Yelbũna 24:16 - WẼNNAAM SEBRE 2014

¹⁶ Bala, nin-tɩrg tõe n lʋɩɩ naoor a yopoe, la a na n leb n yikame. La toog na n luba nin-wẽnga.

SEBR SÕNGO

¹⁶ Nin-sõng lʋɩ naor a yopoe me a na n yikame, nin-wẽng yẽ paada a wẽnemẽ.

Yelbũna 24:16 Iomraidhean Croise

Sɩngrẽ 19:35

Badaar yʋngo, bãmb leb n yũnuga b ba wã rãam, la yao-bi-puglã kẽe n gãanda ne a ba wã. La a ba wã ka bãng wakat ning yẽnda sẽn gãande, la a sẽn yik wakat ning ye.

A Ɛstɛɛre 7:10

La b luula a Haman da-lugdg ning yẽnda sẽn dag n lugl a Mardoose yĩngã zugu. Dẽ, rĩmã sũur sigame.

A. Zoobe 5:19

Bãmb na n fãaga foom tood a yoob pʋga, la a yopoe soabã ka na n paam foom ye.

Yɩɩn‑sõamyã 34:19

Sẽn-Ka-Saab pẽe sũ-sãang rãmbã, la b fãagda sũ-pa-noaang rãmbã.

Yɩɩn‑sõamyã 34:21

Bãmb gũuda b nin-tɩrgã kõbr fãa, la a kõbr ba a yembr kõn kaoog ye.

Yɩɩn‑sõamyã 37:24

Yẽnda sã n salge, a ka lʋɩt tẽng ye, bala, Sẽn-Ka-Saab gãda yẽnda nugu.

Yɩɩn‑sõamyã 52:5

Fo nonga wẽng n yɩɩd sẽn yaa sõama, la f nong zĩrẽ n yɩɩd sɩd goamã.

Yɩɩn‑sõamyã 7:16

Yẽnda tukda bok n zulg-a, la a na n wẽneg n lʋɩ a pʋga.

Yɩɩn‑sõamyã 79:12

Zu-soaba, kɩt-y tɩ tõnd yagsã paam paoogr ning b sẽn paoogd yãmbã naoor a yopoe!

Yelbũna 13:17

Koe-toagsd sẽn yaa nin-wẽng wata ne toogo, la nin-tɩrg koɛɛg togsg wata ne laafɩ.

Yelbũna 13:21

Toog pʋgda yel-wẽn-maandbã, la naar yaa nin-tɩrsã keoore.

Yelbũna 14:32

Nin-wẽng tʋʋm n lubd-a, la baa nin-tɩrg kũum wakate, a ket n tara tẽebo.

Yelbũna 24:22

Bala, toogã na n ling-b-la vugr bala, la ãnda n mi sɩbgr ning Wẽnnaam, bɩ rĩmã sẽn na n sɩbg bãmbã?

Yelbũna 6:15

Yaa rẽ n kɩte, tɩ sãoongã na n wa ling-a. La yẽnda na n sãamame tɩ tɩɩm kaẽ ye.

Zeremi 18:17

Mam na n kɩtame tɩ b bɛɛbã rig-b tɩ b sãeeg wa sobg sẽn yi yaang n dɩkd bũmbu. B sãoongã wakate, mam na n wẽnemda m neng n bas-ba.»

Zeremi 8:4

Yeel-b tɩ maam a Sẽn-Ka-Saab sokdame yaa: «Ned lʋɩtame n ka yik bɩ? Bɩ ned sã n bʋdge, a ka lebgd n wa sor zugu?

Ezekiyɛl 7:5

Ad Zu-soab a Sẽn-Ka-Saab sẽn yeta: «Toogo! Toog sẽn ka tar to n wate!

A Amoose 5:2

Israyɛll sẽn yaa wa pʋg-neerã lʋɩɩme, la a kõn tol n yik ye, A lʋɩ n dɩga a meng tẽn-gãongã zugu, tɩ ned ka be sẽn na n doog-a ye.

A Amoose 8:14

Bãmb wẽenda ne Samaari wẽn-naan-yoogã n yetẽ: «Tõnd wẽenda ne f wẽn-naandg a Dan, la d wẽend ne Bɛɛrseba wẽn-naandgã!» La b na n lʋɩɩme n ka leb n yik abada ye

Sõadga 32:23

La yãmb sã n ka maan a woto, yaa Sẽn-Ka-Saab la y beeg yã. La bɩ y bãng tɩ y yel-wẽnã sɩbgrã na n lʋɩ y zugu.

Tʋʋma 12:23

Wakat-kãng bala, Zu-soabã malɛɛk wẽe rĩm a Eroode, yẽ sẽn dɩk Wẽnnaam waoogrã n kõ a mengã yĩnga. La zũnzũy n dɩ-a t'a ki.

1Tesalonik Rãmba 5:3

Wakat ning ninsaalbã sẽn na n yeel tɩ yaa laafɩ la bãanã, wakat-kãng la sãoong na n ling bãmba. La na n yɩɩ wa rogem toog sẽn paamd pag sẽn tʋte, la b kõn põs ye.

1 Sãmwɛlle 26:10

La a Davɩɩd yeelame: «Mam wẽenda ne Sẽn-Ka-Saabo, tɩ yaa Sẽn-Ka-Saab bal n na n yãk yam ne a sẽn na n ki to-to, tõe n yɩ a daar n ta, wall a kẽnga zabr n tɩ pa tãpẽ.

1 Sãmwɛlle 31:4

La a Sayull yeela bi-bɩɩg ning sẽn dag n zãad-a yẽnda zab-teedã yaa: «Wõog f sʋʋgã n kõs-m n kʋ, tɩ nin-bãmbã sẽn ka kẽ bãongã ra wa yaal-m n yaool n kʋ-m ye.» La bi-bɩɩg ning sẽn dag n zãad-a yẽnda zab-teedã ka sak ye. Bala, rabeem dag n tar-a lame. Dẽ, a Sayull dɩka a sʋʋgã n tilg n bas a meng n lʋɩ a zugu.