Yelbũna 24:12 - WẼNNAAM SEBRE 2014

¹² Fo sã n wa yeele: «Tõnd dag n ka bãng ye!» Bɩ f bãng tɩ sẽn feesd-a sũyã miime, ned ning sẽn gũud-a fo vɩɩmã neeme, la bãmb na n yaoo ned kam fãa wa sẽn zems a tʋʋmde.

SEBR SÕNGO

¹² Da wa yeele: tõnd da miime la? Fo zɩ tɩ sẽn zãad-a tõnd yõora miime. Bãmb n na n dol ninsaala wala a tʋʋm-manesem sẽn tog ne.

Yelbũna 24:12 Iomraidhean Croise

A. Zoobe 34:11

Wẽnnaam keooda ninsaal wa sẽn zems a tʋʋmã. Bãmb donda ned kam fãa wa sẽn zems a manesem.

Yɩɩn‑sõamyã 121:3

Bãmb kõn bas tɩ f naoor lak ye. Sẽn gũud-a foomã ka suusd ye.

Yɩɩn‑sõamyã 121:8

Sẽn-Ka-Saab na n gũu foom, b na n gũu foom f yiibu, n tãag f kõom, sẽn sɩng ne moasã, la wakat sẽn ka sɛta.

Yɩɩn‑sõamyã 17:3

Yãmb feesa mam sũurã, la yʋngo, yãmb gũusa maam. Yãmb maka maam n gese, la y ka yãnd bũmb sẽn yaa wẽng ye. Mam yõka m meng n ka bas tɩ m sẽn tagsã yi m noorẽ ye.

Yɩɩn‑sõamyã 44:21

Tõnd sã n dag n yĩmẽ d wẽnnaamã yʋʋre, tõnd sã n dag n pʋʋsẽ wẽn-sãanga,

Yɩɩn‑sõamyã 62:12

Wẽnnaam goma vugri, la mam leb n wʋma b sẽn gom naoor a yiibu: «Pãng yaa Wẽnnaam n so.»

Yɩɩn‑sõamyã 66:9

Bãmb n kõt tõnd vɩɩm, la b ka basd tɩ tõnd naoor lak ye.

Yɩɩn‑sõamyã 7:9

Sẽn-Ka-Saabo, yãmb n kaood soolem toy-toyã nebã bʋʋdo, Sẽn-Ka-Saabo, bʋ-y mam bʋʋd wa sẽn zems mam tɩrlmã, la wa sẽn zems mam burkĩndã.

Yɩɩn‑sõamyã 94:9

Soab ning sẽn maan-a tʋbã ka wʋmd la? Sẽn maan-a ninã ka ne la?

Yelbũna 12:14

Ned no-goam n kõt-a bõn-sõama tɩ seke, la ned kam fãa sẽn tʋm bũmb ning n lebd-a.

Yelbũna 16:2

Ninsaal tõe n tagsdame t'a yel-manesmã yaa sõama, la yaa Sẽn-Ka-Saab bal n feesd ninsaalbã sũyã.

Yelbũna 21:2

Ninsaal tagsdame t'a yel-manesmã fãa zemsame, la yaa Sẽn-Ka-Saab bal n feesd ninsaalbã sũyã.

Yelbũna 5:21

Bala, Sẽn-Ka-Saab nee ninsaal yel-manesem, la bãmb geta a sẽn dabd zĩig ning fãa.

Yelbũna 5:22

Nin-wẽng lʋɩta a meng kongr pʋga. Yẽnda meng yel-wẽnã n wẽnegd n yõk-a.

Kowelɛt 5:8

Tẽn-gãongã yõod yaa nebã fãa yĩnga. Baa rĩm meng teega pʋʋg sẽn kõt bũmb ningã.

Zeremi 17:10

Maam a Sẽn-Ka-Saab n feesd ninsaal sũuri, n mi a sẽn tagsd bũmb ninga, n keood ned kam fãa wa sẽn zems a yel-manesmã, la a tʋʋmã biisi.

Zeremi 32:19

Yãmb saagrã yaa kãsemse, la y tʋʋm-kãsemsã tara ra-sãnde. Yãmb puka y nin n get ninsaalbã fãa, la y ronda ned kam fãa wa sẽn zems a yel-manesem, la wa sẽn zems a tʋʋmã biisi.

Kʋʋr yɩɩla 3:36

la b sã n maan ned pãng a bʋʋd kaood wakate, Zu-soabã ka ne bõn-kãng sɩda?

A Dãniyɛlle 5:23

Yãmb zẽka y meng n kɩɩs Zu-soabã sẽn be saasẽ wã. Yãmb kɩtame tɩ b tall Zu-soabã roogã laasã n wa kõ yãmba, tɩ yãmb ne y nin-kãsemsã, la y pagbã, ne y pʋg-rɩkdsã tall-b n yũ reezẽ rãam. Yãmb waooga y wẽn-naandsã sẽn maan ne wanzuri, la sãnem, la zũudu, ne kutu, la raad ne kugã. Bãmb yaa wẽnnaam-dãmb sẽn ka ne, la b ka wʋmde, la b ka tar bãngr ye. Yãmb ka waoog Wẽnnaam ning sẽn so-a yãmb vɩɩmã, ne bũmb nins fãa yãmb sẽn maandã ye.

A Matiye Sõng 16:27

Bala, Ninsaal Bi-riblã na n waa ne b ba wã ziiri, ne b malegse. La rẽ wẽnde, bãmb na n dola ned kam fãa wa sẽn zems a tʋʋmde.

Tʋʋma 17:28

bala, yaa bãmb pʋg la d tar vɩɩm, la d tõe n kẽne la d beẽ. Yaa wala yãmb yʋʋmbã kẽer sẽn dag n yeel me tɩ tõnd yaa Wẽnnaam kambã.

Rom Dãmba 2:16

Daar ning Wẽnnaam sẽn na n kɩt t'a Zeezi Kiris kao nebã tʋʋm-solgdsã bʋʋd wa koe-noog ning mam sẽn moondã sẽn yetã, bõn-kãens na n pukame.

Rom Dãmba 2:6

bãmb sẽn na n keo ned kam fãa wa sẽn zems a tʋʋmdã:

1 Korẽnt rãmba 4:5

Woto yĩnga, da kao-y bũmb baa fɩ bʋʋd tɩ wakatã nan ka ta ye, tɩ Zu-soabã waoong nan ka ta ye. Bãmb sã n wa, b na n puka bũmb ning sẽn solg lik pʋgẽ wã, la b na n kɩtame tɩ bũmb nins nebã sẽn dag n saag b sũyã pʋsẽ wã pugsi. Wakat-kãnga, Wẽnnaam n na n pẽg ned kam fãa.

2 Korẽnt rãmba 5:10

Bala, yaa tɩlɛ tɩ tõnd fãa yals Kiris bʋʋdã geer taoore, tɩ b keo ned kam fãa wa sẽn zems tʋʋm nins yẽ sẽn tʋmã yĩngã pʋgã. Sã n yaa tʋʋm-sõamyã wall tʋʋm-wẽnse.

Vẽnegre 1:18

Mam yaa dẽenem la yaoolem soaba, soab ning sẽn vɩ. Mam dag n kiime, la ad-ma, mam vɩɩme, zamaan woo zamaane. Mam tara kũum ne kɩɩm-kulg kʋɩlen-biisi.

Vẽnegre 2:18

Gʋls Tɩyatɩɩr wẽnd doogã gũud n yeel-a yaa: Ad Wẽnnaam Bi-riblã, sẽn tar-a nin sẽn wẽnd bug-witim t'a nao wẽnd wa zũudã sẽn yeta:

Vẽnegre 2:23

Mam na n kɩtame tɩ kũum kʋ a kambã, la wẽnd-dotã fãa na n bãngame tɩ mam yaa soab ning sẽn feesd tagsd la sũyã, la mam na n yaoo yãmb ned kam fãa wa sẽn zems a tʋʋmã.

Vẽnegre 22:12

A Zeezi yeelame: Gese, bilf bal sã n paase, mam na n waame, la mam zãada keoor n watẽ n na n keo ned kam fãa wa sẽn zems a tʋʋmde.

1 Sãmwɛlle 16:7

La Sẽn-Ka-Saab yeela a Sãmwɛll yaa: «Da ges a ra-sãndã ne a woglmã ye. Bala, mam zãgs-a lame. Sẽn-Ka-Saab ka get wa ninsaal sẽn getã ye. Ninsaal geta sẽn be ra-sãnde, la Sẽn-Ka-Saab geta sũuri.»

1 Sãmwɛlle 2:3

Da gom-y wuk-m-meng goam ye. Da sak-y tɩ y noor yiis tɩtaam goam ye. Bala, Sẽn-Ka-Saab yaa Wẽnnaam sẽn mi fãa. Bãmb makda nebã fãa tʋʋmã.

1 Sãmwɛlle 2:6

Sẽn-Ka-Saab n tõe tɩ ned ki, la b tõe tɩ ned vɩɩmde. Bãmb n tõe tɩ ned sig kɩɩm-kulgu, la b tõe t'a vʋʋge.

1 Sãmwɛlle 25:29

Ned sã n yik n dat n sãam yãmba, yaa Sẽn-Ka-Saab sẽn yaa yãmb Wẽnnaamã n na n gũ yãmb vɩɩmã. La b na n lobga y bɛɛbã wa ned sẽn dɩk kugr n ning loaabgẽ n lobge.