Yelbũna 24:7 - WẼNNAAM SEBRE 2014

⁷ Yam zãra ne yalma, Yaa rẽ t'a ka tõe n yaag a noor tẽngã rignoorẽ ye.

SEBR SÕNGO

⁷ Yalem nifẽ, yam vẽenem wẽnda bũmbu a sẽn ka tõe n paame. B sã n gomd sẽn wat ne tẽnga manegr yelle, yẽ tɛk la a sĩnda.

Yelbũna 24:7 Iomraidhean Croise

A. Zoobe 31:21

Mam sã n namsa kɩɩba, mam sẽn mi tɩ bʋ-kaoodbã bee mam poorẽ yĩnga,

A. Zoobe 5:4

«Bɩ a kambã ra tol n paam sõngr ye! Bɩ b kong bʋʋm bʋʋd zĩigẽ, tɩ ned ka be n na n fãag-b ye!

Yɩɩn‑sõamyã 10:5

Nin-wẽng paamda tõogr wakat fãa. La Wẽnnaam bʋ-kaoorã zãra ne a wʋmbo. Yẽnda pursda a bɛɛbã fãa.

Yɩɩn‑sõamyã 127:5

Sẽn paam-a peem-kãens n pids a lok tara sũ-noogo! A sã n na n bʋ ne bɛyã tẽngã noore, a kõn tol n paam yãnd ye.

Yelbũna 14:6

Nin-paoogd baooda yam n ka paamdẽ ye, la yam soab paamda bãngr tao-tao.

Yelbũna 15:24

Yam-sõng soab sor dabda ne-a vɩɩm zĩigẽ, t'a tõe n zãag a meng ne kɩɩm-kulgu.

Yelbũna 17:16

Ligd sẽn be yalem nugẽ yõod yaa bõe? Yaa sẽn na n da yam bɩ? La yẽnda zugã sẽn ka wã!

Yelbũna 17:24

Yam pẽe ne nin-yẽesenga, la yalem bas n geta hal yɩɩga.

Yelbũna 17:7

Gom-minim ka tog ne yalma, la zĩrẽ-beed me ka tog ne naab ye.

Yelbũna 22:22

Ra fã naong soab a sẽn ka pãng yĩng ye, la f ra maan nimbãan-ned pãng bʋʋd zĩigẽ ye.

Yelbũna 28:5

Nin-wẽns ka wʋmd no-tũudr võor ye. La sẽn baood-b Sẽn-Ka-Saabã wʋmda a fãa võore.

Yelbũna 31:23

A sɩdã sã n yi tẽngã rignoorẽ, n be kãsem-dãmbã sʋka, a tara waoogre.

A Ezayi 29:21

Yaa neb nins sẽn dag n balgd nebã bʋʋd zĩigẽ, la b bẽt bʋ-kaoodbã tẽngã noorã, n kɩtdẽ tɩ b paalgd bʋʋm soab zaalmã.

A Ezayi 32:6

Bala, yalem gomda yalem goamã, t'a sũurã tagsd wẽng maanego, la a maanda tʋʋm-dẽgdo, n gomd n paoogd Sẽn-Ka-Saabo. Yẽnda basda kom sẽn tar b rãmbã tɩ b gãe kom, la a mongd ko-yũud sẽn tar-b rãmbã koom.

A Amoose 5:10

Yãmb kisa sẽn togsd-a sɩd bʋʋd zĩigẽ, la sẽn gomd-a ne pʋ-peelem.

A Amoose 5:12

Bala, mam miime tɩ yãmb beegrã looga nugu, la y yel-wẽnã yaa wʋsgo. Yãmb namsda nin-tɩrga, la y reegd kũuni, n mongd naong soab bʋʋm bʋʋd zĩigẽ.

A Amoose 5:15

Kisg-y wẽng la y nong sẽn yaa neere, la y kao bʋʋd sẽn yaa tɩrg y bʋʋdã zĩisẽ, tɩ daar ninga, Sẽn-Ka-Saab sẽn yaa Saasẽ-Pãng-Soabã na zoe a Zozɛf buudã sẽn ketã nimbãanega.

1 Korẽnt rãmba 2:14

La ninsaal sẽn yaa yĩng neongã ka tõe n deeg bũmb nins sẽn yit Wẽnnaam Sɩɩgã nengẽ wã ye. Bala, b yaa yalemd ne yẽnda. La a ka tõe n bãng-b ye. Bala, yaa ne Sɩɩg-sõngã la ned tagsd-b yelle.