Yelbũna 24:9 - WẼNNAAM SEBRE 2014

⁹ Yalem tagsg yaa yel-wẽn bala, la sẽn yaa yel-beed nebã nifẽ yaa nin-paoogda.

SEBR SÕNGO

⁹ A yam-pa-sek tagsda wẽng bala, la neb fãa sẽn kis a soaba, wa fãa-fãa, yaa ned ninga toog sẽn ka be ne a taaba.

Yelbũna 24:9 Iomraidhean Croise

Sɩngrẽ 6:5

Sẽn-Ka-Saab gesame tɩ ninsaalbã wẽngã lebga wʋsg dũniyã zugu, la daar fãa, ninsaal tagsda wẽng maaneg yell bala.

Sɩngrẽ 8:21

Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

Yɩɩn‑sõamyã 119:113

Mam kisa yam a yiib rãmbã, la m nonga yãmb tõogã.

Yelbũna 21:24

B boonda ned sẽn yaa tɩta-ned la wuk-m-meng soaba, tɩ nin-paoogda. Yẽnda tʋʋmã fãa pida ne tɩtaam.

Yelbũna 22:10

Rig nin-paoogda tɩ zabr sɛ, tɩ nokoɛɛm ne tʋy me sɛ.

Yelbũna 23:7

Bala, a yel-manesmã yaa wa a tagsgã sẽn yaa to-to wã. Yẽnda na n yeela foom tɩ f rɩ la f yũ, t'a sũurã yaool n ka be ne foom ye.

Yelbũna 24:8

Ned sã n tagsd n dat n maan wẽnga, b boond-a lame tɩ zãmb naaba.

Yelbũna 29:8

Nin-paoogdb rãmbda tẽnga, la yam soab sigsda sũuri.

Yelbũna 9:7

Sẽn sagend-a nin-paoogdbã paamda paoogre, la sẽn keoogd-a nin-wẽng paamda tʋʋsgo.

A Ezayi 55:7

Bɩ nin-wẽng bas sor ning a sẽn tũudã, la bɩ tʋʋm-wẽns maandã bas a tags wẽnsã, n lebg n wa Sẽn-Ka-Saab nengẽ, tɩ tõnd Wẽnnaamã sẽn kõt sugr wʋsgã, tõe n zoe yẽnda nimbãanega.

Zeremi 4:14

Zeruzalɛm nebã, yiis-y wẽngã y sũyã pʋsẽ, n paam fãagre. Yãmb na n kell n pa y tags-wẽnsã pʋg hal tɩ ta dabʋre?

A Matiye Sõng 15:19

Bala, tags-wẽnse, nin-kʋʋre, yoobo, raglem, wagdem, zĩrẽ la kãnegr yita sũur pʋgẽ.

A Matiye Sõng 5:28

La mam yeta yãmb tɩ ned ning fãa sẽn get pag ne ratem wẽng zoe n maana yoob ne-a a sũurẽ.

A Matiye Sõng 9:4

La a Zeezi sẽn mi bãmb tagsgã yeela bãmba: Yaa bõe tɩ yãmb tar tags‑wẽns y sũyã pʋse?

Tʋʋma 8:22

Dẽ yĩnga, bɩ f tek yam n bas f tags‑wẽnsã, n pʋʋs Zu-soabã tɩ sã n tõe bɩ f paam sugr kũun tags kãnga sẽn be fo sũurẽ wã yĩnga.

2 Korẽnt rãmba 10:5

Tagsd nins ne bũmb nins fãa sẽn zẽkd b mens n zabdẽ tɩ nebã kõn bãng Wẽnnaamã, tõnd leebd-b lame n lubdẽ, la tõnd tõogda tagsd buud fãa n kɩt tɩ b sak Kirisã.