a soaba. Sãnem yaa bõn-sãamdga, la baoosgo b makd-a-la ne bugum n getẽ. La yãmb tẽebã sẽn tar yõod wʋsg n yɩɩd sãnemã, b makd-a lame n getẽ, t'a Zeezi Kiris waoongã daare, bɩ y paam pẽgre la ziiri ne waoogre.